ܚܘܼܠܡܵܢܵܐ

ܡܲܘܕܥܵܢܘܼܬܵܐ ܕܚܘܼܠܡܵܢܵܐ

ܢܝܼܫܲܢܩܹ̈ܐ ܕ coronavirus ܒܸܚܒ݂ܵܫܵܐ ܝܢܵܐ:

  • ܚܲܡܚܲܡܬܵܐ
  • ܫܥܵܠܵܐ
  • ܒܵܠܘܼܥܬܵܐ ܕܡܪܵܥܵܐ ܝܠܵܗ̇
  • ܟܸܫܚܵܐ
  • ܟܲܪܝܘܼܬܵܐ ܕܢܵܦܵܣ

ܐܸܢ ܡܸܪܥܝܹܐ ܝܬܘܿܢ ܘܒܸܚܫܵܒ݂ܵܐ ܝܬܘܿܢ ܕܐܝܼܬܠܵܘܟ݂ܘܿܢ coronavirus، ܚܲܦܛܘܼܢ ܕܦܵܝܫܝܼܬܘܿܢ ܚܸܙܝܹܐ ܒܝܲܕ ܚܲܕ ܐܵܣܝܵܐ.

ܡܵܨܝܼܬܘܿܢ ܕܛܵܠܒܝܼܬܘܿܢ ܡܲܘܕܥܵܢܘܼܬܵܐ ܒܩܪܵܝܬܵܐ ܥܲܠ ܚܘܼܛܵܐ ܬܹܠܝܼܦ̮ܘܿܢܵܝܵܐ ܐܘܼܡܬܵܝܵܐ ܕܗܲܝܲܪܬܵܐ ܕ Coronavirus (National Coronavirus Helpline). ܐܸܢ ܣܢܝܼܩܹܐ ܝܬܘܿܢ ܠܚܲܕ ܡܬܲܪܓܡܵܢܵܐ، ܩܪܘܿܢ ܥܲܠ ܡܸܢܝܵܢܵܐ 450 131.

ܐܸܢ ܐܝܼܬܠܵܘܟ݂ܘܿܢ ܢܝܼܫܲܢܩܹ̈ܐ ܩܸܫܝܹ̈ܐ ܐܲܝܟ݂ ܥܲܣܩܘܼܬܵܐ ܒܫܩܵܠܬܵܐ ܕܢܵܦܵܣ، ܩܪܘܿܢ ܥܲܠ ܡܸܢܝܵܢܵܐ ܕܬܠܵܬܵܐ ܨܝܼܦܵܪܹ̈ܐ (000) ܠܸܛܠܵܒܵܐ ܗܲܝܲܪܬܵܐ ܐܵܣܝܘܼܬܵܢܵܝܬܵܐ ܐܲܠܨܵܝܬܵܐ. ܫܵܘܦܵܐ ܐܹܠܸܟܬܪܘܿܢܵܝܵܐ ܕܡܕܲܒܪܵܢܘܼܬܵܐ ܕܚܘܼܠܡܵܢܵܐ ܐܝܼܬܠܹܗ ܚܲܕ ܣܸܕܪܵܐ ܕܡܲܘܕܥܵܢܘܼܬܵܐ ܒܠܸܫܵܢܹ̈ܐ ܫܒ݂ܘܿܩ ܡ̣ܢ ܒܠܸܫܵܢܵܐ ܐܸܢܓܠܸܣܵܝܵܐ ܠܗܲܝܘܼܪܹܐ ܩܵܐ ܐ݇ܢܵܫܹ̈ܐ ܕܦܵܝܫܝܼ ܒܫܲܝܢܘܼܬܵܐ ܘܠܡܲܒܨܘܼܪܲܝܗܝ ܩܸܢܛܹ̈ܐ ܠܚܲܕ ܕܲܪܓ݂ܵܐ ܛܵܒ݂ ܟܘܼܦܵܐ ܩܵܐ ܟܢܘܼܫܬܵܐ.

