Առողջություն

Առողջության վերաբերյալ տեղեկատվություն

Եթե դուք ունեք լուրջ ախտանիշներ, օրինակ՝ շնչառության դժվարություն, զանգահարեք 000 շտապ բժշկական օգնության համար:

Կորոնավիրուսի ախտանիշները ներառում են՝

  • ջերմություն
  • հազ
  • կոկորդի ցավ
  • շնչառության դժվարություն:

Այլ ախտանիշները կարող են ներառել քթից հոսելը, գլխացավ, մկանների կամ հոդերի ցավեր, սրտխառնոց, փորլուծություն, փսխում, հոտառության կորուստ, համի զգացողության փոփոխություն, ախորժակի կորուստ և հոգնածություն:

Եթե դուք հիվանդ եք և կարծում եք, որ ունեք կորոնավիրուսային հիվանդություն, դիմեք բժշկական օգնության:

Դուք կարող եք զանգահարել Ազգային օգնության գիծ կորոնավիրուսի վերաբերյալ 1800 020 080 հեռախոսահամարով լրացուցիչ տեղեկատվության համար: Եթե ձեզ անհրաժեշտ է թարգմանչական ծառայություն, զանգահարեք 131 450 հեռախոսահամարով:

Առողջապահության նախարարութան կայքը՝ Department of Health’s website ունի մի շարք տեղեկատվություն, որոնք հասանելի են անգլերենից բացի այլ լեզուներով՝ languages other than English մարդկան օգնելու համար մնալ անվտանգ և նվազեցնել վտանգը համայնքի համար:

Լրացուցիչ լեզվական տեղեկատվական նյութեր կարող եք գտնել www.sbs.com.au/language/coronavirus կայքում:

COVID-19-ի թեստավորոմ և բուժում

Նույնիսկ եթե դուք չունեք վիզա կամ վստահ չեք ձեր վիզայի կարգավիճակի վերաբերյալ, դուք պետք է հետևեք հանրային առողջապահության հրահանգներին: Եթե դուք վատ եք զգում և ունեք ախտանիշներ, անկախ, թե ինչքան մեղմ են դրանք, դուք պետք է դիմեք բժշկական օգնության և COVID-19-ի թեստավորում անցնեք:

Գտեք COVID-19-ի շնչառական կլինիկա՝ COVID-19 respiratory clinic ձեր մերձակայքում:

Մնացեք անվտանգ

  • Միշտ պահպանեք պատշաճ հիգիենա, լվացեք ձեր ձեռքերը 20 վայրկյան օճառով և ջրով, ծածկեք ձեր հազը, խուսափեք դիպչել ձեր աչքերին, քթին և բերանին:
  • Պահպանեք ֆիզիկական հեռավորություն առնվազն 1.5 մետր, երբ գտնվում եք տնից դուրս:
  • Խուսափեք ֆիզիկական ողջույնից, ինչպես օրինակ՝ ձեռքսեղմում, գրկախառնություն և համբույրներ:
  • Ցուցաբերեք լրացուցիչ զգուշություն, եթե դուք օգտագործում եք հասարակական տրանսպորտ:
  • Խուսափեք մարդկանց բազմությունից և մեծ հասարակական հավաքներից:
  • Եղել լավ տեղեկացված. օգտագործեք միային վստահելի պաշտոնական տեղեկատվություն: Ներբեռնեք Coronavirus Australia շարժական հեռախոսի հավելվածը, բաժանորդագրվեք Coronavirus Australia WhatsApp service ծառայությանը և այցելեք www.australia.gov.au կայքը վերջին տեղեկատվության համար:

Տարեցների COVID-19 աջակցության գիծ

COVID-19 աջակցության գիծը տեղեկացնում է, աջակցում և կապում տարեց ավստրալացիներին:

Որոշ տարեցներ խոցելի են COVID-19-ի նկատմամբ, բայց ավելի քիչ կապված համացանցին, և իրենց հանգամանքների համար տեղեկատվությունից օգտվելու եղանակների կարիք ունեն: Տարեցների COVID-19 աջակցության գիծը տրամադրում է տեղեկատվություն և աջակցություն:

Տարեց ավստրալացիները, նրանց ընտանիքները, ընկերները և խնամողները կարող են անվճար զանգահարել 1800 171 866 հեռախոսահամարով, եթե նրանք.

  • ցանկանում են զրուցել որևէ մեկի հետ COVID-19-ի սահմանափակումների և իրենց վրա դրանց ազդեցության մասին
  • իրենց միայնակ են զգում կամ անհանգստանում են իրենց մտերիմների համար
  • հոգ են տանում որևէ մեկի համար և տեղեկատվության կամ որևէ մեկի հետ զրուցելու կարիք ունեն
  • օգնության կամ խորհրդատվության կարիք ունեն իրենց ստացած տարեցների խնամքի ծառայությունները փոխելու համար
  • օգնության կարիք ունեն օգտվելու խնամքի նոր ծառայություններից կամ կարևոր պարագաներից, օրինակ՝ գնումներ
  • մտահոգություն ունեն իրենց, ընկերոջ կամ ընտանիքի անդամի մասին, ով ունի տկարամտություն:
  • ցանկանում են կազմակերպել ինքնազգացողության միանգամյա կամ պարբերաբար ստուգումներ իրենց կամ մեկ ուրիշի համար:

Տարեց ավստրալացիները, իրենց հարազատները, խնամողները, ընկերները կամ աջակցողները կարող են զանգահարել 1800 171 866 հեռախոսահամարով առավոտյան ժամը 8.30-ից մինչև երեկոյան ժամը 6-ը աշխատանքային օրերին ցանկացած տեղեկատվության կամ ծառայությունների համար, եթե կարիք կունենան:

Տեղեկագրեր