Ibinyoma vyerekeranye na COVID-19

KUBESHUZA: inkingo za COVID-19 zirateye ubwoba kandi zaragize ingaruka mbi ku bazitewe bari hanze ya Australia.

UKURI: Ikigo gishinzwe kwemeza ibijanye n’ivyo kwa muganga ko bimeze neza  ni co cemeza inkingo zikoreshwa muri Australia. Inkingo zose zibanza gusuzumwa bihagije ko ata ngorane zitera imbere yuko zemererwa gukoreshwa muri Australia. Muri ivyo harimwo ukwiga kwimbitse abafatiweko akarorero mu kugerageza uwo muti, ibigize uwo muti, ivyaterateranijwe, ingene uwo muti wakozwe mw’ihinguriro hamwe n’ibindi vyinshi bibanza gusuzumwa neza. Inkuru ku nkingo za COVID-19 ushobora kuzisanga ku muhora ngurukanabumenyi wa TGA kuri https://www.tga.gov.au/covid-19-vaccines

Hejuru y’ukubanza gusuzuma bihagije inkingo zose za COVID-19, Ikigo gishinzwe kwemeza ibijanye n’ivyo kwa muganga ko bimeze neza kirakwirikiranira hagufi inkingo zose ko ata ngorane ziteza inyuma yuko zihejeje gutangwa muri Australia. Reta ya Australia vyongeye nayo nyene irakwirikiranira hafi intonde z’ugucanca zibera hanze ya Australia, muri aho harimwo Ubwongereza, ubudagi na Norway. Bose bari hamwe, iyi nkuru izofasha kugira ngo abantu bo muri Australia bashikire urukingo rwa COVID-19 rudateza umutekano muke kandi rukora neza.

Nimba hari ingaruka mbi wagize zakomotse ku rukingo, saba, rondera imfashanyo ivuye ku muganga w’amagara karuhariwe kandi uce ushikiriza icegeranyo ugihe TGA (1300 134 237).

KUBESHUZA: Abantu benshi bazokwicwa n’ingaruka mbi zivuye ku rukingo kurusha uko bicwa na COVID-19 ubwayo.

UKURI: urucanco urwo ari rwo rwose rurashobora guteza ingaruka mbi ariko ntoya cane ata co ivuze. Ingaruka nyamukuru zikomoka ku nkingo n’agakomerek’aho watewe urushinge, ugutukura kw’aho watewe urushinge canke ukuvyimba aho watewe urushinge, ukumeneka umutwe canke umururumbo mukeya  hamwe n’ukuruha. Vyinshi muri ivyo birashobora kuvurika hakoreshejwe imiti yo kuvura ububabare kandi ivyo ntivyoteza umudugararo na gato.

Ikigo gishinzwe kwemeza ibijanye n’ivyo kwa muganga ko bimeze neza TGA– Ikigo gicungera imiti co muri Australia – nticokwigera cemeza urukingo rudakwije iva ngombwa kandi ruteza uruhagarara kandi rudakora neza. Kimwe mu bintu baraba cane kandi bagakwirikiranira hagufi ni ingaruka zikomeye umuti uwo ari wo wose n’urukingo urwo ari rwo rwose bishobora kuzana.

Australia ifise ingendo nziza zikomeye kurusha ibindi bihugu vyo kw’izi zo gusuzuma no kwemeza nimba umuti uwo ari wo wose ko ushobora guteza ingaruka mbi ko utemerwa gukoreshwa muri iki gihugu. Igikorwa ca TGA si uguhagarikira ku kutemererwa  kw’uwo muti gusa. Ahubwo barabandanya bagakurikiranira hagufi ibindi bintu vyinjira bivuye hanze ya Australia n’ukugene vyemerwa ngaha muri Australia. Nta na kimwe bapfa kwemerera kitarinze gusuzumwa neza.

Nimba hari ingaruka mbi wagize zivanye n’urukingo, rondera imfashanyo zikomoka ku muganga w’amagara karuhariwe kandi ushikirize icegeranyo kuri TGA (1300 134 237).

UKUBESHUZA: Reta iriko irakoresha urukingo kugira ngo inyegeze ko iriko iregeranya/ ihindure DNA yawe

UKURI: inkingo ziterwa mu mubiri wawe, nta kintu na kimwe zivana mu mubiri wawe kandi nta kintu nta na kimwe zihindura kuri DNA yawe. Zimwe mu nkingo nshasha za COVID-19 zikoresha akantu gatanga Ubutumwa bwa RNA (mRNA) kugira ngo kabwire umubiri wawe ko ukwiye kugira inyishu ijanye n’uburyo bw’umubiri bwo kwikingira COVID-19. Iyo mRNA nta na kimwe ihindura kuri DNA yawe.

