Coronavirus (COVID-19) kong ah a diklomi thawngpaang le a dikmi pawl

PHUAH CHOMMI: Coronavirus cu rungrul thahnak sii asilole raifanh sii pawl in naa thlop khawh

A TAK ASIMI:  Coronavirus caah siichunh dingmi asilole thlopnak a um rih lo.

Zawtnak hrik caah siichunh dingmi serchuah dingah vawlei cung khuazakip a ummi kherhlaitu pawl nih fak piin an tuah cuahmah lio a si.  A tha lai ruahmi sii chunh dingmi zeimzawzat atu lio ah hneksak cuahmah lio a si.  Sihmanhsehlaw, siichunh dingmi serchuah dingah zeizatdah a rauh lai ti kan hngal lo. 

Coronavirus thlopnak a bawm kho menmi a thar sii-ai pawl hmannak dingah kherhlaitu pawl nih an kawl cuahmah lio a si.  Tahchunhnak ah, remdesivir tiah auhmi zawtnak hrik dohnak caah dinmi sii cu COVID-19 zawtnak fak piin a tuarmi hna thlopnak dingah Australia ah atu lio chikhat caah cun hnatlakpimi a si cang.   Titsa fahnak, raifanh zawtnak le HIV caah hmanmi thlopnak pawl telchih in a dang sii-ai pawl dothlat cuahmah lio a si.  Hi sii-ai pawl nih hin coronavirus an damh lai lo, asinain rungrul a ngeimi milu le tih a nunnak kha a zorter khawh men lai.

Cucaah, a biapimi cu, kut thiang tein tawlnak le thawdawpmi thiannak hmangin nangmahtein irunven, takpum ihlat in um, na dam lo ahcun inn ah um le zawt ichek le a hleiin takpum ihlatnak tuah dingin a har caan, zawt ichonh a tamnak mibu umnak hmun i na um ahcun hmaihuh ihruh kha a si. 

PHUAH CHOMMI: Ngakchia pawl cu COVID-19 ‘a karhtertu bik’ an si

A TAK ASIMI:  Cumpit tiantuk caah a tlangpi in ngakchia a no deuhmi pawl cu rungrul le zawtnak hrik pawl ‘a karhtertu bik’ an si tiah hngalh a si lio ah, atu lio thil sining COVID-19 nih a langhtermi cu sianginn pawl ah ngak nih ngakchia a chonh timi kha a um tuk lo.  Cu lengah, hi zawtnak hrik a karhtertu bik hi ngakchia pawl an si tiin vawlei cung khuazakip cazin (data) an lakmi nih a langhtermi pakhat hmanh a um lo. A si kho dingmi a si hmanh ah, atu lio thilsing nih a langhtermi ah ngakchia pawl cu COVID-19 a chuahpitu zawtnak hrik a karhtertu bik an si lo.

PHUAH CHOMMI: Australia nih sii thlopnak lei herhhai le thilri pawl (thaw peknak, hmur huh, zawt tahnak pawl) kha zaa lak in a ngei kho lo.

A TAK ASIMI:  Australia nih a hlawhtling bakmi dinhdorhnak a ngei, a sullam cu kan siizung pawl cungah hnekchihnak kha kan hrial cang.

Australia ah a ngahmi pumpaak irunvennak thilri pawl tampi kan ngei i Australia ah tamdeuh chuah a si i Australia ah pek peng a si.   Tahchunhnak, National Medical Stockpile cu tampi ichiah a si i hmaihuh pawl cu million cheunak tam deuh hal a si cang i  khuaruah har a simi cu 2021 ca tiang pek a si cang.

Australia Acozah sinah ruahnak petu komiti pawl, Ichawnhbiak khawhmi Zawtnak lei Pehtlaihnak Australia (Communicable Diseases Network Australia) le Zapi Ngandamnak lei Kherhlainak Pehtlaihnak (Public Health Laboratory Network) telhchih in COVID-19 cheknak a herhmi pawl cungah lamhmuhsaknak zohfelnak tuah dingah atu le atu an itong lengmang, COVID-19 pulrai kha zapi ngandamnak lei nih a lehnak a tuahmi bawmh dingah cheknak tuah kha a biapi ning langhter dingah a si. 