ܨܲܚܨܲܝܬܵܐ ܘܕܲܪܡܲܢܬܵܐ ܕ COVID-19

ܐܵܦܸܢ ܐܸܢ ܠܲܝܬ ܠܵܘܟܼܘܿܢ ܒܼܝܼܙܵܐ، ܝܲܢ ܠܲܝܬܘܿܢ ܐܲܟܝܼܕܹ̈ܐ ܒܘܼܬ ܐܲܝܟܲܢܵܝܘܼܬܵܐ ܕܒܼܝܼܙܵܐ ܕܕܝܼܵܘܟܼܘܿܢ، ܓܵܪܸܓ ܬܵܒܥܝܼܬܘܿܢ ܦܘܼܩܕܵܢܹ̈ܐ ܕܚܘܼܠܡܵܢܵܐ ܥܲܡܡܵܝܵܐ. ܐܸܢ ܒܸܪܓܼܵܫܵܐ ܝܬܘܿܢ ܕܡܸܪܥܝܹ̈ܐ ܝܬܘܿܢ، ܛܠܘܿܒܘܼܢ ܢܲܨܝܼܗܲܬ ܐܵܣܝܵܝܬܵܐ ܘܦܘܼܫܘܼܢ ܨܘܼܚܨܸܝܹ̈ܐ ܩܵܐ COVID-19.

ܫܘܼܠܛܵܢܹ̈ܐ ܕܐܘܼܚܕܵܢܵܐ ܘܐܸܩܠܝܼܡܵܐ ܡܲܩܪܘܼܒܼܹܐ ܝܢܵܐ ܨܲܚܨܲܝܬܵܐ ܘܕܲܪܡܲܢܬܵܐ ܡܲܓܵܢ ܕ COVID-19.

ܦܘܼܫܘܼܢ ܒܫܲܝܢܘܼܬܵܐ

  • ܗܲܡܵܫܵܐ ܚܲܡܝܼܬܘܿܢ ܬܲܡܝܼܙܘܼܬܵܐ ܛܵܒ݂ܬܵܐ، ܘܡܚܲܠܸܠܝܼܬܘܿܢ ܠܗܘܿܢ ܐܝܼܕܵܘܟ݂̈ܘܿܢ ܒܨܵܒܘܿܢ ܘܒܡܝܼܵܐ ܩܵܐ ܡܸܬܚܵܐ ܕ 20 ܪ̈ܦܵܦܹܐ، ܘܡܟܲܣܝܼܬܘܿܢ ܠܗܘܿܢ ܫܥܵܠܵܘܟ݂̈ܘܿܢ، ܘܪܲܚܩܝܼܬܘܿܢ ܡ̣ܢ ܕܩܵܪܬܵܐ ܒܥܲܝܢܵܘܟ݂̈ܘܿܢ ܘܒܢܲܚܝܼܪܵܘܟ݂ܘܿܢ ܘܒܦܘܼܡܵܘܟ݂ܘܿܢ.
  • ܚܲܡܝܼܬܘܿܢ ܪܸܚܩܵܝܘܼܬܵܐ ܫܲܘܬܵܦܵܝܬܵܐ ܕܠܵܐ ܒܵܨܘܿܪܵܐ ܡ̣ܢ 1.5 ܡܲܬܪܹ̈ܐ ܐܝܼܡܲܢ ܕܠܒܲܕܲܪ ܕܒܲܝܬܵܘܟ݂ܘܿܢ ܝܬܘܿܢ.
  • ܪܵܚܩܝܼܬܘܿܢ ܡ̣ܢ ܕܪܵܝܬܵܐ ܕܫܠܵܡܵܐ ܒܕܩܵܪܬܵܐ ܦܲܓ݂ܪܵܢܵܝܬܵܐ ܐܲܝܟ݂ ܫܥܵܫܬܵܐ ܕܐܝܼܕܵܐ، ܚܒܵܩܝܵܬܹ̈ܐ ܘܡܲܢܫܘܼܩܝܵܬܹ̈ܐ.
  • ܡܲܦܠܸܚܝܼܬܘܿܢ tap and go (ܦܪܵܥܝܵܬܵܘܟ݂̈ܘܿܢ ܗܵܘܝܼ ܒܐܘܼܪܚܵܐ ܐܹܠܸܟܬܪܘܿܢܵܝܬܵܐ ܒܫܵܘܦܵܐ ܕܫܲܢܵܝܬܵܐ ܕܙܘܼܙܹ̈ܐ ܡ̣ܢ ܐܝܼܕܵܐ ܠܐܝܼܕܵܐ).
  • ܚܵܙܩܝܼܬܘܿܢ ܒܥܸܕܵܢܵܬܹ̈ܐ ܕܫܲܠܝܘܼܬܵܐ ܘܪܲܚܩܝܼܬܘܿܢ ܡ̣ܢ ܟܸܢܫܹ̈ܐ.
  • ܗܵܘܝܼܬܘܿܢ ܒܸܝܕܵܥܝܵܐ ܟܠ ܡܸܢܕܝܼ – ܡܲܦܠܸܚܘܼܢ ܐܲܚܟ̰ܝܼ ܠܡܲܘܕܥܵܢܘܼܬܵܐ ܪܘܼܫܡܵܝܬܵܐ. ܡܲܨܠܘܼܢ ܠܹܗ ܬܘܼܠܚܵܡܵܐ ܕܬܹܠܝܼܦ̮ܘܿܢ ܡܫܲܢܝܵܢܵܐ (mobile phone app) ܕCoronavirus Australia ، ܗܘܹܝܡܘܼܢ ܗܲܕܵܡܹ̈ܐ ܠܩܲܒܘܼܠܘܿܗ̇ ܚܸܠܡܲܬ ܕ Coronavirus Australia WhatsApp، ܘܣܲܚܒܸܪܘܼܢ ܠܫܵܘܦܵܐ www.australia.gov.au ܠܸܩܢܵܝܵܐ ܗ̇ܝ ܡܲܘܕܥܵܢܘܼܬܵܐ ܒܘܼܬ ܚܲܕܬܬܵܐ.

