ܩܵܐ ܦܲܪ̈ܨܘܿܦܹܐ ܠܚܘܼܕܵܝܹ̈ܐ ܘܒܲܝܬܘܼܝܵܬܹ̈ܐ

ܠܲܝܬ ܡܦܲܠܲܛܬܵܐ ܒܚܲܝܠܵܐ ܡ̣ܢ ܓܵܘ ܒܲܝܬܵܐ ܕܒ݂ܝܼܩܵܐ ܒܟܸܪܝܼ

ܡܦܲܠܲܛܬܵܐ ܒܚܲܝܠܵܐ ܡ̣ܢ ܓܵܘ ܒܲܝܬܵܐ ܕܒ݂ܝܼܩܵܐ ܒܟܸܪܝܼ ܒܸܕ ܦܵܝܫܵܐ ܡܘܼܟܠܝܼܬܵܐ ܩܵܐ ܡܸܬܚܵܐ ܕܐܸܫܬܵܐ ܝܲܪ̈ܚܹܐ ܒܝܲܕ ܫܘܼܠܛܵܢܹ̈ܐ ܐܘܼܚܕܵܢܵܝܹ̈ܐ ܘܐܸܩܠܹܝܡܵܝܹ̈ܐ. ܡܵܪܵܘܵܬܹ̈ܐ ܕܡܘܼܠܟܵܢܹ̈ܐ ܘܕܵܒ݂ܩܵܢܹ̈ܐ ܕܒܵܬܹ̈ܐ ܒܟܸܪܝܼ ܦܝܵܫܵܐ ܝܢܵܐ ܡܚܘܼܦܛܹ̈ܐ ܕܗܲܡܙܸܡܝܼ ܥܲܡܚܕܵܕܹܐ ܒܘܼܬ ܣܘܼܙܓܵܪܹ̈ܐ ܕܩܵܐ ܚܲܕ ܡܸܬܚܵܐ ܟܲܪܝܵܐ ܕܥܸܕܵܢܵܐ. ܨܲܚܨܘܼܢ ܥܲܡ ܫܘܼܠܛܵܢܵܘܟ݂ܘܿܢ ܐܘܼܚܕܵܢܵܝܵܐ ܝܲܢ ܐܸܩܠܹܝܡܵܝܵܐ ܠܩܲܒܘܼܠܹܐ ܡܲܘܕܥܵܢܘܼܬܵܐ ܙܵܘܕܵܢܬܵܐ.

ܟܡܵܝܘܼܬܵܐ ܒܘܼܫ ܟܘܼܦܬܵܐ ܕܡܵܨܝܵܐ ܕܦܵܝܫܵܐ ܫܩܝܼܠܬܵܐ ܡ̣ܢ ܩܸܢܝܵܢܹ̈ܐ ܡܘܼܦܠܸܚܹܐ ܩܵܐ ܡܲܦܪܝܵܢܘܼܬ ܥܘܼܬܪܵܐ ܒܝܲܕ ܦܲܪ̈ܨܘܿܦܹܐ ܡܫܲܘܬܒܹ̈ܐ (Minimum drawdown rate options for retirees)

ܟܡܵܝܘܼܬܵܐ ܒܘܼܫ ܟܘܼܦܬܵܐ ܕܡܵܨܝܵܐ ܕܦܵܝܫܵܐ ܫܩܝܼܠܬܵܐ ܡ̣ܢ ܓܵܘ ܚܘܼܫܒܵܢܹ̈ܐ ܕܩܸܢܝܵܢܹ̈ܐ ܡܘܼܦܠܸܚܹܐ ܩܵܐ ܡܲܦܪܝܵܢܘܼܬ ܥܘܼܬܪܵܐ ܒܝܲܕ ܦܲܪ̈ܨܘܿܦܹܐ ܡܫܲܘܬܒܹ̈ܐܕܟܹܐ ܩܲܒܠܝܼ ܦܸܢܫܵܢܹ̈ܐ ܒܸܢܝܹܐ ܥܲܠ ܚܘܼܫܒܵܢܹ̈ܐ ܘܚܘܼܪ̈ܙܹܐ ܕܵܡܝܵܢܹܐ ܦܝܼܫܬܵܐ ܝܠܵܗ̇ ܡܘܼܒܨܸܪܬܵܐ ܒ 50% ܩܵܐ ܫܸܢܹ̈ܐ ܕܕܲܚܠܵܐ ܕ 2019-20 ܘ 2020-21 ܠܗܲܝܘܼܪܹܐ ܒܡܲܒܨܲܪܬܵܐ ܕܚܘܼܣܪܵܢܹ̈ܐ ܓܘܼܒ݂ܪܹ̈ܐ ܓܵܘ ܫܘܼܩܹ̈ܐ ܟܸܣܦܵܢܵܝܹ̈ܐ ܐܲܝܟ݂ ܚܲܕ ܦܠܵܛܵܐ ܕܟܘܼܪܗܵܢܵܐ ܬܹܒܹܝܠܵܝܵܐ ܕ COVID-19.

