Առողջություն

Փրկեք կյանքեր եւ օգնեք դանդաղեցնելու կորոնավիրուսի տարածումը Ավստրալիայում

ՄՆԱՑԵՔ ՏԱՆԸ

  • Մի դուրս եկեք տնից, բացառությամբ՝ անհրաժեշտության դեպքում:

  • Դուք պետք է խուսափեք դուրս գալ տնից ոչ կարեւոր գործունեության համար:

  • Մի հրավիրեք ընտանիքին կամ ընկերներին ձեր տուն:

  • Մնացեք տանը, բացառությամբ՝ եթե.

    • գնում եք աշխատանքի կամ կրթական հաստատություն (եթե չեք կարող դրանք կատարել տանը) 

    • գնելու եք կարեւոր մթերքներ, ինչպես օրինակ՝ նպարեղեն (վերադարձեք տուն առանց հապաղելու)

    • գնում եք մարզվելու մերձակայքում, կամ միայնակ կամ մեկ այլ անձի հետ 

    • գնում եք բժշկական ժամադրության կամ կարեկցական այցելությունների:

  • Բժշկական ծառայությունները, հանրախանութները, բանկերը, բենզալցակայանները, փոստային եւ տնային առաքումների ծառայությունները բաց են:

ՄՆԱՑԵՔ ԱՊԱՀՈՎ

  • Միշտ պահպանեք անձնական հիգիենա, լվացեք ձեռքերը օճառով եւ ջրով 20 վայրկյան, փակեք բերանը հազալու ժամանակ, խուսափեք դիպչել ձեր աչքերին, քթին եւ բերանին:

  • Պահպանեք 1.5 մետր հեռավորություն միմյանցից, երբ դրսում եք գտնվում:

  • Խուսափեք ֆիզիկական ողջունումից, ինչպես օրինակ՝ ձեռքսեղմում, գրկախառնություն եւ համբույր:

  • Օգտագործեք քարտեր կանխիկ վճարման փոխարեն:

  • Դուրս եկեք հանգիստ ժամերին եւ խուսափեք բազմությունից:

  • Եղեք լավ տեղեկացված – միայն օգտվեք վստահելի պաշտոնական տեղեկատվությունից: Ներբեռնեք Coronavirus Australia շարժական հեռախոսի ծրագիրը (app), բաժանորդագրվեք Coronavirus Australia WhatsApp ծառայությանը եւ այցելեք www.australia.gov.au թարմ տեղեկության համար:

ՄՆԱՑԵՔ ԿԱՊՎԱԾ

  • Կապվեք ձեր ընտանիքի եւ ընկերների հետ հեռախոսով կամ առցանց՝ ստուգելու, որ ամեն ինչ կարգին է:

  • Առաքեք նպարեղեն եւ կարեւոր ապրանքներ տարեց ազգականներին եւ խոցելի անձանց: Թողեք ապրանքները դռան առաջ:

  • Հիմնական կամավորական կազմակերպությունները եւ բարեգործական կազմակերպությունները կշարունակեն տրամադրել ծառայություններ այն անձանց համար, ովքեր ամենաշատը դրա կարիքը ունեն:

Տեղեկություն առողջության մասին

Կորոնավիրուսի ախտանիշներն են.

  • ջերմ

  • հազ

  • ցավոտ կոկորդ

  • հոգնածություն

  • անբավարար շնչառություն

Եթե դուք հիվանդ եք եւ կարծում եք, որ հնարավոր է ունեք կորոնավիրուս, դիմեք բժշկական օգնության: Դուք կարող եք զանգահարել Կորոնավիրուսի Ազգային օգնության գիծ (National Coronavirus Helpline) տեղեկության համար: Եթե կարիք ուենք թարգմանչական ծառայության, զանգահարեք 131 450:

Եթե դուք ունեք ծանր ախտանիշներ, ինչպես օրինակ՝ շնչառության դժվարություն, զանգահարեք 000 շտապ բժշկական օգնության համար:

Առողջապահության նախարարության կայքը ունի մի շարք տեղեկություններ տարբեր լեզուներով անգլերենից բացի՝ օգնելու անձանց մնալ ապահով եւ նվազեցնել վտանգը համայնքի համար: