ܚܘܼܠܡܵܢܵܐ

ܡܵܘܕܥܵܢܘܼܬܵܐ ܕܚܘܼܠܡܵܢܵܐ

ܐܸܢ ܐܝܼܬܠܵܘܟܼܘܿܢ ܢܝܼܫܲܢܩܹ̈ܐ ܩܸܫܝܹ̈ܐ ܐܲܝܟܼ ܥܲܣܩܘܼܬܵܐ ܒܲܫܩܲܠܬܵܐ ܕܢܲܦܲܣ، ܐܸܢ ܒܵܣܡܵܐ ܠܵܘܟܼܘܿܢ ܡܲܚܒܸܪܘܼܢ 000 ܩܵܐ ܗܲܝܲܪܬܵܐ ܐܵܣܝܵܝܬܵܐ ܒܓ̰ܲܠܕܘܼܬܵܐ.

ܢܝܼܫܲܢܩܹ̈ܐ ܕܒܼܵܝܪܘܿܣ ܕܟܘܿܪܘܿܢܵܐ ܟܹܐ ܚܵܒܼܫܝܼ:

  • ܚܲܡܚܲܡܬܵܐ
  • ܫܥܵܠܵܐ
  • ܒܵܠܘܿܥܬܵܐ ܒܸܡܪܵܥܵܐ
  • ܟܲܪܝܘܼܬܵܐ ܕܫܩܲܠܬܵܐ ܕܢܲܦܲܣ

ܢܝܼܫܲܢܩܹ̈ܐ ܐ݉ܚܹܪ݉ܢܹ̈ܐ ܡܵܨܝܵܢܬܵܐ ܝܠܵܗܿ ܕܚܵܒܼܫܝܼ ܢܲܚܝܼܪܵܐ ܡܲܝܹ̈ܐ ܒܸܨܠܵܝܵܐ، ܡܲܪܥܵܐ ܕܪܹܫܵܐ، ܡܲܪܥܹ̈ܐ ܓܵܘ ܥܲܨܲܠܝܵܬܹ̈ܐ ܝܲܢ ܡܲܦܨܵܠܹ̈ܐ، ܓܒܼܵܠܬܵܐ ܕܠܸܒܵܐ، ܦܠܵܚܬܵܐ ܕܐܲܩܠܵܐ، ܛܲܠܲܩܬܵܐ ܕܪܸܓܼܫܵܐ ܕܡܲܡܲܚܬܵܐ، ܪܸܓܼܫܵܐ ܫܘܼܚܠܸܦܵܐ ܕܛܲܥܡܵܐ، ܛܲܠܲܩܬܵܐ ܕܪܸܓܬܵܐ (ܫܲܗܒܼܲܬܵܐ) ܕܐ݉ܟܼܵܠܵܐ ܘܫܲܪܫܵܝܬܵܐ.

ܐܸܢ ܡܸܪܥܝܹ̈ܐ ܝܬܘܿܢ ܘܒܸܚܫܵܒܼܵܐ ܝܬܘܿܢ ܕܐܝܼܬܠܵܘܟܼܘܿܢ ܒܼܵܝܪܘܿܣ ܕܟܘܿܪܘܿܢܵܐ، ܛܠܘܿܒܘܼܢ ܗܲܝܲܪܬܵܐ ܐܵܣܝܵܝܬܵܐ.

ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܘܼܛܵܐ ܕܗܲܝܲܪܬܵܐ ܐܘܼܡܬܵܝܵܐ ܕܒܼܵܝܪܘܿܣ ܕܟܘܿܪܘܿܢܵܐ (National Coronavirus Helpline) ܥܲܠ ܡܸܢܝܵܢܵܐ 080 020 1800 ܩܵܐ ܡܵܘܕܥܵܢܘܼܬܵܐ ܙܵܘܕܵܢܬܵܐ. ܐܸܢ ܣܢܝܼܩܹ̈ܐ ܝܬܘܿܢ ܗܲܝܲܪܬܵܐ ܕܚܲܕ ܬܲܪܓܡܵܢܵܐ ܒܠܸܫܵܢܵܘܟܼܘܿܢ، ܐܸܢ ܒܵܣܡܵܐܠܵܘܟܼܘܿܢ ܡܲܚܒܸܪܘܼܢ 450 131.