ܠܸܩܢܵܝܵܐ ܡܲܘܕܥܵܢܘܼܬܵܐ ܙܵܘܕܵܢܬܵܐ، ܣܲܚܒܸܪܘܼܢ ܠܫܵܘܦܵܐwww.ato.gov.au/drawdown

ܦܘܼܪܥܵܢܵܐ ܕJobKeeper

ܦܘܼܪܥܵܢܵܐ ܕܫܘܼܠܛܵܢܵܐ ܕ JobKeeper ܝܼܗܘܵܐ ܚܲܕ ܥܘܼܕܪܵܢܵܐ ܙܘܼܙܵܢܵܝܵܐ ܙܲܒܼܢܵܢܵܝܵܐ ܩܵܐ ܒܸܣܢܝܼܣܹ̈ܐ ܕܪܵܒܵܐ ܦܝܼܫܹ̈ܐ ܝܢܵܐ ܥܘܼܓ̰ܸܙܹ̈ܐ ܒܒܼܵܝܪܘܿܣ ܕܟܘܿܪܘܿܢܵܐ (COVID-19).

ܡܲܦܠܸܚܵܢܹ̈ܐ ܠܚܝܼܡܹ̈ܐ، ܬܲܓܵܪܹ̈ܐ ܠܚܘܿܕܵܝܹ̈ܐ ܘܓܘܼܫܡܹ̈ܐ ܐ݉ܚܹܪ݉ܢܹ̈ܐ ܡܵܨܝܼ ܗܘܵܘ ܩܲܕܸܡܝܼ ܗܘܵܘ ܩܵܐ ܕܩܲܒܠܝܼ ܗܘܵܘ ܦܘܼܪܥܵܢܹ̈ܐ ܕ JobKeeper ܩܵܐ ܦܵܠܵܚܲܝ̈ܗܝ ܠܚܝܼܡܹ̈ܐ. ܐܵܗܵܐ ܦܘܼܪܥܵܢܵܐ ܦܝܼܫܵܐ ܝܗܘܵܐ ܦܘܼܪܸܥܝܵܐ ܩܵܐ ܡܲܦܠܸܚܵܢܵܐ ܕܡܥܘܼܪܩܸܠܵܐ ܝܠܹܗ ܟܠ ܝܲܪܚܵܐ ܒܝܲܕ ATO.

ܒܸܣܢܝܼܣܹ̈ܐ ܡܵܨܝܼ ܗܘܵܘ ܡܲܟܬܸܒܼܝܼ ܗܘܵܘ ܩܵܐ ܦܘܼܪܥܵܢܵܐ ܕ JobKeeper ܒܐܘܼܪܚܵܐ ܕܬܲܪܥܵܐ ܕܒܸܣܢܝܼܣ ܕ ATO ، ܓܵܘ ܚܸܠܡܲܬܹ̈ܐ ܕ ATO ܡܼܢ ܥܲܠ ܐܸܢܬܸܪܢܸܬ ܒܡܲܦܠܲܚܬܵܐ ܕ myGOV ܐܸܢ ܝܼܗܘܵܘ ܬܲܓܵܪܹ̈ܐ ܠܚܘܿܕܵܝܹ̈ܐ، ܝܲܢ ܒܐܘܼܪܚܵܐ ܕܚܲܕ ܘܲܟܝܼܠܵܐ ܡܣܘܼܓܼܸܠܵܐ ܕܡܲܕܲܐܬܵܐ ܝܲܢ ܘܲܟܝܼܠܵܐ ܕ BAS.

