Riantuannak pawl

JobKeeper bawmhnak Sauhchapnak

JobKeeper Bawmhnak cu a hmasat rak itimhnak ahcun 27 Zing (September) 2020 tiang a rak si nain phung ning tein rian a tuahmi pawl (pumpaak rian a tuanmi telhchih in) le a miak kawlnak a si lomi rian cu 28 Vaute (March) 2021 tiang pehzulh in bawmhnak ngah khawh si lai.

A ra laimi thlennawnnak pawl kong cu a tawinak in tialmi catlap kha zaangfahnak in ichirchanh – JobKeeper Bawmhnak Sauhchapnak Atawinak in tialmi – 28 Zing (September) 2020.

Rianngeitu Bawmhnak

Acozah i  Rianngeitu Bawmhnak cu coronavirus (COVID-19) nih  fak piin a denmi riantuannak pawl  chikhat bawmhnak a si.

Phung ning in rianngeitu pawl, chawleh chawhrawl tuahtu pawl le a dang riantuantu pawl nih phung ning in an riantuantu caah Rianngeitu (JobKeeper) bawmhnak pawl ngah dingah an sok khawh. Hihi ATO hmangin thla fatin rianngeitu kha chamthan te dingin pek a si lai.

Riantuannak pawl nih ATO Business Portal hmangin, chawleh chawhrawl a tuahmi na si ahcun ATO ah myGov awnlai (online) riantuan piaknak pawl hmangin, asilole minkhumhnak a tuahmi ngunkhuai peknak hmangin asilole BAS riantuanpiaktu hmangin Rianngeitu Bawmhnak caah minkhumhnak an tuah khawh.

Tuah cuahmahmi Rianngeitu bawmhnak kong le ATO sin in bawmhnak ngah khawhmi kong thawngthanhmi hmuhnak ah www.ato.gov.au/JobKeeper ah zoh.

Tangka liam dingmi le nihlawh pawl pek ding ah tangka ningcang tein thialkaamnak

Phung ning in riantuannak pawl le a miak a kawl lomi (NFP) riantuannak bu pawl nih rian an pekmi hna nih lawlawse an cawlcanghnak kong tialmi pawl cungah tangka bawmhnak $20,000 in $100,000 tiang Zing (September) 2020 i thla asilole thlathum chiar an ngah lai.

Tamdeuh in kawl:

A thawkka mi pawl le tintaan a kaimi pawl

Acozah nih Australia i a thiammi riantuantu pawl i pehzulh in thanchonak kha a bawmh i phung ning tein riantuannak pawl nih riantuan man tangka bawmhnak $21,000 tiang zatuak 50 bawmhnak in a thawkka mi pawl le tintaan a kaimi pawl kha tuan peng dingin a bawmh hna.

Tamdeuh in kawl:

Credit le tangka cawihmi pawl

Coronavirus SME Aamahkhaan Timhtuahmi thar a sullam cu a ra laimi zarh in nangmah bawmh dingah tangka cawitu pawl sin i aa telmi sinin tangka tamdeuh na cawi chap khawh men lai.

Acozah nih zatuak 50 i amahkhaan kha riantuannak tangka hram ca hman dingah a him lomi tangka cawihmi a thar caah SME tangka cawitu pawl kha a pek hna lai.

Cawihtu pawl caah tuanvo lak awk a herhmi pawl, atu lio rian hmete tha a pe tawntu pawl sinah credit peknak in Acozah nih a hlei in ruahpiaknak zong a pek fawn.

Hi a hlei in ruahpiaknak hi cu thla ruk ca a si i credit a thar, credit rikhiah a karhmi le credit a phunphun le sersiam thannak pawl telhchih in riantuannak tinhmi pawl caah credit pakhat khat kha hman a si. 

Ramkulh le ramthen pawl bawmhnak

Acozah nih Coronavirus pulrai nih a hnorsuan khunmi mibu pawl, ramthen pawl le sehzung pawl bawmh dingah $ 1 billion a dang tein a chiah. Hi bawmhnak pawl hi cu pulrai a chuah lio le damthannak lei bawmh ding ah a ngah lai.  Cu lengah, Acozah nih kan vanlawng lei riantuannak kha funmi pakhat hmangin $715 million tian a bawmh.

Na riantuan ah tangka hrambunhnak

Kum khat chung fonh dih ah riantuannak ca hmanmi cu $ 500 million nak tlawmdeuh he riantuannak a tuahmi cu thilri cawknak caah thumh piakmi cu $30,000 in $150,000 ah a kai. 

Na dawr caah thilri thar asilole hmanciami leithuannak seh na cawk zong cawk lo zongah, 31 Dipa (December) 2020 tiang thilri thumh piaknak kaitermi le samhpiakmi chungin na rian nih hloknak a ngah men lai.

Khulrang in tumnak ca thumh piaknak pawl zong kha phung ning a zulmi riantuannak pawl caah a ngah lai i thla 15 chung tangka hram bunhnak in thil tuahnak hmangin a si lai.

Tamdeuh in kawl:

Phung ning a zulmi riantuannak pawl caah a rangmi thilri thumh piaknak

Riantuannak tangka hrambunhnak lei kirthannak – khulrang in tumnak

Hika zong ah zoh: