Miphung thleidannak cu cohlan khawh lomi a si

Miphung thleidannak, tuaitaamnak asilole huatnak na hmuh asilole hmuhto ahcun, um sawhsawh hlah; chim.

Miphung thleidannak lei ziaza nih hliammi na si ahcun

  • Puarhrannak he tuk asilole thihpheih na ton ahcun, palek pehtlaihnak tuah hna. 
    • Lakhruak thilcang asilole nunnak a thihpheihmi dirhmun ah, Zero Pathum (000) kha chawn law palek kha bawmh hal hna.
    • Palek bawmhnak na herh, asinain tih nung tuk a si lo ahcun, Palek Bawmhnak lei Chawnhnak (131 444) ah chawn.
  • Puarhrannak aa tel lo i, tuah dingah a himmi a si ko ahcun, tuahsernak aa telmi minung he dairek in thil sining kha nangmah pumpaak in tawlrel na duh men lai.
  • Dairek in pehtlaih nih thilsining kha a daihremter lo ahcun, asilole hihi tuah dingah na siarem lo ahcun, Australia mi Nuhrin Covo Kawmisin (Australian Human Rights Commission- AHRC) sinah phunzainak na tuah khawh.

Tehte pawl i thiltikhawhnak

Tehte ah a dirmi minung nih miphun thleidan a sinak kong a chim tikah, hi nih hin hliam a tongmi nih bawmhmi a si kha a hngalh i miphun thleidannak a tuahtu kha an ziaza a ruahter khawh hna.  Nangmah le nangmah kha tihnung ah ichia hlah.  Asinain tuah ding ah a him ko ahcun, chim law hliammi minung kha dirpi. Kutke piah sawhsawh te hmanh hmulngeimi a si ko. 

Miphun thleidannak ziaza na hmuh ahcun, hihi na tuah khawh:

  • Chim – miphun thleidannak a um tiah au, sualnak a tuahtu nih khan cohlan khawh lomi a si kha hngalh seh
  • Hliammi kha bawmh – hliammi minung pawl khan dir law zeidah an lawh kha hal hna  
  • Thilsining kha la – na fon in thilcang kha rikhawt tuah, sualnak a tuahtu kha hmaanthla law nawlngeitu pawl sinah ripawt pe

Australia mi Nuhrin Covo Kawmisin nih tehte pawl caah lamhmuhsaknak pawl a ngei, hika ah zoh
 https://itstopswithme.humanrights.gov.au/respond-racism

Miphung thleidannak le na covo

Australia ah, miphun, cuar rong, minung pakhat asilole bu i chuahsemnak ram le miphun cungah hngat in zapi lak ah upadi buar in tuahmi pakhat khat a si, cucu namneh, zomtaih, tang ah chiah asilole hrocer a si men lai. Hi bantuk ziaza cu miphun lei huatnak a si tiah ruahmi a si.

Miphun huatnak tahchunhnak pawl ah hihi aa telmi lai:

  • eforums, blogs, mizapi ihrawmmi pehtlaihnak hmun pawl le video taarnak hmun pawl telhchih in intanet (internet) chungah miphun lei namnehnak lei thilri
  • Catialmi catlap asilole ca-uk pante tibantuk tadinca, mekazin asilole adang cachuahmi ah miphun lei namnehnak lei catialmi pawl asilole hmaanthlak pawl
  • mizapi tonpumhnak ah miphun lei namnehnak biachimmi
  • dawr, rian hmun, pangpar dum, zapi nih hmanmi tlunkalnak tibantuk zapi umnak hmun asilole sianginn ah volhpamhnak bia chimmi pawl
  • lentecelnak hmun ah celhti hawi pawl, lentecelh puai zohtu pawl, cawnpiaktu asilole bawi pawl nih volhpamhnak bia chimmi pawl.

Upadi nih aa tinhmi cu zalong tein ichawnhbiaknak nawl ngeihnak (zalong tein biachimnak) le miphun huatnak in zalong tein umnak nawl ngeihnak iruang tein um kha a si. Thil sining zeimawzat ah, “ruah piak khawh ding le tihmi tha he tuahmi” an si ahcun upadi buar a si lo kho men.