PHUAH CHOMMI: COVID-19 zawtnak ruangah mizaw an karh lai i Australia siizung pawl ah itlum a si lai lo

A TAK ASIMI:  Australia nih a hlawhtling bakmi dinhdorhnak a ngei, a sullam cu kan siizung pawl cungah hnekchihnak kha kan hrial cang.  Australia nih vawlei cung level in ngandamnak lei tuahto ning a ngei i a herh ahcun COVID-19 lio ah a hlei in halmi tlamtlinter dingah tha tein chiah a si.  Hihi ah Australia Acozah, pine le peng acozah pawl le pumpaak ngandamnak lei riantuantu pawl karlak riantuantinak hmangin chapchimi siizung ihkhun pawl, sii lei thilri pawl, herh hai pawl, le sii lei riantuantu pawl pek khawhnak aa tel.

PHUAH CHOMMI: Zarh hnih ikharkhumhnak nih COVID-19 karhnak a kham lai

A TAK ASIMI:  Zarh hnih asilole zarh thum chung khenkhammi pawl  chiahpiaknak, cu hnu ah laak than dih, cun kan um tawn kel ning in um thannak nih COVID-19 a karhnak a kham lai lo.

COVID-19 zawtnak a ngeimi a tam-u nih zawt hmelchunhnak pawl dinte lawng an ngei asilole an ngei lo.  Zarh hnih lawng kharkhumhnak tuahmi tihnunnak cu COVID-19 zawt hmelchunhnak a ngeilomi nih kharkhumhnak a dih hnu zeizong te hung dih a si tikah theihlo bu in midang sinah zawtnak hrik kha a phozar men lai.

COVID-19 a karhnak nuarhter bawmh ding ah a thabikmi lam cu kut thiang tein le thawdawpmi thiang tein umter, takpum ihlat in um, na dam lo ahcun inn ah um le zawt ichek le a hleiin takpum ihlatnak khawh lonak, zawt ichonh a tamnak mibu umnak hmun i na um ahcun hmaihuh ihruh kha a si.

Australia ah cun ngandamnak lei kan thiamsang pawl nih nifatin in minung tlawmte lawng kha pehzulh in zohfelnak an tuah hna lai i ichonhnak a tlawm lai. Thil sining cungah hngat in chimphuannak pawl an tuah lai i phungphai thar asilole khenkhammi thar pakhat khat kha a herh ning in chiah a si lai. Aho paoh kha atu lio lenkai khenkhamnak kha nithla khiah ningin um hrimhrim ding a si www.australia.gov.au.

PHUAH CHOMMI: Aho paoh cheknak nih coronavirus karhnak kha a kham lai

A TAK ASIMI:  Cheknak nih zawtnak hrik karhnak kha a kham lo.

Runvennak le a caan ning tein COVID-19 khamnak ah a biapi bikmi pakhat cu tahkhawhmi le a dikmi zohfelnak lei cheknak a si.  Zohfelnak lei cheknak cu zawtnak a umtu ning langhternak, a konglam thanhnak le ipehtlaihnak lei tawlrelnak le zawtnak hrik ichonhnak zorternak ah a biapi taktak a si. 

Sihmanhsehlaw, chek tikah COVID-19 zawtnak na ngeilo timi nih nangmah asilole midang pawl caah tihnunnak a um lo tinak cu a si lem lo. SARS-CoV-2 (COVID-19 a chuahpimi zawtnak hrik) sinah iphozarnak na ngeih hnu, asinian zawt hmelchunhnak na ngeih hlan ah naa chekmi kha COVID-19 a ngeilomi in a phi na lang kho.  Cu ruangah thianghlim tein um, midang he ihlat in um le dam lo ahcun inn ah um kha a biapitukmi a si. Hi tuahsernak pawl, hmunkhat tein cheknak tuahmi cu COVID-19 ichonhnak and a dang zawtnak pawl runven dingah a bawmh i Australia ngandamnak tuahto ning ah halnak tuahmi kha a tlawmter.

Mizaw an karhnak le pulrai a hungpawtnak hmun ah a hlawhtlingmi zapi ngandamnak lei tawlrelnak nih a herhmi cu pulrai khamnak le zawt kherhlainak a um pengnak ding le chekhnak hmun a um pengnak ding runvennak karlak ah a dikimi iruannak a um khawhnak dingah cheknak cu tha tein tinhmi a um hrimhrim lai.