ܫܵܘܦܵܐ ܕܫܲܒܼܟܵܐ ܕܡܦܲܪܢܣܵܢܘܼܬܵܐ ܕܚܘܼܠܡܵܢܵܐ (Department of Health’s website) ܐܝܼܬܠܹܗ ܚܲܕܕܵܪܝܵܐ ܡܵܘܕܥܵܢܘܵܬܹ̈ܐ ܦܪܝܼܣܹ̈ܐ ܒ ܠܸܫܵܢܹ̈ܐ ܐ݉ܚܹܪ݉ܢܹ̈ܐ ܫܒܼܘܿܩ ܡܼܢ ܠܸܫܵܢܵܐ ܐܸܢܓܠܸܣܢܵܝܵܐ (languages other than English) ܩܵܐ ܗܲܝܲܪܬܵܐ ܕܐ݉ܢܵܫܹ̈ܐ ܕܦܵܝܫܝܼ ܫܲܝܢܵܝܹ̈ܐ ܘܡܲܒܨܸܪܝܼ ܠܩܸܢܛܹ̈ܐ ܩܵܐ ܟܢܘܼܫܬܵܐ.

ܙܵܘܕܵܐ ܡܲܒܘܼܥܹ̈ܐ ܕܠܸܫܵܢܵܐ ܡܵܨܝܵܢܬܵܐ ܝܠܵܗܿ ܡܲܫܟ̰ܲܚܬܲܝܗܝ ܓܵܘ www.sbs.com.au/language/coronavirus  

ܨܲܚܨܲܝܬܵܐ ܘܕܲܪܡܲܢܬܵܐ ܕ COVID-19

ܐܵܦ ܐܸܢ ܠܵܐ ܗܵܘܹܐܠܵܘܟܼܘܿܢ ܒܼܝܼܙܵܐ، ܝܲܢ ܠܲܝܬܘܿܢ ܐܲܟܝܼܕܹ̈ܐ ܒܘܼܬ ܐܲܝܟܲܢܵܝܘܼܬܵܐ ܕܒܼܝܼܙܵܘܟܼܘܿܢ، ܓܵܪܸܓ ܬܵܒܥܝܼܬܘܿܢ ܦܘܼܩܕܵܢܹ̈ܐ ܕܫܘܼܠܛܵܢܹ̈ܐ ܕܚܘܼܠܡܵܢܵܐ ܥܲܡܡܵܝܵܐ. ܐܸܢ ܒܸܪܓܼܵܫܵܐ ܝܬܘܿܢ ܕܡܸܪܥܝܹ̈ܐ ܝܬܘܿܢ ܘܐܝܼܬܠܵܘܟܼܘܿܢ ܢܝܼܫܲܢܩܹ̈ܐ، ܟܡܵܐ ܕܗܵܘܝܼ ܡܲܟܝܼܟܼܹ̈ܐ، ܓܵܪܸܓ ܛܵܠܒܝܼܬܘܿܢ ܝܲܨܝܼܦܘܼܬܵܐ ܐܵܣܝܵܝܬܵܐ ܘܦܵܝܫܝܼܬܘܿܢ ܨܘܼܚܨܸܝܹ̈ܐ ܕܲܠܩܘܼܒܼܠ ܕ COVID-19.

ܡܲܫܟ̰ܚܘܼܢ ܡܲܐܣܲܝܬܵܐ ܕܢܲܦܲܣ ܕ COVID 19 (COVID-19 respiratory clinic) ܒܘܼܫ ܩܘܼܪܒܵܐ ܥܲܠܵܘܟܼܘܿܢ.

