Nunnak kham law Australia i Coronavirus karhnak nuarhternak kha bawm

Inn ah um

  • Tuah hrimhrim ding a si lo ahcun inn in chuak bak hlah.
  • A herh hauha lomi cawlcanghnak ruah ah inn in chuah kha na hrial hrimhrim lai.
  • Nan inn chungah innchungkhar asilole hawikom pawl lenkai sawm hna hlah.
  • Inn ah um ziar, hihi tuah na herh lo ahcun: o rian ah kal asilole sianginn kai (inn ah tuah dingin a si khawh lo ahcun)
    • eidin tibantuk a herhmi thilri cawk (tlai lo in inn ah kit than)
    •  innpa chakthlang ah nangmah pumpak caah nangmah lawngin asilole hawidang pakhat he eksisai tuah ruah ah kal
    • thlopbulnak lei tonnak caan suaisamhmi asilole zawnruahnak he lenkainak ah kal.
  • Thlopbulnak lei riantuan piaknak pawl, dawr nganpipi pawl, ban zung pawl, datsi rawnnak hmun pawl, thilkuatnak zung pawl le thilri inn ah rak chiah piaknak pawl cu awn a si rih ko lai.

Him tein um. 

  • Thianghlim tein um peng, na kut kha chatpiat le ti in sekat 20 itawl law na khuhmi kha ihup, na mit, hnar le kaa tongh kha hrial.
  • Nan inn in a leng na chuah tikah a tlawmbik 1.5 metres in midang he aa hlat in um timi phung kha zul.
  • Kuttlaih, ikuh le ihnamh tibantuk takpum in biakchawnhnak pawl hrial.
  • Tangka tlap hman ai ah kat hnor in kalmi kha hmang.
  • A king caan pawl ah tlungkal law mi tampi umnak kha hrial.
  • Thawngpaang tha tein hngal – zumhawktlak phung ning tein thawngthanhmi lawng zum. Kutput fon ah Coronavirus Australia app kha dawnglawt (download) tuah law, Coronavirus Australia WhatsApp riantuan piaknak kha hal (subscribe), cun a hnubik thilcang thawngthanhmi hngalhnak dingah www.australia.gov.au ah zoh.

Pehtlaihnak ngei in um

  • Innchungkhar le hawikom kha fon (phone) asilole awnlai (online) in pehtlaihnak tuah hna.
  • Chungkhat upa deuh pawl le thazaang derthawmmi kha eidin pawl le a herhmi thilri pawl chaan hna uh. Innka ah chia ta uh.
  • A herh bakmi minung pawl kha a biapimi mah lungtho tein riantuantu phu pawl le bawmchaantu pawl nih riantuan piaknak an pek khawh ko hna.

Ngandamnak lei thawngthanh

Coronavirus i zawt hmelchunhnak ah aa telmi cu:

  • taklinh
  • khuh
  • or fah
  • thadih
  • thawhchuah iharh

Na zawt ahcun, coronavirus ka ngei kho men ti in iruat law thlopbulnak lei bawmhnak kawl.

Thawngpaang theihnak caah Rampumpi huap Coronavirus Bawmhnak lei chawnh khawhnak (National Coronavirus Helpline) na chawnh khawh. Calehnak asilole holhlehnak lei rianttuan piaknak na herh ahcun, 131 450 chawn.

Thawchuah iharhnak tibantuk a fak ngaimi zawt hmelchunhnak pawl na ngeih ahcun, rianrang in thlopbulnak lei bawmhnak caah 000 chawn.

Ngandamnak lei Department Website ah him tein umnak ding le mibu sin ah tihnunnak tlawmter dingah Mirangholh a si lomi holh pawl in thawngthanhmi a phunphun a um ko.