Pumpaak le innchungkhar pawl

Rian in idinnak tangka tuandeuh in chuah piaknak

Ngah khawhnak a ngeimi pumpaak pawl  nih 24 Zing (September) 2020 hlan ah rian in an i dinhnak tangka $10,000 ngah khawh dingmi kha myGov hmangin online in an sok khawh.

Tuan deuh ah rian in idinhnak tangka na lakmi nih rian in idinhnak a taangmi na tangka kha a hnorsuan lai i hmailei na pensen hmuh dingmi a hnorsuan men lai. Rian in idinhnak tangka tuandeuh in chuahpiak dingah sok hlaan ah tangka lei ruahnak cheuhnak kawl dingin tuaktaan.

Rian in idinhnak tangka tuandeuh in chuahpiak kongkau tamdeuh in hika ah kawl www.ato.gov.au/early-access, asilole nangmah holh in ATO he biaruahnak ah  Calehnak le Holhlehnak lei Riantuan piaknak (TIS National) kha 13 14 50 ah chawn.

Upadi ningin thawl a um lai lo

Upadi ningin thawlnak cu pyine (state) le mah umnak hmun acozah pawl nih thla ruk chung an tlaih lai. Vawlei ngeitu pawl le a hlaangtu pawl caan tawi hnatlaknak pawl kong iceih dingah forhfial an si. Tamdeuh dikthlir cu nangmah na umnak pyine asilole hmunhma ah chek.

Pensen a lami pawl caah a tlawmbik thumh khawhmi ret thim dingmi pawl

COVID-19 pulrai nih a chuahpimi ruangah tangka lei sunghnak tampi a ummi tlawmternak bawmh dingah kum 2019-20 le 2020-21 tangka kum pawl caah zatuak 50% cu pensen a lakmi cungah hngat in a tlawmbik thumhmi a herh ning thumh a si lai,

Thawngpaang tamdeuh hngahnak caah, hika ah zoh www.ato.gov.au/drawdown

JobKeeper Bawmhnak

JobKeeper bawmhnak nih COVID-19 nih tha lo tein a denmi riantuannak pawl i riantuantu pawl nihlawh pawl pek piaknak kha a bawmh, cucaah Australia minung tampi cu an rian kha an tuan kho i pehzulh in tangka an kawl kho.

Na rianngeitu nih nangmah aiawh in zarh hnih voikhat JobKeeper bawmhnak laak dingah aa timh ahcun an theihter lai.

Thawngthanhmi tamdeuh hmuhnak dingah hika ah zoh www.ato.gov.au/jobkeeper

Tuahto ning kha a himmi le a dingmi in chiahnak

 COVID-19 lei hlennak pawl  le Australia minung pawl ichel in a dang hlenthawinak kha biatak tein a karh.  Mihlengtu pawl nih an in pehtlaih tiah na ruah asilole email, SMS asilole fon chawnhmi kongah lunghrinhnak na ngeih ahcun, kanmah he cheknak ngei hmasa.

ATO nih a tuahto ning kha a dikmi a si le si lo naa fian lo ahcun, let hlah. ATO Scam Hotline kha 1800 008 540 ah chawn asilole www.ato.gov.au/scams ah zoh.

Nangmah kong kha minung pakhatkhat nih a fir asilole ningcang lo in a hman tiah na zumh ahcun, kan in bawmh khawh. An ngunkhuai lei kongkau sersiam thannak ngunkhuai petu pawl bawmh dingah thawngpaang, ruahnak cheuhnak le bawmhnak kan pek.

Nangmah pumpaak asilole na rian kha a dik lo tiah na ruah ahcun na kan theihter khawh, hika ah www.ato.gov.au/tipoff.

Acozah nih tangka pekmi le riantuan piaknak pawl

Centrelink nih tangka pekmi na ngah rih lo hmanh ah Services Australia nih tangka lei bawmhnak an pek khawh men ko. Riantuan piaknak hmun (centre) ah na kal a herh lo. Mah tein tuahtuannak thim khawh dingin kan tuahmi na hman khawh. Zatlang nun lei riantuantu pakhat zong na pehtlaih khawh. Kan riantuan piaknak a hmang cangmi na si ahcun, coronavirus (COVID-19) ruangah tangka pekmi le riantuan piaknak kan ngeihmi pawl cungah thlennak an um. Thawngthanhmi tamdeuh hmuhnak caah holh tampi in rel khawhnak hika ah zoh servicesaustralia.gov.au/covid19