ܦܘܼܫܘܼܢ ܫܲܝܢܵܝܹ̈ܐ

  • ܗܲܡܵܫܵܐ ܡܲܦܠܸܚܘܼܢ ܬܲܡܝܼܙܘܼܬܵܐ ܛܵܒܼܬܵܐ، ܚܲܠܸܠܘܼܢ ܐܝܼܕܵܬܵܘܟܼܘܿܢ ܩܵܐ ܡܸܬܚܵܐ ܕ 20 ܖ̈ܦܵܦܹܐ ܒܨܵܒܘܿܢ ܘܡܲܝܵܐ، ܡܟܲܣܝܼܡܘܼܢ ܠܫܥܵܠܵܘܟܼܘܿܢ، ܪܚܘܿܩܘܼܢ ܡܼܢ ܕܩܵܪܬܵܐ ܒܥܲܝܢܵܘܟܼܘܿܢ، ܢܲܚܝܼܪܵܘܟܼܘܿܢ ܘܦܘܼܡܵܘܟܼܘܿܢ
  • ܚܲܡܝܼܡܘܼܢ ܠܪܸܚܩܵܝܘܼܬܵܐ ܦܲܓܼܪܵܢܵܝܬܵܐ ܕ 1.5 ܡܸܬܖܹ̈ܐ ܐܝܼܡܵܢ ܕܦܠܝܼܛܹ̈ܐ ܝܬܘܿܢ ܠܒܲܕܲܪ ܡܼܢ ܒܲܝܬܵܘܟܼܘܿܢ
  • ܪܚܘܿܩܘܼܢ ܡܼܢ ܕܪܵܝܵܬܹ̈ܐ ܕܫܠܵܡܵܐ ܦܲܓܼܪܵܢܵܝܹ̈ܐ ܐܲܝܟܼ ܫܥܵܫܝܵܬܹ̈ܐ ܕܐܝܼܕܵܐ، ܚܒܵܩܝܵܬܹ̈ܐ ܘܲܢܫܲܩܝܵܬܹ̈ܐ
  • ܡܲܣܸܡܘܼܢ ܒܵܠܵܐ ܒܘܼܫ ܙܵܘܕܵܐ ܐܸܢ ܡܲܦܠܘܼܚܹܐ ܝܬܘܿܢ ܢܩܝܼܠܘܼܬܵܐ ܥܲܡܡܵܝܬܵܐ
  • ܪܚܘܿܩܘܼܢ ܡܼܢ ܟܸܢܫܹ̈ܐ ܕܐ݉ܢܵܫܹ̈ܐ ܘܓ̰ܡܵܥܝܵܬܹ̈ܐ ܥܲܡܡܵܝܵܬܹ̈ܐ ܓܘܼܒܼܪܹ̈ܐ
  • ܗܘܹܝܡܘܼܢ ܝܕܝܼܥܹ̈ܐ ܨܦܵܝܝܼ ــ ܐܲܚܟ̰ܝܼ ܡܲܦܠܸܚܘܼܢ ܡܵܘܕܥܵܢܘܼܬܵܐ ܪܘܼܫܡܵܝܬܵܐ ܫܲܪܝܼܪܬܵܐ. ܡܲܨܠܝܼܡܘܼܢ ܠܹܗ ܬܘܼܠܚܵܡܵܐ ܕܡܘܼܒܵܝܠ ܦܘܿܢ ܕ Coronavirus Australia ، ܫܲܘܬܸܦܘܼܢ ܓܵܘ ܚܸܠܡܲܬ ܕ Coronavirus Australia WhatsApp service، ܘܣܲܚܒܸܪܘܼܢ ܠܫܵܘܦܵܐ www.australia.gov.au ܩܵܐ ܡܵܘܕܥܵܢܘܼܬܵܐ ܒܘܼܫ ܡܚܘܼܕܸܕܬܵܐ.    

