ཚོང་ལས་དག

ལས་སྲུང་ཕར་འགྱངས།

ལས་སྲུང་རིན་སྤྲོད་དེ་དངོས་འབྲེལ་བྱེད་ན་ཕྱི་ལོ་ ༢༠༢༠ ཕྱི་ཟླ་དགུ་པའི་ཚེས་ ༢༧ བར་དུ་འཁོར་རྒྱུག་བྱེད་རྒྱུ་ཡིན་པ་དེ་མུ་མཐུད་ནས་འོས་བབས་ཚོང་ལས་ (རང་བཀོལ་ལས་ཀ) དང་ཁེ་ཕན་ཆེད་མིན་པའི་ཚོགས་པ་དག་གི་ཆེད་ཕྱི་ལོ་ ༢༠༢༡ ཕྱི་ཟླ་གསུམ་པའི་ཚེས་ ༢༨ བར་དུ་ཐོབ་ཐུབ།

ཡོང་འགྱུར་སྒྱུར་བཅོས་དག་གི་སྙིང་བསྡུས་ཆེད། དངོས་འབྲེལ་གནད་དོན་ངོ་ཤོག་ - ལས་སྲུང་རིན་སྤྲོད་སྙིང་བསྡུས་ཀྱི་ཕར་འགྱངས། – ཕྱི་ལོ་ ༢༠༢༠ ཕྱི་ཟླ་དགུ་པའི་ཚེས་ ༢༨། སྟེང་འབྲེལ་སྦྱོར་གནང་རོགས།

ལས་སྲུང་རིན་སྤྲོད།

གཞུང་གི་ལས་སྲུང་རིན་སྤྲོད་ནི་ཏོག་དབྱིབས་རིམས་ནད་ (ཏོག་དབྱིབས་-༡༩) རྐྱེན་པས་གནོད་རྐྱེན་ཤུགས་ཆེ་ཕོག་པའི་ཚོང་ལས་དག་གི་ཆེད་འཕྲལ་སེལ་གྱི་འཚོ་སྣོན་རོགས་དངུལ་ཞིག་ཡིན།

འོས་བབས་ལས་བདག་དང་སྒེར་རྐྱང་ཚོང་གཉེར་བ། དེ་བཞིན་ངོ་བོ་གཞན་དག་གིས་སོ་སོའི་འོས་བབས་ལས་མི་དག་གི་ཆེད་ལས་སྲུང་རིན་སྤྲོད་རག་པའི་སྙན་ཞུ་རྒྱག་ཆོག འདི་ནི་བུན་ལྷག་སྤྲོད་འཇལ་བསྡད་པའི་ལས་བདག་རྣམས་ལ་ཟླ་རེར་ཨེ་ཊི་ཨོ་ཡིས་སྤྲོད་པ་ཡིན།

ཚོང་ལས་དག་གིས་Business Portalབརྒྱུད་ནས་ལས་སྲུང་རིན་སྤྲོད་ཆེད་ཐོ་འགོད་བྱེད་ཆོག གལ་ཏེ་ཁྱེད་རང་སྒེར་རྐྱང་ཚོང་གཉེར་བ་ཡིན་ན། ཨེ་ཊི་ཨོ་དྲ་ཐོག་ཞབས་ཞུ་དག་ནང་ myGov བེད་སྤྱོད་བྱེད། ཡང་ན། དེབ་སྐྱེལ་ཟིན་པའི་ཁྲལ་འམ་བི་ཨེ་ཨེས་ངོ་ཚབ་ཁང་བརྒྱུད་ནས་ཐོ་འགོད་བྱ།

ཨེ་ཊི་ཨོ་ནས་ད་ཡོད་ལས་སྲུང་རམ་འདེགས་དང་རོགས་རམ་ཐོབ་རུང་སྐོར་གྱི་ཆ་འཕྲིན་ཆེད། www.ato.gov.au/JobKeeper སྟེང་བསྐྱོད།

ཐོབ་འཛིན་དང་ཉིན་གླ་དག་སྤྲོད་པར་བྱུང་སོང་དངུལ་འབོར་ངེས་བརྟན་བྱེད་པ།

ལས་ཀར་ལས་བྱེད་འཇུག་པའི་འོས་བབས་ཚོང་ལས་དང་ཁེ་ཕན་ཆེད་མིན་པའི་ཚོགས་པ་དག་ལ་དེ་དག་གི་ཕྱི་ལོ་ ༢༠༢༠ ཕྱི་ཟླ་དགུ་པའམ་དེའི་བཞི་ཆ་བར་གྱི་བྱེད་སྒོའི་རྩིས་བརྗོད་ཐོ་འགོད་བྱེད་པ་ཡིས། བྱུང་སོང་དངུལ་འབོར་ $༢༠,༠༠༠ ནས་ $༡༠༠,༠༠༠ དབར་རག་པ་ཡིན།

མང་བ་འཚོལ་ཆེད།:

མྱོང་འདྲིས་སྦྱོར་བརྡར་དང་སྦྱོང་བརྡར་བྱེད་མཁན།

གཞུང་གིས་ཨོ་སི་ཊོ་ལི་ཡའི་ལག་རྩལ་ལྡན་པའི་ལས་མི་དག་མུ་མཐུད་ཡར་རྒྱས་ཐད་རམ་འདེགས་དང་། འོས་ཆོས་ལྡན་པའི་ཚོང་ལས་དག་ལ་མྱོང་འདྲིས་སྦྱོར་བརྡར་དང་སྦྱོང་བརྡར་བྱེད་མཁན་དག་ཉར་ཐུབ་པ་ཡོང་ཆེད་བརྒྱ་ཆ་ ༥༠ ཡི་གླ་ཕོགས་རམ་འདེགས་ཏེ་ $༢༡,༠༠༠ བར་གྱི་རོགས་རམ་བྱེད་པ་ཡིན།

མང་བ་འཚོལ་ཆེད།:

བུན་འཇལ་དང་བུན་གཡར།

ཏོག་དབྱིབས་རིམས་ནད་ཨེས་ཨེམ་ཨི་ཁག་ཐེག་འཆར་གཞི་གསར་པ་ཞེས་པ་དེས་ཁྱེད་ལ་མ་འོངས་ཟླ་བའི་ནང་རམ་འདེགས་བྱེད་པར་འཛུལ་ཞུགས་བྱེད་པའི་གཡར་མཁན་དག་ནས་བུན་གཡར་འཕར་མ་ལག་སོན་བྱེད་ཐུབ་སྲིད་པ་ཡིན།

གཞུང་གིས་ཨེས་ཨེམ་ཨི་གཡར་མཁན་དག་ལ་ཐབས་ལེན་མ་རྩར་བེད་སྤྱོད་བྱེད་རྒྱུའི་འགན་ཁག་མི་ལེན་པའི་བུན་གཡར་གསར་པའི་ཆེད་བརྒྱ་ཆ་ ༥༠ ཡི་ཁག་ཐེག་མཁོ་སྤྲོད་བྱེད་པ་ཡིན།

དེ་བཞིན་གཞུང་གིས་ད་ཡོད་ཚོང་ལས་ཆུང་བའི་ཚོང་ཤག་དག་ལ་བུན་འཇལ་མཁོ་སྤྲོད་བྱེད་མཁན་གྱི་གཡར་པ་པོ་དག་ལ་འགན་འཁུར་ཡོད་པའི་གཡར་སྟངས་ཀྱི་ཁྲིམས་སྲོལ་ནས་ཆག་ཡང་མཁོ་སྤྲོད་བྱེད་པ་ཡིན།

ཆག་ཡང་འདི་ཟླ་བ་དྲུག་རིང་ཡིན་པ་དང་འདི་ཉིད་ཚོང་ལས་དགོས་དོན་ཆེད་བུན་འཇལ་གང་རུང་ལ་ཁྱབ་པ་ཡིན་ཞིང་། དེ་ཁོངས་བུན་འཇལ་གསར་པ་དང། བུན་འཇལ་ཚད་གཞི་སྤར་བ། བུན་འཇལ་འགྱུར་ལྡོག་དང་གཞི་སྒྲོམ་གསར་པ་དག་འཚུད་པ་ཡིན།