Australia minung cheknak hmunkip kakip ah tuahnak nih zawt hmelchunh langhlonak (zawt hmelchunhnak langh lo) cu fak pi a niamter. Hi chek ningcang cu zawtnak ichonhnak langhter dingah zawtnak a khamtu zong a si lo i a miak hmuhnak lei kap in tuahsernak zong a si lo.  Australia Acozah nih zawt khamnak le zohfelnak lei tinhmi pawl caah mah le umnak hmunhma pawl ah zawt hmelchunhnak a langlomi cheknak caah tuah dingmi rian a pekmi a um men ko lai.  Hi thil umtu ning pawl ah pulrai a hungpawt ningcang pawl, milu a tam i zawt ichonhnak tihnung a tamnak in a tlawm a cannak hmunhma pawl i milu pawl, iphozarnak tihnung a tam baknak i milu pawl le an zawt ahcun fak tukin a tuar dingmi a derthawmmi pawl sin i ichonhnak lei tihnung a tamnak aa tel.

Australia Acozah nih an takpum ah zawt hmelchunhnak a langlomi minung pawl caah rianhmun ah zohfelnak prokarem pawl telchih in, cheknak lei tuahto ning pawl kha pehzulh in a tuahter hna i aa tlakmi zapi ngandamnak lei nawlngeihnak pawl le kherhlainak lei lamhmuhsaktu pawl he ceihmaitinak kha a tuahter hna.  Hi nih hin aa tlak bikmi le a thahnem bikmi tuahto ning pawl kha a hmanter lai.  Hmunkip kakip ah takpum ah zawt hmelchunhnak a langlomi cheknak kongah Australia Acozah a dirhmun tamdeuh theihnak caah, zaangfahnak in Ngandamnak lei Phuthen vuapsaih (Department of Health website) ah zoh.

PHUAH CHOMMI: Zawt cheknak pawl cu an dik lo

A TAK ASIMI:  Australia ah, COVID-19 cheknak pawl cu a dik bakmi an si. Australia ah cheknak tuah ning pawl dihlak cu ningcang tein a tha tiah fehtermi an si.  Therapeutic Goods Administration (TGA) hmangin naihniam in zohfelnak an pehzulh i a thami aamahkhaan prokarem pawl ah iteltum hrimhrimnak hmangin SARS-CoV-2 (COVID-19 a chuahpimi zawtnak hrik) caah a hlei in  tuahto a si.

Australia ah, kherhlainak tuahmi cungah aa hngatmi polymerase chain reaction testing (PCR) cu na takpum chungah SARS-CoV-2 zawtnak saulak a um cangmi kha cheknak dingah hmanmi a thabakmi cheknak a si i, cheknak tuah dingah thawchuahnak lei tahchunhnak khawmhsuatmi a herh.  PCR cheknak pawl cu a chungmuril tiang a chek, a hmebik a pelpawi tiangin a chek i thawchuahnak lei zohchunh dingmi ah SARS-CoV-2 a si kha a fianter.

Australia ah cheknak lei sehthilri thar pakhatkhat cu TGA nih tha tein zohfelnak a tuah a herh, cu ticun a thami le zumhawk a tlakmi a phi pawl a lang kho lai i phung ning tein bawmhchanhnak a pek khawh lai.  COVID-19 cheknak pawl kongah a hnubik thawngpaang cu Australian Register of Therapeutic Goods ah telhchih an si i, zaangfahnak in TGA’s vuapsaih (website) hika ah zoh:
 www.tga.gov.au/covid-19-test-kits-included-artg-legal-supply-australia.

PHUAH CHOMMI:   Coronavirus cu hlennak a si

A TAK ASIMI:  COVID-19 cu coronavirus (SARS-CoV-2) nih a chuahpimi a si, zawtnak hrik a bu in a ummi a si i cu nih cun minung he saram pawl he thawchuahnak lei zawtnak a chuahpi khawh. Hi zawtnak pawl cu khuasih sawhsawhnak in fak taktak in zawtnak tiang a phunphun in a um kho.  COVID-19 cu a didor a tlami pawl le a thurmi tongh khomi thil pawl hmangin minung karlak ah a karh.