ܚܲܛܵܐ ܕܣܢܵܕܬܵܐ ܕ COVID-19 ܩܵܐ ܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ  

ܚܲܛܵܐ ܕܣܢܵܕܬܵܐ ܕ COVID-19 ܩܵܐ ܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ ܟܹܐ ܡܲܕܥܹܐ، ܣܵܢܹܕ ܘܡܵܛܹܐ ܠܐܘܿܣܬܖ̈ܵܠܝܵܝܹܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ.

ܚܲܕܟܡܵܐ ܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ ܓܠܝܼܚܹ̈ܐ ܝܢܵܐ ܩܵܐ COVID-19، ܝܼܢܵܐ ܐܝܼܬܠܗ݉ܘܿܢ ܐܲܣܘܼܪܵܐ ܒܘܼܫ ܒܵܨܘܿܪܵܐ ܒܐܸܢܬܸܪܢܸܬ ܘܣܢܝܼܩܹ̈ܐ ܝܢܵܐ ܠܐܘܼܖ̈ܚܵܬܹܐ ܕܡܵܛܝܼ ܠܡܵܘܕܥܵܢܘܼܬܵܐ ܒܘܼܬ ܐܲܗܘܵܠܲܬܵܝܗܝ. ܚܲܛܵܐ ܕܣܢܵܕܬܵܐ ܕ COVID-19 ܩܵܐ ܦܲܪܨܘܿܦܹ̈ܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ ܟܹܐ ܡܲܩܪܸܒܼ ܡܵܘܕܥܵܢܘܼܬܵܐ ܘܣܢܵܕܬܵܐ.

ܐܘܿܣܬܖ̈ܵܠܝܵܝܹܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ، ܒܲܝܬܘܼܬܵܝܗܝ، ܚܲܒܼܪܵܘܵܬܵܝ̈ܗܝ ܘܡܲܣܸܡܵܢܹ̈ܐ ܕܒܵܠܵܐ ܥܲܠܲܝܗܝ ܡܵܨܝܼ ܡܲܚܒܸܪܝܼ ܡܲܓܵܢ ܥܲܠ ܡܸܢܝܵܢܵܐ  866 171 1800 ܐܸܢ ܐܵܢܝܼ:   

