Ngandamnak

Ngandamnak lei thawngthanh

Thawchuah iharhnak tibantuk a fak ngaimi zawt hmelchunhnak pawl na ngeih ahcun, rianrang in thlopbulnak lei bawmhnak caah 000 chawn.

Coronavirus i zawt hmelchunhnak ah aa telmi cu:

  • taklinh
  • khuh
  • or fah
  • thawhchuah iharh

Adang zawt hmelchunhnak ah aa tel khomi pawl cu hnap chuah, lufah, taksa fah asilole hliah le caang fah, chungno, chungtlik, luak, rim theihnak tlau, a thawtnam adang piin theih, rawlei kaa thawt lo hna an si.

Na zawt ahcun, coronavirus ka ngei kho men ti in iruat law thlopbulnak lei bawmhnak kawl.

Thawngpaang theihnak caah Rampumpi huap Coronavirus Bawmhnak lei chawnh khawhnak (National Coronavirus Helpline) kha 1800 020 080 ah na chawnh khawh. Calehnak asilole holhlehnak lei rianttuan piaknak na herh ahcun, 131 450 chawn.

Ngandamnak lei Department Website ah him tein umnak ding le mibu sin ah tihnunnak tlawmter dingah Mirangholh a si lomi holh pawl in thawngthanhmi a phunphun a um ko.

Holh lei a herhmi thil pawl cu hika ah hmuh chap khawh a si www.sbs.com.au/language/coronavirus.

COVID-19 cheknak le thlopnak

Visa na ngaih lo zongah, asilole zeibantuk visa naa tlaihmi na fian lo zongah, zapi ngandamnak zulh dingmi pawl cu na zulh hrimhrim lai. Na dam lo i zawt hmelchunhnak pawl na ngeih ahcun, a din te a si zongah, sii lei thlopbulnak na ngei lai i COVID-19 naa chek lai.

Nangmah he aa naihbikmi COVID-19 thawhchuah zawtnak lei thlopnak seekhaan kha kawl.

Him tein um

  • Thianghlim tein um peng, na kut kha chatpiat le ti in sekat 20 itawl law na khuhmi kha ihup, na mit, hnar le kaa tongh kha hrial.
  • Nan inn in a leng na chuah tikah a tlawmbik 1.5 metres in midang he aa hlat in um timi phung kha zul.
  • Kuttlaih, ikuh le ihnamh tibantuk takpum in biakchawnhnak pawl hrial.
  • Zapi tlunnak na hman ahcun a hlei in iralring khun.
  • Mibu umnak le minung tampi ibutnak kha hrial.
  • Thawngpaang tha tein hngal – zumhawktlak phung ning tein thawngthanhmi lawng zum. Kutput fon ah Coronavirus Australia app kha dawnglawt (download) tuah law, Coronavirus Australia WhatsApp riantuan piaknak kha hal (subscribe), cun a hnubik thilcang thawngthanhmi hngalhnak dingah australia.gov.au ah zoh.

Kumkhua Upa Deuh Pawl i COVID-19 Bawmhnak Lam

Kumkhua Upa Deuh Pawl i COVID-19 Bawmhnak Lam nih upa deuh Australia mi pawl caah thawng a thanh, a bawmh hna i pehtlaihnak a tuah piak hna.

Cheukhat kumkhua upa deuh pawl cu COVID-19 nih fak ngai in a tlunh khawhmi an si, asinain intanet he pehtlaihnak tlawmte lawng an ngei i an dirhmun pawl kong ngah khawhnak dingah lam tampi a herh. Kumkhua Upa Deuh Pawl COVID-19 Bawmhnak Lam nih thawngpaang le bawmhnak a pek.

Kumkhua upa deuh Australia mi pawl, an innchungkhar pawl, hawikom pawl le zohkhenhtu pawl nih 1800 171 866 ah a lak in an in chawnhter khawh:

  • COVID-19 lei khenkhamnak pawl le an cung i hnorsuannak a tuahnak kong pakhat khat chawnh an duh ahcun
  • an umhar asilole an dawtmi kong ah an lungretheih ahcun
  • minung pakhat khat zohkhenh le thawngpaang cheukhat an herh asilole minung pakhat kha chawnh an duh ahcun
  • riantuan piaknak an ngahmi kong ah bawmhnak asilole ruahnak cheuh an herhmi caah pakhat khat chawnh an duh ahcun
  • zohkhenhnak lei riantuanpiaknak thar asilole dawr kalnak tibantuk a herhmi thilri pawl ngah khawhnak ding bawmh an herh ahcun
  • anmah pumpak, hawikom asilole demetia zawtnak a ngeimi innchungkhar chungtel kong ah siaherhmi an ngeih ahcun
  • anmah pumpak asilole minung pakhat caah voikhat te asilole punghmaan in ngandamnak lei cheknak tawlrel ding an duh

Kumkhua upa deuh Australia mi pawl, an chungkhat pawl, zohkhenhtu pawl, hawkom pawl asilole bawmtu pawl nih 1800 171 866 ah zing 8.30am – zanlei 6pm AEST riantuan ni pawl ahcun an herhmimi thawngpaang asilole riantuan piaknak caah an chawnh khawh.

Thilsining kong tialnak catlap pawl