Australia ah, zawtnak le ikhamnak caah Peter Doherty Institute i Victorian Infectious Diseases Reference Laboratory (VIDRL) cu SARS-CoV-2 a dang tein umter dingah Tuluk in a leng ah a voikhatnak kherhlainak rak tuah hmasatmi a si.  VIDRL nih a dang Australia zawt kherhlainak he a dang tein a ummi zawtnak hrik kong ah a chim i Vawlei cung Ngandamnak lei Bu (World Health Organization) le a dang ram pawl nih a thannak, COVID-19 caah zohfelnak lei cheknak pawl tehte le langhternak kha an tuah khawh. 

Australia cu a vantha, aruang cu SARS-CoV-2  hlathlai ding le fehter dingah thiltikhawhnak le aa tlakmi nawlngeihnak he zapi le pumpak zawt kherhlainak pawl ipehtlaihnak a thiammi nih a bawmh.  Chek khawhnak tah ding ah hi zawt kherhlai khawhnak cu dindorh khawhnak le a dang ram pawl i lung a nuamterlomi zawtnak zat pawl hmuhmi hrialnak ah Australia a hlawhtlinnak ah a biapimi a si.   Australia le vawlei cungah khua zakip i COVID-19 zawtnak a ngeimi le cu zawtnak ruangah a thimi pawl kong thawngpaang kha khawmhsuat a si.  Cazin (Data) cu nifatin nih Australia Ngandamnak lei Phuthen (Australian Department of Health) nih a chuah.

PHUAH CHOMMI: Hmaihuh pawl cu san an tlai lo i/asilole himnak a pe lo.

A TAK ASIMI:  Hmaihuh pawl, thianghlim tein umnak, takpum ihlat in umnak le damlo ahcun inn ah umnak le icheknak tibantuk a dang a hlankanh in irunvennak pawl hmannak cu COVID-19 karhnak nuarhter dingah a bawmh.

SARS-CoV-2 (COVID-19 a chuahtertu zawtnak hrik), thawchuahnak lei zawtnak hrik pawl a tam-u tibantuk cu zawtnak hrik aa telmi a didor pawl hmangin a bikin a karh, cucu zawtnak a ngeimi minung nih bia a chim, khuh asilole hachio tikah a chuakmi an si.  Zawt karhnak cu a thurhnawmmi tong khawhmi thil pawl hmangin a cang kho fawn.  Hmaihuh cu COVID-19 zawt hmelchunhnak a ngeimi he a ngei lomi he telhchih in thawchuahnak lei zawtnak a ngeimi nih hman khawh a si i zawtnak a ummi thawnchuah tik i a didor pawl a karhnak zorternak in midang pawl runven ding a si.  Hmaihuh pawl cu ngandamnak le zohkhenhnak lei riantuantu pawl nih COVID-19 telhchih in thawchuah lei zawtnak a ngeimi minung he takpum ihlat in um khawh a si lo tikah anmah le anmah irunvennak dingah hmanmi a si.

Hmaihuh ihruknak cu COVID-19 karhnak nuarhternak ah a dotkhatnak lawng a si i a dang ahlankanh in runvennak caah a aiawh lo.  Pehzulh tein kut thianghlim te’n umter le thawchuahnak lei ah thianghlim te’n um, midang he ihlat in um le dam lo ahcun inn ah um le i cheknak kha a biapitukmi a si.

Hmaihuh ihruknak cu a himlo asilole thawchuah awk umlo nak lei ah a hruaimi harnak pawl a ngei timi cu zeihmanh tehte a um lo.  Ngandamnak lei zohkhenhnak petu pawl cu hi harnak pawl um loin kum tampi lio in khan hmaihuh in an rak ihruk cang hna.

 

 

Australia Acozah nih COVID-19 a tawlrelnak ah a biapimi thanchonak pawl kong hmaan tein theih buin um dingah hi vuahsaih (website) hi zoh.

SBS zong nih COVID-19 kong a phunphun nangmah holh in tialmi a ngei fawn. Acozah nih thawngthanhnak a tuahmi caleh dingah kutput fon (mobile phone) apps le browser pawl kha na hman khawh thiamthiam. Na herhmi pawl ngah khawhnak ah pakhat kha kawl.

Mirangca in thawngthanh chapmi rel khawhnak dingah hika ah zoh www.australia.gov.au.