ܩܵܐ ܒܸܣܢܝܼܣܹ̈ܐ

JobKeeper Payment

ܦܘܼܪܥܵܢܵܐ ܕ JobKeeper ܕܫܘܼܠܛܵܢܵܐ ܝܼܗܘܵܐ ܚܕܵܐ ܗܲܝܲܪܬܵܐ ܙܲܒܼܢܵܢܵܝܬܵܐ ܩܵܐ ܒܸܣܢܝܼܣܹ̈ܐ ܕܪܵܒܵܐ ܝܢܵܐ ܦܝܼܫܹܐ ܥܘܼܓ̰ܸܙܹ̈ܐ ܒܒܼܵܝܪܘܿܣ ܕܟܘܿܪܘܿܢܵܐ COVID-19 .

ܡܲܦܠܸܚܵܢܹ̈ܐ ܠܚܝܼܡܹ̈ܐ، ܬܲܓܵܪܹ̈ܐ ܠܚܘܿܕܵܝܹ̈ܐ ܘܫܘܼܓܼ݉ܠܵܢܹ̈ܐ ܐ݉ܚܹܪ݉ܢܹ̈ܐ ܡܵܨܝܼ ܗܘܵܘ ܩܲܕܸܡܝܼ ܗܘܵܘ ܩܵܐ ܕܩܲܒܠܝܼ ܗܘܵܘ ܦܘܼܪܥܵܢܹ̈ܐ ܕ JobKeeper ܩܵܐ ܦܵܠܵܚܲܝ̈ܗܝ ܠܚܝܼܡܹ̈ܐ. ܐܲܢܹܐ ܦܝܼܫܹ̈ܐ ܗܘܵܘ ܦܘܼܪܸܥܝܹܐ ܩܵܐ ܡܲܦܠܸܚܵܢܵܐ ܟܠ ܝܲܪܚܵܐ ܒܡܲܟܼܬܒܼܵܐ ܐܘܿܣܬܪܵܠܝܵܝܵܐ ܕܡܲܕܲܐܬܵܐ (ATO).

ܒܸܣܢܝܼܣܹ̈ܐ ܡܵܨܝܼ ܗܘܵܘ ܡܲܟܬܸܒܼܝܼ ܗܘܵܘ ܩܵܐ ܦܘܼܪܥܵܢܵܐ ܕ JobKeeper ܒܐܘܼܪܚܵܐ ܕܬܲܪܥܵܐ ܐܸܠܟܬܪܘܿܢܵܝܵܐ ܕܒܸܣܢܝܼܣ ܕ ATO، ܓܵܘ ܚܸܠܡܲܬܹ̈ܐ ܕܐܸܢܬܸܪܢܸܬ ܕ ATO ܒܡܲܦܠܲܚܬܵܐ ܕ myGov ܐܸܢ ܐܵܢܝܼ ܝܼܗܘܵܘ ܬܲܓܵܪܹ̈ܐ ܠܚܘܿܕܵܝܹ̈ܐ، ܝܲܢ ܒܐܘܼܪܚܵܐ ܕܡܲܕܲܐܬܵܐ ܡܣܘܼܓܼܸܠܬܵܐ ܝܲܢ ܘܲܟܝܼܠܵܐ ܕ BAS.  

ܩܵܐ ܡܵܘܕܥܵܢܘܼܬܵܐ ܒܘܼܬ ܦܘܼܪܥܵܢܵܐ ܕ JobKeeper، ܪܚܘܿܫܘܼܢ ܠܫܵܘܦܵܐ ܐܸܠܟܬܪܘܿܢܵܝܵܐ ܕ www.ato.gov.au/JobKeeper.  

ܐܲܟܲܕܬܵܐ ܕܪܸܗܛܵܐ ܕܟܸܣܦܵܐ (ܙܘܼܙܹ̈ܐ ܩܲܕ݇ܡ ܐܝܼܕܵܐ) ܠܸܦܪܵܥܵܐ ܐܲܒܙܵܪܹ̈ܐ ܘܐܲܦܣܘܼܢܝܵܬܹ̈ܐ