UKUBESHUZA: umugera uhindura isura ningoga kugeza yaho urukingo ataco rumaze kuri wo, kandi ataco ruzigera ruzokora kuri wo.

UKURI: Imigera yose irahindura isura kandi irimuka. Ni ibisanzwe ku migera yose mu gukura kwayo kandi na COVID-19 na yo ntitandukanye n’iyindi migera yose. Dufatiye ku vyo tumaze kubona, inkingo za COVID-19 zizobandanya gukinga n’ubwo bwoko bushasha bw’imigera ya COVID-19 buhindura isura.

Bishobora gusigura ko abantu bazokomeza incanco za mbere baronse canke ko bakeneye kwongera kuronswa urukingo – nkuko bigenda ku bicurane.

Inkingo ubu zimaze kwemererwa gukoreshwa muri Australia zaragaragaje ko zimeze neza cane mu gukinga ingwara zikomeye zikomoka kuri COVID-19.

KUBESHUZA: Abantu bigeze kurwara COVID-19 bagakira ntibakeneye kuronswa urukingo.

UKURI: ugukingirwa umuntu aronka kuvuye ku guhabwa urukingo rwa COVID-19 kuratandukanye ku muntu n’uwundi. Kubera yuko uwu mugera ari mushasha, ntituzi igihe ububasha bw’umubiri busanzwe bwo kwigwanirira bushobora kumara. Mbere naho woba uja wararwaye COVID-19, usabwa kwiteza urukingo rwa COVID-19 igihe ubishoboye.

KUBESHUZA: Urukingo rwa COVID-19 rurimwo software/microchips bikoreshwa mu gucungera abantu ivyo bakora vyose n’iyo baba bari hose.

Ukuri: nta rukingo na rumwe rwa COVID-19 rurimwo aga software canka aka microchips.

Ibindi ibinyoma vyerekeranye na COVID-19

KUBESHUZA: Abana ni bo ‘bakwiragiza kurusha abandi ’ COVID-19

UKURI: Nubwo bizwi ko abana bakiri bato ari bo "bakwirigiza kurusha abandi" imigera n'ivyandukiza mu bisanzwe, nk'ibicurane, ukuri kuzwi ubu kuri COVID-19 kwerekana yuko ukwandukizanya kw'abana mu mashuri kudashemeye na gato. Ikindi, nta biharuro na bimwe ahantu na hamwe mw'isi vyerekana yuko uwo mugera ahanini wakwiragijwe n'abana. Nubwo vyoba bishoboka, ivyemezo muri iki gihe vyerekana yuko abana atari bo bakwiragiza kurusha abandi umugera utera COVID-19.

KUBESHUZA: Australia ntishobora kuronka ibikoresho n'imiti bihagije

UKURI: Australia yarakoze ibishoboka vyose birashimwa mu kugabanura ubukana bw'iyo ngwara, kandi ivyo vyasiguye yuko twirinze imisuhero ku bitaro vyacu.

Turafise ibikoresho bihagije vyo kwikingira muri Australia, kandi hariho n'ibindi vyinshi biriko birakorwa muri Australia kandi bigakwiragizwa muri Australia igihe cose. Nk'akarorero, ahabikwa ibikoresho vyo kwa muganga ku rwego rw'igihugu haguma huzuye, kandi mbere hararondewe n'ibindi bikoresho birengeye inusu y'Umuriyaridi w'udupfukamunwa n'amazuru bizotangwa mu mwaka wose wa 2021.

Amanama mpanuzwajambo ya Reta ya Australia, harimwo n'urunani rw'ingwara zandukira muri Australia hamwe n'urunani rw'amagara y'abantu muri Australia rupima ingwara, barakunda kubonana kenshi kugira ngo basuzume umuyobora boha ibikenewe mu gusuzuma COVID-19, kugira ngo barabe neza ko ivya nnkenerwa vy'ugupima bikorwa kugira ngo bashigikire igisata kijejwe amagara y'abantu mu kurwanya ikiza ca COVID-19.

KUBESHUZA: ibitaro vyo muri Australia ntivyoshobora guhangana n'ibintu vyinshi bisabwa mu kurwanya  COVID-19.

