Pumpaak pawl le innchungkhar pawl caah

Upadi ningin thawl a um lai lo

Upadi ningin thawlnak cu pyine (state) le mah umnak hmun acozah pawl nih thla ruk chung an tlaih lai. Vawlei ngeitu pawl le a hlaangtu pawl caan tawi hnatlaknak pawl kong iceih dingah forhfial an si. Tamdeuh dikthlir cu nangmah na umnak pyine asilole hmunhma ah chek.

Pensen a lami pawl caah a tlawmbik thumh khawhmi ret thim dingmi pawl

COVID-19 pulrai nih a chuahpimi ruangah tangka lei sunghnak tampi a ummi tlawmternak bawmh dingah kum 2019-20 le 2020-21 tangka kum pawl caah zatuak 50% cu pensen a lakmi cungah hngat in a tlawmbik thumhmi a herh ning thumh a si lai,

Thawngpaang tamdeuh hngahnak caah, hika ah zoh www.ato.gov.au/drawdown

JobKeeper Bawmhnak

Acozah i  Rianngeitu Bawmhnak cu coronavirus (COVID-19) nih  fak piin a denmi riantuannak pawl  chikhat bawmhnak a rak si.

Phung ning in rianngeitu pawl, chawleh chawhrawl tuahtu pawl le a dang riantuantu pawl nih phung ning in an riantuantu caah Rianngeitu (JobKeeper) bawmhnak pawl ngah dingah an rak sok khawh. Hihi ATO hmangin thla fatin rianngeitu kha chamthan te dingin rak pek a si.

Riantuannak pawl nih ATO Business Portal hmangin, chawleh chawhrawl a tuahmi an rak si ahcun ATO ah myGov awnlai (online) riantuan piaknak pawl hmangin, asilole minkhumhnak a tuahmi ngunkhuai peknak hmangin asilole BAS riantuanpiaktu hmangin Rianngeitu Bawmhnak caah minkhumhnak an rak tuah khawh.

 Rianngeitu bawmhnak kong thawngthanhmi hmuhnak ah www.ato.gov.au/JobKeeper ah zoh.

JobMaker Riantuantu laknak Tangka cawihmi

JobMaker Riantuantu laknak Tangka cawihmi pekmi pawl nih aa tinhmi cu kum 16-35 karlak mino rian a kawlmi pawl a hlei in rian pek khawh dingah sipuaizi a tuahmi pawl thazaang pek a si.

Phung ning tein sipuaizi a tuahmi pawl nih 7 Tho (October) in 6 Tho (October) 2021 karlak ah phung ning tein rian a kawlmi pawl rian peknak caah JobMaker Riantuantu laknak Tangka cawihmi kha an hmuh khawh.

Thawngthanhmi tamdeuh hmuhnak caah hika ah zoh http://www.ato.gov.au/jobmakerhiringcredit

Tuahto ning kha a himmi le a dingmi in chiahnak

Tangka peknak asilole nangmah pumpaak kong laknak dingah hlen thawinak tuah an timhtu pawl kha ngia hna.

Mihlengtu pawl cu Australia Ngun Khuai Zung (ATO) (Australian Taxation Office) bantukin zumh awk a tlakmi bu pawl bantukin an i umter lai. ATO lei nih chawnbiaknak a dikmi a si le si lo naa fian lo ahcun, let hna hlah. ATO Hlenthawinak lei Chawnh khawhnak 1800 008 540 ah na chawnh khawh asilole www.ato.gov.au/scams for further information ah na zoh khawh.

Acozah nih tangka pekmi le riantuan piaknak pawl

Centrelink nih tangka pekmi na ngah rih lo hmanh ah Services Australia nih tangka lei bawmhnak an pek khawh men ko. Riantuan piaknak hmun (centre) ah na kal a herh lo. Mah tein tuahtuannak thim khawh dingin kan tuahmi na hman khawh. Zatlang nun lei riantuantu pakhat zong na pehtlaih khawh. Kan riantuan piaknak a hmang cangmi na si ahcun, coronavirus (COVID-19) ruangah tangka pekmi le riantuan piaknak kan ngeihmi pawl cungah thlennak an um. Thawngthanhmi tamdeuh hmuhnak caah holh tampi in rel khawhnak hika ah zoh servicesaustralia.gov.au/covid19