ܒܸܣܢܝܼܣܹ̈ܐ ܠܚܝܼܡܹ̈ܐ ܘܫܘܼܬܐܵܣܹ̈ܐ ܕܠܵܐ ܩܵܐ ܩܢܵܝܬܵܐ (NEP) ܕܟܹܐ ܡܲܦܠܸܚܝܼ ܦܵܠܵܚܹ̈ܐ ܒܸܕ ܩܲܒܠܝܼ ܦܘܼܪ̈ܥܵܢܹܐ ܕܪܸܗܛܵܐ ܕܟܸܣܦܵܐ ܒܟܡܵܝܘܼܬܵܐ ܡܼܢ $20,000 ܗܲܠ $100,000 ܒܩܲܕܲܡܬܵܐ ܕܒܘܼܝܵܢܵܐ ܕܥܵܒܼܘܿܕܘܼܬܲܝ̈ܗܝ ܝܲܪܚܵܐܝܼܬ ܘܟܠ ܬܠܵܬܵܐ ܝܲܪܚܹ̈ܐ ܡܼܢ ܝܲܪܚܵܐ ܕܐܵܕܵܪ 2020 ܗܲܠ ܝܲܪܚܵܐ ܕܐܝܼܠܘܿܠ 2020.

ܝܠܘܿܦܘܼܢ ܒܘܼܫ ܙܵܘܕܵܐ:

ܝܵܠܘܿܦܹ̈ܐ ܕܨܸܢܥܬܵܐ ܘܬܲܠܡܝܼܕܹ̈ܐ

ܫܘܼܠܛܵܢܵܐ ܒܸܣܢܵܕܵܐ ܝܠܹܗ ܩܵܐ ܡܛܲܘܪܵܢܘܼܬܵܐ ܠܵܐ ܡܸܬܫܲܠܝܵܢܬܵܐ ܕܚܲܝܠܵܐ ܦܵܠܘܿܚܵܝܵܐ ܡܗܝܼܪܵܐ ܕܐܘܿܣܬܪܵܠܝܼܵܐ ܘܩܵܐ ܗܲܝܲܪܬܵܐ ܕܒܸܣܢܝܼܣܹ̈ܐ ܠܚܝܼܡܹ̈ܐ ܕܚܲܡܝܼܠܗܘܿܢ ܝܵܠܘܿܦܹ̈ܐ ܕܨܸܢܥܬܵܐ ܘܬܲܠܡܝܼܕܹ̈ܐ ܒܡܲܩܪܲܒ݂ܬܵܐ ܕܚܕܵܐ ܣܢܵܕܬܵܐ ܕܐܲܦܣܘܼܢܝܵܬܹ̈ܐ ܒܟܡܵܝܘܼܬܵܐ ܕ 50 ܐܸܡܘܼܢܹ̈ܐ ܗܲܠ ܟܡܵܝܘܼܬܵܐ ܕܠܵܐ ܙܵܘܕܵܐ ܡ̣ܢ $21,000.

ܝܠܘܿܦܘܼܢ ܒܘܼܫ ܙܵܘܕܵܐ:

ܝܼܙܲܦܬܵܐ ܘܕܲܝܢܹ̈ܐ

ܡܲܥܢܵܝܵܐ ܕܚܲܕ ܐܸܣܟܹܝܡܵܐ ܚܲܕܬܵܐ ܕܥܲܪܵܒ݂ܘܼܬܵܐ ܕܒܸܣܢܝܼܣܹ̈ܐ ܙܥܘܿܪܹ̈ܐ ܘܐܵܢܝܼ ܕܒܓܘܼܒ݂ܪܘܼܬܵܐ ܡܸܨܥܵܝܬܵܐ ܕܒ݂ܵܝܪܘܿܣ ܟܘܿܪܘܿܢܵܐ (Coronavirus SME Guarantee Scheme) ܝܼܠܹܗ ܕܐܲܚܬܘܿܢ ܡܵܨܝܼܬܘܿܢ ܕܩܲܒܠܝܼܬܘܿܢ ܕܲܝܢܹ̈ܐ ܙܵܘܕܵܢܹ̈ܐ ܡ̣ܢ ܡܲܕܝܸܢܵܢܹ̈ܐ ܡܫܲܘܬܦܵܢܹ̈ܐ ܠܸܣܢܵܕܵܘܟ݂ܘܿܢ ܒܡܸܬܚܵܐ ܕܝܲܪ̈ܚܹܐ ܐܵܬܝܵܢܹ̈ܐ.