མངའ་ཁོངས་དང་སྡེ་ཁག་ལ་རམ་འདེགས་བཞིན་པ།

གཞུང་གིས་ཨོ་སྒོར་ཐེར་འབུམ་ $༡ ཏོག་དབྱིབས་རིམས་ནད་ཁྱབ་གདལ་རྐྱེན་པས་གནོད་འཚེ་ཚབས་ཆེ་ཤོས་ཕོག་པའི་སྤྱི་ཚོགས་དང་། མངའ་ཁོངས། བཟོ་གྲྭ་དག་ལ་རམ་འདེགས་བྱེད་ཆེད་ཟུར་འཇོག་བྱས་ཡོད། རོགས་དངུལ་འདི་དག་ཁྱབ་གདལ་སྐབས་སུ་མཐུན་འགྱུར་དང་བསྐྱར་གསོའི་ཆེད་རོགས་རམ་བྱེད་པར་ཐོབ་རུང་ཡོད། དེ་སྟེང་གཞུང་གིས་ང་ཚོའི་མཁའ་ལམ་བཟོ་ལས་དག་ལ་ཨོ་སྒོར་ས་ཡ་ $༧༡༥ བར་གྱི་ཐུམ་སྒྲིལ་བརྒྱུད་ནས་མཐུན་འགྱུར་བྱེད་པ་ཡིན།

ཁྱེད་ཀྱི་ཚོང་ལས་ནང་མ་འཛུགས་བྱེད་པ།

ལོ་འཁོར་ཕྱོགས་སྡོམ་ཚོང་འབོར་ཨོ་སྒོར་ས་ཡ་ $༥༠༠ ལས་ཉུང་བའི་ཚོང་ལས་ཆེད་ཐད་ཀར་རྒྱུ་དངོས་ནག་སུབ་འགོ་འཛུགས་ཀྱི་མཚམས་དེ་ $༣༠,༠༠༠ ནས་ $༡༥༠,༠༠༠ ལ་སྤར་བ་ཡིན།

ཁྱེད་ཀྱི་ཚོང་ཟོག་དོས་ཁང་ངམ་རྨོད་འཁོར་རྙིང་པ་ཆེད་ཡོ་ཆས་གསར་པ་ཉོ་བ་ཡིན་ན། ཁྱེད་ཀྱི་ཚོང་ལས་ལ་ཕྱི་ལོ་ ༢༠༢༠ ཟླ་བཅུ་གཉིས་པའི་ཚེས་ ༣༡ བར་སྤར་ཟིན་པ་དང་འཕེལ་རྒྱས་བཏང་བའི་འཕྲལ་མར་རྒྱུ་དངོས་ནག་སུབ་ཀྱི་ཁེ་ཕན་དེ་ཐོབ་སྲིད་པ་ཡིན།

དེ་བཞིན་འོས་ཆོས་ལྡན་པའི་ཚོང་ལས་ལ་མྱུར་ཚད་སྤར་བའི་འཛའ་ཆག་འཕྲི་གཅོག་དེ་ཟླ་བ་ ༡༥ ཡི་མ་འཛུགས་སྐུལ་སློང་ལས་གཞི་བརྒྱུད་ནས་ཐོབ་རུང་ཡོད།

མང་བ་འཚོལ་ཆེད།:

འོས་བབས་ཚོང་ལས་དག་གི་ཆེད་འཕྲལ་མར་རྒྱུ་དངོས་ནག་སུབ།

ཚོང་ལས་མ་འཛུགས་ལ་རྒྱབ་སྐྱོད་བྱེད་པ། – མྱུར་ཚད་སྤར་བའི་འཛའ་ཆག

འདི་ལའང་གཟིགས།:

དངོས་འབྲེལ་གནད་དོན།