UKURI:   Australia yarakoze ibishoboka vyose birashimwa mu kugabanura ubukana bw'iyo ngwara, kandi ivyo vyasiguye yuko twirinze imisuhero ku bitaro vyacu.  Australia ifise uburyo bwa mbere bwiza bwubatswe mu gukingira amagara y'abantu bwashizweho kugira ngo ikindi kintu cose cosabwa muri iki gihe c'ikiza ca COVID-19 ntikibatere batiteguye bibaye ngombwa. Muri ivyo habayeho ukwongereza ibitanda vyo kuryamako mu bitaro, kwongereza ibikoresho vyo kwa muganga, imiti, hamwe n'ukwongereza abaganga biciye mu masezerano y'ugukorera hamwe kwa Reta ya Australia, amareta y'ibihugu n'intara hamwe n'igisata c'abikorera utwabo mu magara y'abantu.

KUBESHUZA: Uguhagarika ibikorwa amayinga abiri abantu bugaranywe vyohagarika ugukwiragizwa kwa COVID-19

UKURI: Gushiraho inzitizi no kubuza ibikorwa kw'amayinga abiri canke atatu hanyuma izo nzitizi zigakurwaho hanyuma abantu bagasubira muri bwa buzima bwabo busanzwe nk'uko bahora babubamwo nitizohagarika ukurandagata kwa COVID-19.

Benshi mu bantu barwaye COVID-19 bafise ibimenyetso bito bito canke mbere nta n'ibimenyetso baba bafise Akaga ko gupfungirana abantu amayinga abiri ni uko abantu batagira ibimenyetso vya COVID-19 bashobora kwanduza umugera abandi batabizi igihe ibindi bintu vyose biba vyuguruye inyuma y'ukwugaranwa.

Inzira nziza ya mbere y'ukugabanya ukurandagata kwa COVID-19 ni ugukurikiza isuku y'amaboko n'uguhema, guhana inta hagati y'umuntu n'uwundi, kuguma i muhira hamwe no kwipimisha igihe wumvise ko utameze neza, kandi wambare agapfukamunwa n'amazuru igihe uba uri mu kibano candukizanya kandi igihe guhana inta bidashoboka.

Abahinga bacu ku vyerekeranye n'amagara bazobandanya gukurikiranira hafi igitigiri c'abandura gushasha umusi ku musi muri Australia kandi naho ukwandukizanya kuriko kurabera. Bazoca bafata ingingo hisunzwe ibimenyetso co kimwe n'amategeko mashasha canke ingingo zikenewe gufatwa. Uwo ari we wese ategerezwa kumenya ibiriko biraba ku bijanye n'ingingo ziriko zirakwirikizwa mu kuronderera kuri www.australia.gov.au.

KUBESHUZA: Gupima abantu bose bizohagarika ukurandagata kwa coronavirus

UKURI: Gupima ntiguhagarika ukurandagata kw'umugera.

Kimwe mu nkingi zikomeye z'ugukinga no gushira ku murongo COVID-19 ni igihe bibaye mu gihe ciza, gIkwiye kandi bagasuzumwa bihagije. Kwisuzumisha bihagije bifise uruhara rukomeye mu kudondora ikiza c'iyo ngwara, mu kumenyesha ivyabaye, abanduye, hamwe n'ukumenyesha abayobozi, kandi ivyo bigabanura ugukwiragiza n'ukwanduza abandi uwo mugera.

Yamara, kuba utatowe ko ugwaye COVID-19 ntibisigura ko utari mu kaga, ntibisigura ko ushobora kuba utarwaye, canke ko udashobora kwanduza abandi. Urashobora gusuzumwa ugasanga ntiwanduye COVID-19 umaze kuba waregeranye na SARS-CoV-2 (umugera utera COVID-19) ariko imbere yuko ubonekako ibimenyetso. Ni co gituma ari ngirakamaro gukaraba amaboko hamwe n'uguhana inta, hamwe no kuguma muhira igihe wumva yuko utamerewe neza. Ivyo bikorwa, bigiye hamwe n'ukwisuzumisha, birafasha gukinga ukwandukizanya COVID-19), hamwe n'izindi ngwara zandukira, bikagabanya abenegihugu ba Australia baja kwa muganga.

Ukuyobora neza amagara y'abantu mu gihe hariho igwirirana ry'ibitigiri vy'abantu banduye umugera hamwe n'ukwaduka kw'uwo mugera mu karere bisaba yuko ukwipimisha gutegerezwa kugirwa ku bantu mu bwitonzi ntangere kugira ngo hagumeho ukudahungabana hagati y'ukurandura ico kiza n'ugukingira aho hantu ho gupimira abantu kugira ngo ntiharengerwe n'ubwinshi bw'abahipfuza n'abahakeneye.

