Amagara

Inkuru yerekeranye n’amagara

Nimba ufise ibimenyetso bikomeye nk’ingorane z’uguhema, usabwe guhamagara vyihuta kuri 000 kugira ngo abaganga bihute kuza kugufasha.

Mu bimenyetso vy’umugera wa  corona harimwo:

  • Ugushuha
  • Ugukorora
  • Kuvyimba mu muhogo
  • Kubura impwemu.

Mu bindi bimenyetso harimwo, kugira ibiseru mu mazuru, kubabara mu mutwe, kubabara mu nyama cake mu ngingo, iseseme, gucibwamwo, kudahwa, kutamoterwa, kutamenya ibiryoshe n’ibibishe, kubura akayabagu n’ukuruha.

Nimba urwaye kandi ukiyumvira yuko woba waranduye umugera wa corona, rondera muganga vyihuta agufashe.

Urashobora guhamagara ku murongo w’igihugu ufasha abarwaye Coronavirus kuri 1800 020 080 kugira ngo uronke inkuru zirengeye izi tuguhaye. Nimba ukeneye ibikorwa vy’ uwugusobanurira canke uwugusigurira, hamagara kuri 131 450.

 Igisata c’urubuga ngurukanabumenyi ku vyerekeranye n’amagara  kirafise inkuru zitari nke ziboneka mu zindi ndimi ndetse Ikingereza kugira ngo bifashe abantu bagume bari mu mutekano ataco binona kandi bagabanye akaga k’ukwandura n’ukwanduza ikibano.

Ibindi bikoresho muzindi ndimi ushobora kubisanga kuri  www.sbs.com.au/language/coronavirus.

Gupima no kuvura COVID-19

Mbere naho utoba ufise visa, canke mbere utazi n’ukugene visa yawe imeze canke izogenda, utegerezwa gukurikiza amategeko yerekeranye n’amagara y’abantu. Nimba wumva utamerewe neza  kandi ukaba ufise ibimenyetso, naho ivyo bimenyetso vyoba ari bito, utegerezwa kubaza muganga kandi usabe ko bagupima COVID-19.

Rondera Ivuriro rya COVID-19 rivura ingwara zijanye n’uguhema  riri ahantu hakwegereye ha mbere.

Guma atakigukomakoma

  • Igihe cose kwirikiza amategeko y’isuku, karaba amaboko n’imiburiburi amasegonde 20 ukoresheje isabuni n’amazi, pfuka ibikororwa vyawe canke ukororere mu nkokora  , irinde kwikora ku maso yawe, ku zuru no ku munwa.
  • Gumiza hagati yawe n’uwundi muntu inta n’imiburiburi y’imetero 1.5 igihe cose uri hanze y’i muhira i wawe.
  • Wirinde kuramukanya mubanje gukoranako  nko guhana amaboko, guhoberana, kurwana mu nda canke gusomana.
  • Wirinde cane igihe uriko urakoresha imodoka zigendamwo abantu benshi.
  • Irinde amagugu y’abantu n’aho abantu benshi bakoraniye.
  • Menya neza ibiriko biraba – kandi usabwe gukoresha imihora yemewe n’ubutegetsi kugira ngo umenye inkuru zigezweho. Pakurura izo nkuru kuri Coronavirus Australia ku buhinga bwa telephone ngendanwa, iyandikishe kuri Coronavirus Australia WhatsApp service, kandi uronderere kuri www.australia.gov.au inkuru ziba zigezweho.

Umurongo wo gushigikira abageze mu za bukuru ku vyerekeranye na COVID-19

Umurongo wo gushigikira abageze mu za bukuru ku vyerekeranye na COVID-19 uratanga inkuru , urashigikira kandi ugashira hamwe abageze mu za bukuru bo muri Australia.

Abageze mu za bukuru bamwe bari mu kaga ko kwandura COVID-19 ariko kandi ntibari ku buhinga ngurukanabumenyi yamara bakaba bakeneye uburyo bwo gushikira inkuru zerekeranye n’ivyo bariko baracamwo. Umurongo wo gushigikira abageze mu za bukuru ku vyerekeranye na COVID-19 utanga inkuru n’ugushigikira.

Abageze mu za bukuru bo muri Australia, imiryango yabo, abagenzi babo n’ababitwararika barashobora guhamagara ku buntu kuri 1800 171 866 igihe cose baba:

  • Bakeneye kuvugana n’uwundi munt uku bijanye n’ibibuzanijwe kuri COVID-19  n’ingaruka bishobora kubagirako
  • Igihe bumva ku bari bonyene canke bafitiye ubwoba abo bakunda
  • Bitwararitse umuntu kandi bakaba bakeneye inkuru kanaka canke umuntu bipfuza kuvugana
  • Bakeneye imfashanyo canke impanuro ku bijanye n’uguhindura ibikorwa vyitaho abageze mu za bukuru bariko barahabwa
  • Bakeneye gufasha kugira ngo bashobore gushikira ibikorwa bishasha canke bahabwe ivya ngombwa nko kuja gusuma
  • Igihe bahagaritse umutima, barajwe ishinga n’ubuzima bw’uwundi muntu canke umuntu wo mu muryango abana n’ingorane za dementia
  • Yipfuza gutegekanya kwisuzumisha rimwe na rimwe canke kenshi ku vyerekeranye n’ingene bameze canke bipfuza gusuzumisha uwundi muntu.

Abageze mu za bukuru bo muri Australia, incuti zabo, abarezi, ababafasha, abagenzi canke ababashigikira  barashobora guhamagara kuri 1800 171 866 guhera 8.30am – 6pm AEST mu masaha yo hagati mw’iyinga barondera inkuru iyo ari yo yose canke ibikorwa bashobora kuba bakeneye.

Ampapuro z’ukuri