Miphung thleidannak cu miphun lei hnulei tuanbia asilole vun muici dang a ngeimi an si ruangah inn pakhat kha hlaanh duhlo tibantuk aa khat bakmi dirhmun ah minung pakhat kha a dang pakhatnak in a miphun, vun muici, hrinsor, chuahsemnak ram asilole chuahsemnak miphun asilole mipem sinak ruang i duh deuh lo tikah a cangmi a si.

Miphun thleidannak cu kompani nih riantuantu pawl kha rianhmun ah luchin chinhlo ding asilole adang lu i hrukmi hruk lo ding tibantuk, cheukhat miphun/chuahsemnak ram lei hnulei tuanbia a ngeimi miphun cungah ruannak um lo i hnorsuannak a ngeimi a lo i, upadi asilole pawlasi kha aho paoh caah aa khat in ser a si tik, asinain miphun, vun muici, hrinsor, chuahsemnak ram asilole chuahsemnak miphun asilole mipem sinak a ngeimi minung cungah hnorsuannak a um tikah a cangmi a si fawn.

Miphun he aa pehtlaimi thleidannak asilole huatnak na ton ahcun Australia mi Nuhrin Covo Kawmisin sin ah phunzainak na tuah khawh. Phunzainak tuahto ning cu a fawimi, man lo asilole dinhdorh khawhmi a si. 

Australia mi Nuhrin Covo Kawmisin he phunzainak tuah dingah, hika ah zoh www.humanrights.gov.au/complaints.

Ram pumpi huap Thawngthanhnak lei Riantuan piaknak

Australia mi Nuhrin Covo Kawmisin i Ram pumpi huap Thawngthanhnak lei Riantuan piaknak nih pumpaak pawl, bu pawl le rianngeitu pawl caah nuhrin covo le thleidanak kongkau a phunphun kong thawngthanh le sawhpiakmi pawl a pek. Hi riantuan piaknak cu manlo le a thlithup a si.

NIS nih a tuah khawhmi cu: 

  • ramkomh nuhrin covo le thleidan lonak upadi tangah na covo pawl le na tuanvo pawl kong thawngthanh an pek khawh
  • Kawmisin sin ah phunzainak na tuah kho maw tuah kho lo asilole upadi cu na dirhmun ah zeitindah hman a si lai timi bia an ruah khawh 
  • phunzainak tuah ningcang, phunzaihnak tuahmi ah bialehnak ning asilole a dikthlir in langhtermi thleidannak kongkau pawl tawlrel ning kong thawngthanh an pek khawh
  • nangmah an bawm kho menmi a dang bu ah an kuat chin khawh

NIS cu upadi lei ruahnak cheuhnak a pe kho lo ti kha zaangfahnak in ichingchiah.

NIS kha pehtlaihnak na tuah khawh hihi hmangin: 

Calehnak le Holhlehnak lei Riantuan piaknak

Calehnak le Holhlehnak lei Riantuan piaknak (TIS National) cu Mirangholh a thiam lomi caah holhlehnak lei riantuan piaknak a si.  TIS National riantuan piaknak a tam-u cu Mirangholh a holh lomi sinah manlo in riantuan piaknak a si.

Thazaang pek cawnpiaknak le Thinlung Ngandamnak lei Thatnak

24/7 bawmhnak lei riantuan piaknak a hleiin COVID-19 pulrai nih a tlunhmi hna bawmh dingin suaisamhmi cu Australia mi dihlak caah man lo in riantuan piaknak a ngah. 

Bawmhnak lei riantuan piaknak cu hi vuapsaih (website) https://coronavirus.beyondblue.org.au/ hmang in hmuh khawh a si. 

Pumpaak harnak le thinlung ngandamnak bawmhnak lei riantuan piaknak caah Beyond Blue kha 1800 512 348 ah asilole bawmh hal dingin chawh khawhnak 13 11 14 ah zeitik caan paoh ah na pehtlaih khawh hna.  

Ngakchia Bawmh hal dingin chawnh khawhnak cu mino kum 5 in 25 caah manlo in riantuan piaknak a si.  Ngakchia, tleirawl le mino pawl nih zeitik caan paoh ah 1800 551 800 ah hin an chawn khawh.