Ibipimo vyinshi vy'ahantu henshi vy'abenegihugu ba Australia vyerekana ko batarwaye (nta bimenyetso vyerekana ko barwaye biboneka) si ivyo gushigikira na gato. Iyi ngingo y'ugupima abantu si nziza ku bashikiwe n'ikiza canke ko ubuhinga bwo gukoresha ku bijanye n'igiciro kugira ngo hamenyekane ingene iyo ngwara iahanwahanwa, yandukira. Reta ya Australia irazi yuko hashobora kuba hariho igikorwa c'ugupima abadafise ibimenyetso mu bihe kanaka bizwi neza kugira ngo bahashe ingwara hamwe no kuraba yuko itoba yiyubitse, yinyegeje. Mu bihe nk'ivyo harimwo ukugene iyo ngwara yadutse, abantu bari mu kaga kanini ko kuyandura, kugira ngo bagabanure uturere yoshobora kwandurirwamwo, no gukingira abantu benshi bari mu kaga ko kuyandura iyo ata gikozwe kandi bakaba boshikwako n'izindi ngwara z'ivyuririzi hamwe bohirahira bakandura iyo ngwara.

Reta ya Australia irabandanya guhimiriza ko abantu bipimisha, harimwo n'aho abantu bakorera, ku kazi kabo, bagashiramwo n'intonde z'ukuraba yuko aho bakorera hari mu mutekano, mbere n'abaterekana ibimenyetso bagapimwa, kandi ko ivyo bobikorana n'abahinga bo mu vyerekeye amagara y'abantu hamwe n'abayobozi b'ibigo vyo gupimiramwo abarwaye. Ibi ni ukugira ngo uburyo bwose bushoboka bukoreshwe. Ku zindi nkuru ku vyerekeye aho Reta ya Australia ihagaze ku gukwiragira kw'abantu basuzumwe bagasangwa ata bimenyetso bafise, usabwe kuronderera ku muhora ngurukanabumenyi w'igisata c'amagara y'abantu .

KUBESHUZA: Ibikoresho vy'ugupima ni ibigezweho ntivyihenda

UKURI: Muri Australia, ugusuzuma COVID-19 kurerekana neza ko umuntu arwaye canke ko atarwaye. Ubuhinga bwose bukoreshwa muri Australia mu gupima bwaremejwe ko ata mahinyu bugira Ubwo buhinga buguma bukurikiranirwa hafi n'abaganga babijejwe (TGA) kandi bigaca mu kugira uruhara rudasanzwe mu tunovera tw'intonde zitagira amahinyu zashizweho kubera SARS-CoV-2 (umugera utera COVID-19).

Muri Australia, ibigo bikoresha mu gupima urukurikirane rwa polymerase n'ingaruka zayo (PCR) ni ubuhinga bwishimiwe cane bukoreshwa mu kurondera abanduye cane SARS-CoV-2 mu mubiri wabo, kandi bisaba gufata utuntu two mu muhogo aho uhemera bakaba ari two bapima. Ibipimo vya PCR birakomeye cane kandi nta kintu na kimwe gishobora kwihisha kandi bitora akantu kose naho koba gatoya cane katewe na SARS-CoV-2 kafashwe muri burya buhinga bukoreshwa mu gutora ivyo bapima.

Ubuhinga bwose bushasha bwo gupima muri Australia busaba kwitonderwa cane na TGA kugira ngo harabwe neza akanovera n'ukwizerwa kw'inyish zabonetse bivanye n'ubwo buhinga bushasha bwo gupima kandi bikanemezwa mu mategeko ko ubwo buhinga bwemewe.  Ku zindi nkuru zigezweho aho ibipimo vya COVID-19 vyashizwemwo muri Australian Register of Therapeutic Goods, usabwe kuronderera ku muhora ngurukanabumenyi bwa TGA kuri:  www.tga.gov.au/covid-19-test-kits-included-artg-legal-supply-australia

KUBESHUZA: Coronavirus ni impimbano

UKURI:  COVID-19 iterwa n'umugera wa Corona (SARS-CoV-2), uwo na wo ukaba umugera ukomoka mu muryango w'imigera myinshi ushobora gushitsa umuntu ku kwandukirwa biciye mu guhema haba mu bantu canke mu bikoko. Ukwo kwandura kurashobora kuva ku bicurane bisanzwe ukaja ku ngwara nyinshi zikomeye. COVID-19 ikwiragizwa mu bantu n'udute dute hamwe n'ahantu handuye umuntu ahakozeko.