ܩܵܐ ܩܢܵܝܬܵܐ ܕܡܵܘܕܥܵܢܘܼܬܵܐ ܒܘܼܬ ܦܘܼܪܥܵܢܵܐ ܕ JobKeeper ، ܪܚܘܿܫܘܼܢ ܠܫܵܘܦܵܐ ܐܸܠܸܟܬܪܘܿܢܵܝܵܐ www.ato.gov.au/JobKeeper

ܝܼܙܲܦܬܵܐ ܕܡܲܦܠܲܚܬܵܐ ܒܐܲܓܼܪܵܐ ܕ JobMaker (JobMaker Hiring Credit)

ܐܸܣܟܹܝܡܵܐ ܕܝܼܙܲܦܬܵܐ ܕܐܲܓܼܪܵܐ ܕ JobMaker ܝܼܠܹܗ ܚܲܕ ܚܲܦܛܵܢܵܐ ܩܵܐ ܒܸܣܢܝܼܣܹ̈ܐ ܠܡܲܦܠܲܚܬܵܐ ܕܥܠܲܝܡܹ̈ܐ ܙܵܘܕܵܐ ܛܲܥܝܵܢܹ̈ܐ ܒܵܬ݉ܪ ܫܘܼܓܼ݉ܠܵܐ ܒܥܘܼܡܪܵܐ ܕ 16 ـ 35 ܫܸܢܹ̈ܐ.

ܡܲܦܠܸܚܵܢܹ̈ܐ ܠܚܝܼܡܹ̈ܐ ܡܵܨܝܼ ܡܵܛܝܼ ܠܦܘܼܖ̈ܥܵܢܹܐ ܕܝܼܙܲܦܬܵܐ ܕܐܲܓܼܪܵܐ ܕ JobMaker ܩܵܐ ܟܠ ܚܲܕ ܦܵܠܵܚܵܐ ܙܵܘܕܵܢܵܐ ܠܚܝܼܡܵܐ ܕܡܲܦܠܸܚܝܼܠܹܗ ܒܐܲܓܼܪܵܐ ܒܹܝܠ 7 ܬܸܫܪܝܼܢ ܩܲܕܡܵܝܵܐ 2020 ܘ 6 ܬܸܫܪܝܼܢ ܩܲܕܡܵܝܵܐ 2021.

ܚܙܝܼܡܘܼܢ ܠܫܵܘܦܵܐ www.ato.gov.au/jobmakerhiringcredit ܩܵܐ ܡܵܘܕܥܵܢܘܼܬܵܐ ܙܵܘܕܵܢܬܵܐ.

ܚܲܡܘܼܝܹܐ ܛܲܟ݂ܣܵܐ ܕܗܵܘܹܐ ܫܲܝܢܵܝܵܐ ܘܟܹܐܢܵܐ

ܗܘܝܼܡܘܼܢ ܙܗ̈ܝܼܪܹܐ (ܗܸܫܝܲܪ) ܡܼܢ ܐܸܣܟܹܝܡܹ̈ܐ ܥܲܠܕܝܵܢܹ̈ܐ ܕܟܹܐ ܓ̰ܲܪܒܝܼ ܥܲܠܕܝܼܠܵܘܟܼܘܿܢ ܘܫܵܒܼܩܝܼܠܵܘܟܼܘܿܢ ܕܦܵܪܥܝܼܬܘܿܢ ܙܘܼܙܹ̈ܐ ܝܲܢ ܕܝܵܗܒܼܝܼܬܘܿܢ ܠܗܘܿܢ ܡܵܘܕܥܵܢܘܵܬܵܘܟܼ̈ܘܿܢ ܦܲܪܨܘܿܦܵܝܹ̈ܐ.

ܥܲܠܕܝܵܢܹ̈ܐ ܐܲܡܝܼܢܵܐܝܼܬ ܒܸܕ ܡܲܚܙܝܼ ܝܠܵܗܿ ܓܵܢܲܝܗܝ ܩܵܐ ܕܐܵܢܝܼ ܝܼܢܵܐ ܡܼܢ ܫܘܼܬܐܵܣܹ̈ܐ ܬܟܼܝܼܠܹ̈ܐ، ܐܲܝܟܼ ܡܲܟܼܬܒܼܵܐ ܐܘܿܣܬܪܵܠܝܵܝܵܐ ܕܡܲܕܲܐܬܵܐ (ATO). ܐܸܢ ܠܹܐ ܝܬܘܿܢ ܐܲܟܝܼܕܹ̈ܐ ܐܸܢ ܚܕܵܐ ܫܩܵܠܬܵܐ ܘܝܵܗܒܼܵܠܬܵܐ ܥܲܡ ܡܲܟܼܬܒܼܵܐ ܐܘܿܣܬܪܵܠܝܵܝܵܐ ܕܡܲܕܲܐܬܵܐ (ATO) ܝܼܠܵܗܿ ܫܲܪܝܼܪܬܵܐ، ܠܵܐ ܓ̰ܲܘܸܒܝܼܬܘܿܢ. ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܛܘܼܛܵܐ ܫܲܚܝܼܢܵܐ ܕܐܸܣܟܹܝܡܹ̈ܐ ܥܲܠܕܝܵܢܹ̈ܐ ATO ܥܲܠ ܡܸܢܝܵܢܵܐ

1800 008 540 ܝܲܢ ܣܲܚܒܸܪܘܼܢ ܠܫܵܘܦܵܐ www.ato.gov.au/scams ܩܵܐ ܡܵܘܕܥܵܢܘܼܬܵܐ ܙܵܘܕܵܢܬܵܐ.

ܦܘܼܖ̈ܥܵܢܹܐ ܘܚܸܠܡܲܬܹ̈ܐ ܕܫܘܼܠܛܵܢܵܐ

ܒܲܠܟܵܐ ܡܵܨܝܵܐ Services Australia ܕܗܲܝܸܪܵܠܵܘܟܼܘܿܢ ܙܘܼܙܵܢܵܐܝܼܬ ܐܵܦܸܢ ܕܗܵܙܹܪܵܢ ܠܹܐ ܫܵܩܠܝܼܬܘܿܢ ܦܘܼܪܥܵܢܵܐ ܡܼܢ Centrelink. ܠܹܐ ܝܬܘܿܢ ܣܢܝܼܩܹ̈ܐ ܕܐܵܙܠ݉ܝܼܬܘܿܢ ܠܩܸܢܛܪܘܿܢ ܕܚܸܠܡܲܬ. ܡܵܨܝܼܬܘܿܢ ܡܲܦܠܸܚܝܼܬܘܿܢ ܓܘܼܒܵܝܹ̈ܐ ܕܚܸܠܡܲܬ ܕܓܵܢܵܐ ܕܕܝܼܲܢ. ܐܵܦ ܡܵܨܝܼܬܘܿܢ ܡܵܛܝܼܬܘܿܢ ܠܚܲܕ ܦܵܠܵܚܵܐ ܫܵܘܬܵܦܵܝܵܐ. ܐܸܢ ܗܵܙܹܪܵܢ ܝܼܬܘܿܢ ܚܲܕ ܬܵܟܼܘܿܠܵܐ (ܙܲܒܘܼܢܵܐ)، ܐܝܼܬ ܫܘܼܚܠܵܦܹ̈ܐ ܠܦܘܼܖ̈ܥܵܢܲܢ ܘܚܸܠܡܲܬ̈ܲܢ ܒܣܲܒܵܒ ܕܒܼܵܝܪܘܿܣ ܕܟܘܿܪܘܿܢܵܐ (COVID-19). ܩܵܐ ܡܵܘܕܥܵܢܘܼܬܵܐ ܙܵܘܕܵܢܬܵܐ ܒܚܲܕ ܡܸܢܝܵܢܵܐ ܕܠܸܫܵܢܹ̈ܐ، ܣܲܚܒܸܪܘܼܢ ܠܫܵܘܦܵܐ servicesaustralia.gov.au/covid19