ܚܲܛܵܐ ܕܣܢܵܕܬܵܐ ܕ COVID-19 ܕܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ  

ܚܲܛܵܐ ܕܣܢܵܕܬܵܐ ܕ COVID-19 ܕܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ ܟܹܐ ܡܲܕܸܥ، ܣܵܢܹܕ ܘܡܲܡܛܹܐ ܠܐܘܿܣܬܪܵܠܝܵܝܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ.

ܚܲܕܟܡܵܐ ܐܘܿܣܬܪܵܠܝܵܝܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ ܡܚܝܼܠܹ̈ܐ (ܙܲܒܘܼܢ) ܝܢܵܐ ܩܵܕ݉ܡ COVID-19 ، ܐܝܼܢܵܐ ܒܘܼܫ ܚܲܟ̰ܵܐ ܐܝܼܬܠܗܘܿܢ ܡܛܵܝܬܵܐ ܘܐ݉ܣܵܪܬܵܐ ܒܐܸܢܬܸܪܢܸܬ ܘܣܢܝܼܩܹ̈ܐ ܝܢܵܐ ܠܐܘܼܖ̈ܚܵܬܹܐ ܕܡܵܛܝܼ ܠܡܵܘܕܥܵܢܘܵܬܹ̈ܐ ܠܚܝܼܡܹ̈ܐ ܥܲܡ ܐܲܗܘܵܠܵܬܲܝ̈ܗܝ. ܚܲܛܵܐ ܕܣܢܵܕܬܵܐ ܕ COVID-19 ܕܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ ܟܹܐ ܡܲܩܪܸܒܼ ܡܵܘܕܥܵܢܘܼܬܵܐ ܘܣܢܵܕܬܵܐ.

ܐܘܿܣܬܪܵܠܝܵܝܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ، ܒܲܝܬܘܼܝܵܬܲܝܗܝ، ܚܲܒܼܪܵܢܲܝ̈ܗܝ ܘܡܲܣܸܡܵܢܹ̈ܐ ܕܒܵܠܵܐ ܥܲܠܲܝܗܝ ܡܵܨܝܼ ܡܲܚܒܸܝܼ ܡܲܚܒܲܪܬܵܐ ܡܲܓܵܢܵܝܬܵܐ ܩܵܐ 866 171 1800 ܐܸܢ ܐܵܢܝܼ:  

  • ܡܲܚܘܼܒܹܐ ܝܢܵܐ ܕܗܲܡܙܸܡܝܼ ܥܲܡ ܚܲܕ ܦܲܪܨܘܿܦܵܐ ܒܘܼܬ ܩܲܝܲܨܝܵܬܹ̈ܐ ܕ COVID-19 ܘܡܲܥܒܕܵܢܘܼܬܲܝܗܝ ܥܲܠܲܝܗܝ
  • ܒܸܪܓܼܵܫܵܐ ܝܢܵܐ ܕܠܚܘܿܕܲܝܗܝ ܝܢܵܐ ܘܢܝܼܓܵܪܵܢ ܝܢܵܐ ܒܘܼܬ ܚܲܕ ܡܼܢ ܡܘܼܚܸܒܲܝܗܝ
  • ܟܹܐ ܡܲܣܸܡܝܼ ܒܵܠܵܐ ܥܲܠ ܚܲܕ ܦܲܪܨܘܿܦܵܐ ܘܣܢܝܼܩܹ̈ܐ ܝܢܵܐ ܠܚܲܕܟܡܵܐ ܡܵܘܕܥܵܢܘܵܬܹ̈ܐ ܝܲܢ ܠܚܲܕ ܦܲܪܨܘܿܦܵܐ ܕܗܲܡܙܸܡܝܼ ܥܲܡܹܗ
  • ܣܢܝܼܩܹ̈ܐ ܝܢܵܐ ܠܗܲܝܲܪܬܵܐ ܝܲܢ ܢܲܨܝܼܗܲܬ ܒܘܼܬ ܫܲܚܠܲܦܬܵܐ ܕܚܸܠܡܲܬܹ̈ܐ ܕܡܲܣܲܡܬܵܐ ܕܒܵܠܵܐ ܥܲܠ ܐ݉ܢܵܫܹ̈ܐ ܥܒܼܝܼܪܹ̈ܐ ܒܫܸܢܹ̈ܐ ܕܟܹܐ ܩܲܒܠܝܼ ܠܗܘܿܢ
  • ܣܢܝܼܩܹ̈ܐ ܝܢܵܐ ܠܗܲܝܲܪܬܵܐ ܩܵܐ ܕܡܵܛܝܼ ܠܚܸܠܡܲܬܹ̈ܐ ܕܡܲܣܲܡܬܵܐ ܕܒܵܠܵܐ ܚܲܕܬܹ̈ܐ ܝܲܢ ܡܸܢܕܝܵܢܹ̈ܐ ܐܵܢܲܢܩܵܝܹ̈ܐ ܐܲܝܟܼ ܙܒܼܵܢܬܵܐ ܕܡܸܢܕܝܵܢܹ̈ܐ ܡܼܢ ܫܘܼܩܵܐ
  • ܐܝܼܬܠܗܘܿܢ ܙܕܘܼܥܬܵܐ ܒܘܼܬ ܓܲܢܲܝܗܝ، ܚܲܕ ܚܲܒܼܪܵܐ ܝܲܢ ܗܲܕܵܡܵܐ ܕܒܲܝܬܘܼܬܵܐ ܕܒܸܚܵܝܵܐ ܝܠܹܗ ܥܲܡ ܡܲܪܥܵܐ ܕܕܸܡܸܢܫܝܵܐ
  • ܡܲܚܘܼܒܹܐ ܝܢܵܐ ܕܡܲܪܝܸܙܝܼ ܨܲܚܨܲܝܬܵܐ ܕܛܵܒܼܘܼܬܵܐ ܕܚܲܝܹ̈ܐ ܩܵܐ ܚܕܵܐ ܓܵܗܵܐ ܝܲܢ ܨܲܚܨܲܝܬܵܐ ܥܝܵܕܵܝܬܵܐ ܩܵܐ ܓܵܢܲܝܗܝ، ܝܲܢ ܩܵܐ ܚܲܕ ܦܲܪܨܘܿܦܵܐ ܐ݉ܚܹܪ݉ܢܵܐ. 

ܐܘܿܣܬܪܵܠܝܵܝܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ، ܚܸܙܡܵܢܲܝܗܝ، ܡܲܣܸܡܵܢܹ̈ܐ ܕܒܵܠܵܐ ܥܲܠܲܝܗܝ، ܚܲܒܼܪܵܢܲܝ̈ܗܝ ܝܲܢ ܣܵܢܕܵܢܲܝ̈ܗܝ ܡܵܨܝܼ ܡܲܚܒܸܪܝܼ ܠܡܸܢܝܵܢܵܐ 866 171 1800 ܡܼܢ 8:30 ܩܲܕܵܡܬܵܐ ــ 6:00 ܒܪܲܡܫܵܐ ܒܥܸܕܵܢܵܐ ܪܘܼܫܡܵܝܬܵܐ ܕܡܲܕܢܚܵܐ ܕܐܘܿܣܬܪܵܠܝܵܐ (AEST) ܒܝܵܘܡܵܢܹ̈ܐ ܕܫܵܒܼܘܿܥܵܐ ܩܵܐ ܟܠ ܚܕܵܐ ܡܵܘܕܥܵܢܘܼܬܵܐ ܝܲܢ ܩܵܐ ܚܸܠܡܲܬܹ̈ܐ ܕܒܲܠܟܵܐ ܣܵܢܩܝܼ ܥܲܠܲܝܗܝ.

ܘܲܪܲܩܬܵܐ ܕܡܵܘܕܥܵܢܘܼܬܵܐ