Անհատ և տնային տնտեսություններ

Կենսաթոշակների վաղաժամկետ թողարկում

Իրավասու անհատները և իրավասու ժամանակավոր բնակիչները կարող են դիմել առցանց myGov-ի միջոցով՝ ստանալու մինչև 10,000 դոլար իրենց կենսաթոշակային ֆոնդից մինչև 2020թ.-ի հուլիսի 1-ը:

2020թ.-ի հուլիսի 1-ից մինչև 2020թ.-ի սեպտեմբերի 24-ը անհատները կարող են ստանալ լրացուցիչ 10,000 դոլար:

Ձեր կենսաթոշակային ֆոնդից վաղաժամկետ օգտվելը կազդի ձեր կենսաթոշակի հաշվեկշռի վրա և կարող է ազդել ձեր ապագա կենսաթոշակի եկամտի վրա: Կարող եք դիմեք ֆինանսական խորհրդատվության մինչև կենսաթոշակի վաղաժամկետ թողարկման դիմելը:

Կենսաթոշակային ֆոնդի վաղաժամկետ թողարկման վերաբերյալ լրացուցիչ տեղեկությունների համար՝ այցելեք www.ato.gov.au/coronavirus կամ, եթե ցանկանում եք զրուցել Ավստրալիայի Հարկային վարչության (ATO) հետ ձեր լեզվով, զանգահարեք Թարգմանչական ծառայություն (TIS National) 13 14 50 հեռախոսահամարով:

Ոչ մի վտարում

Վտարումները կդադարեցվեն վեց ամսով նահանգային և տարածքային կառավարությունների կողմից: Տանտերերին և վարձակալներին խրախուսվում է քննարկել կարճաժամկետ պայմանագրեր: Տեղեկացեք ձեր համապատասխան նահանգային կամ տարածքային կառավարությունից լրացուցիչ մանրամասների համար:

Նվազման նվազագույն դրույքաչափերի տարբերակներ թոշակառուների համար

Հաշիվների վրա հիմնված կենսաթոշակների և նմանատիպ ապրանքների նվազագույն նվազման պահանջմունքը նվազել է 50%-ով 2019-20 և 2020-21 եկամտային տարիների համար՝ օգնելու COVID-19 համաճարակի հետևանքով ֆինանսական շուկաներում զգալի կորուստները մեղմացնելու համար:

Լրացուցիչ տեղեկությունների համար՝ այցելեք www.ato.gov.au/drawdown:

Համակարգը անվտանգ և արդար պահելը

Զգալի աճ է նկատվել, երբ ավստրալացիները դարձել են COVID-19-ի և այլ խաբեությունների թիրախ: Եթե կարծում եք, որ ձեզ հետ կապվել են խաբեբաներ կամ կասկածներ ունեք որևէ էլեկտրոնային փոստի, հաղորդագրության կամ հեռախոսազանգի հետ կապված, նախ կապ հաստատեք մեզ հետ:

Լրացուցիչ տեղեկությունների համար՝ այցելեք www.ato.gov.au/scams:

Եթե դուք մտավախություն ունեք, որ ձեր հարկային կամ կենսաթոշակային տեղեկությունները գողացվել են կամ օգտագործվել առանց ձեր թույլտվության, դուք պետք է.

  • Ստուգեք ձեր myGov հաշիվը, եթե ունեք, և համոզվեք, որ ձեր տվյալները դեռ ճիշտ են
  • Դիմեք մեր Հաճախորդների ինքնության աջակցության կենտրոն 1800 467 033 հեռախոսահամարով՝ ձեր հարկային ինքնությունը պաշտպանելու համար:

Դուք կարող եք մեզ նաև տեղեկացնել, եթե կարծում եք, որ որևէ անհատ կամ ընկերություն ճիշտ չի վարվում՝ այցելեով www.ato.gov.au/tipoff:

Կառավարության վճարումներ և ծառայություններ

Ծառայություններ Ավստրալիան (Services Australia) հնարավոր է կարողանա ֆինանսական օգնություն ցույց տալ ձեզ, նույնիսկ եթե դուք արդեն չեք ստանում վճարում Centrelink-ից: Անհրաժեշտ չէ սպասարկման կենտրոն գնալ: Դուք կարող եք օգտվել մեր ինքնասպասարկման տարբերակներից: Դուք կարող եք նաև կապվել սոցիալական աշխատակողի հետ: Եթե դուք արդեն հաճախորդ եք, մեր վճարումներում և ծառայություններում փոփոխություններ են կատարվել կորոնավիրուսի (COVID-19) պատճառով: Լրացուցիչ տեղեկությունների համար մի շարք լեզուներով, այցելեք՝ servicesaustralia.gov.au/covid19