ܫܘܼܠܛܵܢܵܐ ܒܸܕ ܝܵܗܸܒ݂ ܥܲܪܵܒ݂ܘܼܬܵܐ (ܟܵܦܵܠܵܐ) ܕ 50 ܐܸܡܘܼܢܹ̈ܐ ܩܵܐ ܡܲܕܝܸܢܵܢܹ̈ܐ ܕܙܘܼܙܹ̈ܐ ܩܵܐ SME ܩܵܐ ܕܲܝܢܹ̈ܐ ܚܲܕܬܹ̈ܐ ܠܵܐ ܡܟܘܼܦܸܠܹ̈ܐ ܕܦܵܝܫܝܼ ܡܘܼܦܠܸܚܹ̈ܐ ܩܵܐ ܢܝܼܫܹ̈ܐ ܕܪܹܫܡܵܠܵܐ ܦܵܠܘܿܚܵܝܵܐ (working capital).

ܫܘܼܠܛܵܢܵܐ ܐܵܦ ܒܸܝܵܗܒ݂ܵܐ ܝܠܹܗ ܚܲܕ ܦܘܼܚܵܠܵܐ ܡ̣ܢ ܡܸܫܬܲܐܠܵܢܘܵܬܸ̈ܐ ܕܡܲܕܝܵܢܬܵܐ ܒܗܵܘܢܵܢܘܼܬܵܐ ܩܵܐ ܡܲܕܝܸܢܵܢܹ̈ܐ ܕܒܸܝܵܗܒ݂ܵܐ ܝܢܵܐ ܕܲܝܢܵܐ ܩܵܐ ܒܸܣܢܝܼܣܹ̈ܐ ܬܵܟ݂ܘܿܠܹ̈ܐ ܙܥܘܿܪܹ̈ܐ ܕܐܵܢܝܼ ܗܵܫܵܐܝܼܬ ܐܝܼܬܠܗܘܿܢ.

ܐܵܗܵܐ ܦܘܼܚܵܠܵܐ ܝܼܠܹܗ ܩܵܐ ܡܸܬܚܵܐ ܕܐܸܫܬܵܐ ܝܲܪ̈ܚܹܐ ܘܡܟܲܣܘܼܝܲܝܗܝ ܝܠܹܗ ܕܲܝܢܹ̈ܐ ܕܩܵܐ ܢܝܼܫܹ̈ܐ ܒܸܣܢܝܼܣܵܝܹ̈ܐ، ܒܸܚܒ݂ܵܫܵܐ ܝܼܙܲܦܬܵܐ ܚܲܕܬܬܵܐ، ܡܲܙܝܲܕܬܵܐ ܕܬܚܘܼܡܹ̈ܐ ܕܝܼܙܲܦܬܵܐ ܡܘܼܙܝܸܕܹܐ ܘܫܘܼܚܠܵܦܹ̈ܐ ܘܬܘܼܪܵܨܹ̈ܐ ܕܝܼܙܲܦܬܵܐ.

ܣܢܵܕܬܵܐ ܕܦܸܢܝܵܬܹ̈ܐ ܘܡܲܩܛܥܹ̈ܐ

ܫܘܼܠܛܵܢܵܐ ܪܫܝܼܡܵܐ ܝܠܹܗ ܚܲܕ ܒܸܠܝܘܿܢ ܕܘܿܠܵܪܹ̈ܐ ($1 billion) ܠܸܣܢܵܕܵܐ ܩܵܐ ܟܢܘܼܫܝܵܬܹ̈ܐ ܘܦܸܢܝܵܬܹ̈ܐ ܘܡܲܩܛܥܹ̈ܐ ܕܦܝܼܫܹܐ ܝܢܵܐ ܒܘܼܫ ܚܲܝܠܵܢܵܐܝܼܬ ܥܘܼܓ̰ܸܙܹܐ ܒܠܒ݂ܘܼܟ݂ܝܵܐ ܕ Coronavirus. ܐܲܢܹܐ ܙܘܼܙܹ̈ܐ ܒܸܕ ܦܵܝܫܝܼ ܡܘܼܦܠܸܚܹܐ ܠܡܲܩܪܘܼܒܹܐ ܣܢܵܕܬܵܐ ܒܡܸܬܚܵܐ ܕܦܪܵܣܬܵܐ ܕܡܲܪܥܵܐ ܘܠܗܲܝܘܼܪܹܐ ܒܡܸܬܚܵܐ ܕܒܣܵܡܬܵܐ ܘܕܥܵܪܬܵܐ ܠܐܲܝܟܲܢܵܝܘܼܬܵܐ ܕܩܲܕ݇ܡܬܵܐ. ܒܪܹܫ ܕܐܵܗܵܐ، ܫܘܼܠܛܵܢܵܐ ܒܸܣܢܵܕܵܐ ܝܠܹܗ ܩܵܐ ܡܲܩܛܥܵܐ ܕܫܲܪ̈ܝܼܟܘܵܬܹܐ ܕܛܲܝܵܪܹ̈ܐ ܒܐܘܼܪܚܵܐ ܕܚܕܵܐ ܟܲܪܡܘܼܟ݂ܬܵܐ ܕܣܢܵܕܬܵܐ ܒܟܡܵܝܘܼܬܵܐ ܕ 715 ܡܸܠܝܘܿܢܹ̈ܐ ܕܘܿܠܵܪܹ̈ܐ ($715 million).