Muri Australia, ikigo gipima ingwara zandukira zo muri Victoria (VIDRL) co kuri Peter Doherty Institute for Infection and Immunity, cabaye ikigo ca mbere hanze ya Chine cashoboye gutora SARS-CoV-2.   VIDRL yahaye ibindi bigo vya Australia bipima abantu uwo mugera wari watowe, iwuha ikigo c'is yose gishinzwe amagara y'abantu n'ibindi bihugu, kugira ngo bashobore kuwusuzuma no kuwemeza biciye muri ubwo buryo bwo gupima COVID-19. 

Australia ifise ico irushije ibindi bihugu mu gushigikirwa n'ugukorera hamwe kw'abahinga bigenga n'aba Reta bakoresha aho gupimira imigera hafise ubuhinga bugezweko bwo gusuzuma no kubona hamwe no kwemeza   SARS-CoV-2. Ububasha bwo kuduza aho hantu bapimira bwabaye ngirakamaro cane mu gutuma Australia ishobora kugabanura cane ukwandura uwo mugera no kwirinda ukwandura kwinshi kwabonetse mu bindi bihugu. Inkuru ku gitigiri c'abantu banduye COVID-19 hamwe n'igitiiri c'abapfuye bishwe n'iyo ngwara ziregeranywa muri Australia no mw'isi yose. Ivyo bitigiri birashirwa ahabona umusi ku musi muri  Gisata c'Amagara y'Abantu muri Australia.

KUBESHUZA: Udupfukamunwa n'amazuru nta co tumaze kandi /canke ntidukingira.

UKURI: Udupfukamunwa n'amazuru, igihe dukoreshejwe dufatikanijwe n'izindi ngingo n'ukwirinda nk'ugukaraba amaboko, guhana inta hagati y'umuntu n'uwundi hamwe n'ukwipimisha igihe wumvise ko utameze neza, birafasha kugabanura ukurandagata kwa COVID-19.

Co kimwe n'iyindi migera myinshi ifatira mu guhema, SARS-CoV-2 (umugera utera  COVID-19) ahanini urandagatishwa n'udute dute turimwo uwo mugera, utwo dute dute tuboneka igihe umuntu yanduye ariko aravuga, akoroye canke yasamuye.  Ukurandagata vyongeye gushobora guterwa n'uko umuntu akoze ku kintu canke ahantu handuye uwo mugera Agapfukamunwa n'amazuru gashobora gukoreshwa n'umuntu yanduye umugera ufise ingaruka ku guhema, harimwo na COVID-19, uwo muntu yaba afise ibimenyetso canke ata vyo afise, kugira ngo akingire abandi mu kugabanura ukurandagata kw'utwo dute dute twanduye umugera utuma umuntu agira ingorane z'uguhema. Udupfukamunwa n'amazuru dukoreshwa n'abakozi bakora mu magara y'abantu n'abitwararika abandi kugira ngo bikingire igihe badashoboye guhana inta n'umuntu yanduye ingwara y'uguhema nabi, harimwo n'ingwara ya COVID-19.

Kwambara agapfukamunwa n'amazuru ni intambuko imwe yonyene mu kugabanura ukurandagata kwa COVID-19 kandi si igisubirira izindi ngingo z'ukwirinda. Ni ngirakamaro kubandanya gukurikiza amategeko y'isuku ry'amaboko mu gukaraba neza, n'amategeko agenga uguhema neza, guhana inta hagati y'umuntu n'uwundi, hamwe n'ukuguma muhira no kwipimisha iyo wumva umerewe nabi.

Nta kimenyamenya cerekana y'uko kwambara agapfukamunwa n'amazuru bidakingira canke ko bishikana ku ngorane z'ukubura impwemu z'uguhema.  Abatanga ivyo kwitwararika abantu barambaye udupfukamunwa n'amazuru igihe kirekire mu myaka myinshi kandi ntibigeze bagira izo ngorane z'ukubura impwemu.

 

Usabwe kuguma uraba kuri uyu muhora ngurukanabumenyi kugira ngo ugume umenyeshwa ibintu bikuru bikuru vyashitsweko mu kugene Reta ya Australia iriko irarwanya COVID-19.

SBS  vyongeye irafise inkuru nyinshi kuri COVID-19 mu rurimi rwawe. Urashobora vyongeye gukoresha ubuhinga bwa telephone ngendanwa hamwe n'ukuvoma ibishobora guhindura mu zindi ndimi inkuru zitangwa na Reta. Rondera ubuhinga buhwanye n'ingorane zawe.

Kugira ngo ushikire izindi nkuru zongeye kuri izi mu Kingereza, ronderera kuri www.australia.gov.au.