  • ܡܲܚܘܼܒܹܐ ܝܢܵܐ ܕܗܲܡܙܸܡܝܼ ܥܲܡ ܚܲܕ ܦܲܪܨܘܿܦܵܐ ܒܘܼܬ ܩܲܝܲܨܝܵܬܹ̈ܐ ܕ COVID-19 ܘܡܲܥܒܕܵܢܘܼܬܵܝܗܝ ܥܲܠܲܝܗܝ
  • ܪܵܓܼܫܝܼ ܕܠܚܘܿܕܵܝܗܝ ܝܢܵܐ ܘܢܝܼܓܵܪܵܢ ܝܢܵܐ ܒܘܼܬ ܡܲܚܸܒܵܢܵܝ̈ܗܝ
  • ܟܹܐ ܡܲܣܸܡܝܼ ܒܵܠܵܐ ܥܲܠ ܚܲܕ ܦܲܪܨܘܿܦܵܐ ܐ݉ܚܹܪ݉ܢܵܐ ܘܣܢܝܼܩܹ̈ܐ ܝܢܵܐ ܕܩܵܢܝܼ ܚܲܕܟܡܵܐ ܡܵܘܕܥܵܢܘܵܬܹ̈ܐ ܝܲܢ ܕܗܲܡܙܸܡܝܼ ܥܲܡ ܚܲܕ ܦܲܪܨܘܿܦܵܐ
  • ܣܢܝܼܩܹ̈ܐ ܝܢܵܐ ܠܗܲܝܲܪܬܵܐ ܝܲܢ ܢܲܨܝܼܗܲܬ ܒܘܼܬ ܫܲܚܠܲܦܬܵܐ ܕܚܸܠܡܲܬܹ̈ܐ ܕܡܲܣܲܡܬܵܐ ܕܒܵܠܵܐ ܥܲܠ ܐ݉ܢܵܫܹ̈ܐ ܥܒܼܝܼܪܹ̈ܐ ܒܫܸܢܹ̈ܐ ܕܩܲܒܘܼܠܹܐ ܝܢܵܐ
  • ܣܢܝܼܩܹ̈ܐ ܝܢܵܐ ܠܗܲܝܲܪܬܵܐ ܕܡܵܛܝܼ ܠܚܸܠܡܲܬܹ̈ܐ ܚܲܕܬܹ̈ܐ ܕܡܲܣܲܡܬܵܐ ܕܒܵܠܵܐ ܝܲܢ ܡܸܢܕܝܵܢܹ̈ܐ ܐܵܢܲܢܩܵܝܹ̈ܐ ܐܲܝܟܼ ܪܚܵܫܬܵܐ ܠܫܘܼܩܵܐ
  • ܐܝܼܬܠܗ݉ܘܿܢ ܙܕܘܼܥܬܵܐ ܒܘܼܬ ܓܵܢܵܝܗܝ، ܚܲܕ ܚܲܒܼܪܵܐ ܝܲܢ ܚܲܕ ܗܲܕܵܡܵܐ ܕܒܲܝܬܘܼܬܵܐ ܕܒܸܚܵܝܵܐ ܝܠܹܗ ܥܲܡ ܕܸܡܸܢܫܝܵܐ
  • ܡܲܚܘܼܒܹܐ ܝܢܵܐ ܕܡܲܪܝܸܙܝܼ ܚܕܵܐ ܨܲܚܨܲܝܬܵܐ ܝܲܢ ܨܲܚܨܲܝܬܵܐ ܥܝܵܕܵܝܬܵܐ ܕܛܵܒܼܘܼܬܵܐ ܕܓܵܢܵܐ ܩܵܐ ܓܵܢܵܝܗܝ، ܝܲܢ ܩܵܐ ܚܲܕ ܐ݉ܚܹܪ݉ܢܵܐ.  

ܐܘܿܣܬܖ̈ܵܠܝܵܝܹܐ ܒܘܼܫ ܥܒܼܝܼܪܹ̈ܐ ܒܫܸܢܹ̈ܐ، ܚܸܙܡܵܢܵܝܗܝ، ܡܲܣܸܡܵܢܹ̈ܐ ܕܒܵܠܵܐ ܥܲܠܲܝܗܝ، ܚܲܒܼܪܵܘܵܬܵܝ̈ܗܝ ܝܲܢ ܣܵܢܕܵܢܵܝܗܝ ܡܵܨܝܼ:

  • ܡܲܚܒܸܪܝܼ 866 171 1800
  • ܡܼܢ 8:30 ܩܲܕܵܡܬܵܐ ܗܲܠ 6 ܒܪܲܡܫܵܐ ܒܥܸܕܵܢܵܐ ܕܡܲܕܢܚܵܐ ܕܐܘܿܣܬܪܵܠܝܵܐ ܒܝܵܘܡܵܢܹ̈ܐ ܕܫܵܒܼܘܿܥܵܐ
  • ܩܵܐ ܟܠ ܚܕܵܐ ܡܵܘܕܥܵܢܘܼܬܵܐ ܝܲܢ ܚܸܠܡܲܬ ܕܒܲܠܟܵܐ ܣܵܢܩܝܼ ܥܲܠܘܿܗܿ.

ܘܲܪܲܩܬܵܐ ܕܡܵܘܕܥܵܢܘܼܬܵܐ