ܦܵܣܘܿܥܝܵܬܹ̈ܐ ܙܲܒܼܢܵܢܵܝܹ̈ܐ ܕܚܘܼܛܵܛܵܐ ܕ Jobmaker ܩܵܐ ܣܢܵܕܬܵܐ ܕܒܸܣܢܝܼܣܹ̈ܐ

ܐܲܝܟܼ ܚܲܕ ܣܵܗܡܵܐ ܕܡܲܐܣܲܝܬܵܐ ܕ 2020 ـ 21، ܫܘܼܠܛܵܢܵܐ ܡܲܦܠܘܼܚܹ̈ܐ ܚܲܕ ܡܸܢܝܵܢܵܐ ܕܦܵܣܘܿܥܝܵܬܹ̈ܐ ܩܵܐ ܕܗܲܝܸܪ ܠܒܸܣܢܝܼܣܹ̈ܐ ܕܦܵܪܩܝܼ ܡܼܢ ܟܵܐܪ ܕܡܲܪܥܵܐ ܛܵܦܝܵܢܵܐ ܕܒܼܵܝܪܘܿܣ ܕܟܘܿܪܘܿܢܵܐ (COVID-19).

ܐܲܢܹܐ ܦܵܣܘܿܥܝܵܬܹ̈ܐ ܐܝܼܬܠܗ݉ܘܿܢ ܐܲܣܘܼܪܵܐ ܒܛܠܵܒܬܵܐ ܕܙܸܕܩܹ̈ܐ ܕܡܲܒܨܲܪܝܵܬܹ̈ܐ ܕܡܲܕܲܐܬܵܐ، ܡܲܩܛܲܥܝܵܬܹ̈ܐ، ܘܡܲܒܨܲܪܬܵܐ ܕܛܝܼܡܵܐ ܕܩܸܢܝܵܢܹ̈ܐ ܒܥܸܕܵܢܵܐ ܕܡܲܕܲܐܬܵܐ. ܐܵܢܝܼ ܒܸܕ ܣܵܢܕܝܼ ܠܒܸܣܢܝܼܣܹ̈ܐ ܒܥܸܕܵܢܵܐ ܕܡܲܥܒܕܵܢܘܵܬܹ̈ܐ ܐܸܩܘܿܢܘܿܡܵܝܹ̈ܐ ܕ COVID-19 ܩܵܐ ܫܸܢܹ̈ܐ ܟܸܣܦܵܢܵܝܹ̈ܐ ܕ 2020 ـ 21 ܘ 2021 ـ 22.

ܐܲܢܹܐ ܦܵܣܘܿܥܝܵܬܹ̈ܐ ܒܸܚܒܼܵܫܵܐ ܝܢܵܐ:

  • ܝܼܙܲܦܬܵܐ ܕܡܲܦܠܲܚܬܵܐ ܒܐܲܓܼܪܵܐ ܕ JobMaker
  • ܡܲܨܪܵܦܹ̈ܐ ܟܡܝܼܠܹ̈ܐ ܙܲܒܼܢܵܢܵܝܹ̈ܐ
  • ܫܲܢܲܝܬܵܐ ܕܚܣܵܪܝܵܬܹ̈ܐ
  • ܣܢܵܕܬܵܐ ܕܡܲܦܠܲܚܬܵܐ ܕܙܘܼܙܹ̈ܐ ܓܵܘ ܒܸܣܢܝܼܣ ــ ܡܲܠܝܲܙܬܵܐ ܕܡܲܒܨܲܪܬܵܐ ܕܛܝܼܡܵܐ ܕܩܸܢܝܵܢܹ̈ܐ
  • ܡܫܵܝܬܵܐ ܗܵܫܵܝܬܵܐ ܕܩܸܢܝܵܢܹ̈ܐ
  • ܡܲܙܝܲܕܬܵܐ ܕܣܦܘܿܩܬܵܐ ܕܦܲܪܬܲܠܬܵܐ ܕܓܘܼܫܡܵܐ ܕܒܸܣܢܝܼܣ ܙܥܘܿܪܵܐ