សុខភាព

សុខភាព

សង្គ្រោះជីវិត និងជួយធ្វើឱ្យយឺតដល់ការឆ្លងរាលដាលនៃកូរ៉ូណាវីរុសនៅក្នុងប្រទេសអូស្ត្រាលី

ស្នាក់នៅផ្ទះ

• កុំចាកចេញពីផ្ទះ ប្រសិនបើអ្នកមិនត្រូវការចាំបាច់ត្រូវតែចាកចេញ។
• អ្នកគួរតែជៀសវាងចាកចេញពីផ្ទះរបស់អ្នក ដោយសារសកម្មភាពមិនចាំបាច់ណា មួយ។
• កុំអញ្ជើញគ្រួសារ ឬមិត្តភក្ដិចូលក្នុងផ្ទះរបស់អ្នក។
• ស្នាកនៅផ្ទះប្រសិនបើអ្នកមិន៖
  • ទៅធ្វើការ ឬទៅរៀនសូត្រ (ប្រសិនបើអ្នកមិនអាចធ្វើដូច្នោះបាននៅផ្ទះ)
  • ទៅទិញសម្ភារផ្គត់ផ្គង់សំខាន់ៗដូចជា គ្រឿងទេស (ត្រូវមកផ្ទះវិញដោយគ្មានការពន្យារពេល)
  • ចេញទៅក្រៅ សម្រាប់ការហាត់ប្រាណផ្ទាល់ខ្លួននៅតំបន់ជិតខាង ដោយខ្លួនអ្នកផ្ទាល់ ឬជាមួយមនុស្សម្នាក់ផ្សេងទៀត
  • ចូលរួមក្នុងការណាត់ជួបវេជ្ជសាស្ត្រ ឬទស្សនកិច្ចមេត្តាធម៌។
• សេវាកម្មវេជ្ជសាស្ត្រ ផ្សារទំនើប ធនាគារ ស្ថានីយប្រេងឥន្ធនៈ សេវាកម្មប្រៃសណីយ៍ និងសេវាកម្មដឹកជញ្ជូនដល់ផ្ទះ នៅតែបើកដំណើរការ។

ស្នាក់នៅមានសុវត្ថិភាព

• អនុវត្តអនាម័យល្អជានិច្ច ដោយលាងដៃរបស់អ្នករយៈពេល 20 វិនាទីជាមួយនឹងសាប៊ូ និងទឹក គ្របខ្ទប់ការក្អករបស់អ្នក ជៀសវាងប៉ះភ្នែក ច្រមុះ និងមាត់របស់អ្នក។
• រក្សាចម្ងាយពេលធ្វើទំនាក់ទំនងជាមួយមនុស្សក្នុងសង្គម ក្នុងចម្ងាយយ៉ាងហោចណាស់ 1.5 ម៉ែត្រ នៅពេលនៅក្រៅផ្ទះរបស់អ្នក។
• ជៀសវាងការគោរពគ្នាដោយប្រើរាងកាយដូចជា ការចាប់ដៃ ការឱប និងការថើប។
• ប្រើប្រាស់កាតបង់ប្រាក់ ជាជាងប្រើប្រាស់សាច់ប្រាក់។
• ធ្វើដំណើរនៅពេលស្ងប់ស្ងាត់ និងជៀសវាងហ្វូងមនុស្ស។
• ត្រៀមទទួលបានព័ត៌មានបានល្អ – ប្រើប្រាស់តែព៌ត៌មានផ្លូវការដែលទុកចិត្ត។ ទាញយកកម្មវិធីទូរសព្ទចល័តកូរ៉ូណាវីរុសអូស្ត្រាលី ជាវសេវាកម្ម WhatsApp កូរ៉ូណា អូស្ត្រាលី (Coronavirus Australia WhatsApp) និងចូលមើល www.australia.gov.au សម្រាប់ព័ត៌មានចុងក្រោយបំផុត។

បន្តធ្វើទំនាក់ទំនង

• ពិនិត្យមើលគ្រួសារ និងមិត្តភក្ដិតាមទូរសព្ទ ឬតាមអ៊ីធឺណិត។
• ដឹកជញ្ជូនគ្រឿងទេស និងទំនិញសំខាន់ៗទៅឱ្យសាច់ញាតិដែលមានអាយុចាស់ជាង និងមនុស្សងាយរងគ្រោះ។ ទុកទំនិញទាំងនោះនៅមាត់ទ្វារ។
• អង្គការស្ម័គ្រចិត្ត និងអង្គការមនុស្សធម៌សំខាន់ៗនឹងអាចផ្ដល់សេវាកម្មនានាទៅដល់មនុស្សទាំងនោះ ដែលត្រូវការបំផុតនូវទំនិញទាំងនោះ។

ព័ត៌មានសុខភាព

រោគសញ្ញានៃកូរ៉ូណារួមមាន៖

• គ្រុន
• ក្អក
• ឈឺបំពង់ករ
• នឿយហត់
• ដកដង្ហើមខ្លី

ប្រសិនបើអ្នកឈឺ ហើយគិតថាអ្នកអាចមានកូរ៉ូណាវីរុស សូមស្វែងរកជំនួយវេជ្ជសាស្ត្រ។

អ្នកអាចហៅទៅកាន់ខ្សែទូរសព្ទជំនួយកូរ៉ូណាវីរុសថ្នាក់ជាតិសម្រាប់ព័ត៌មាន។ ប្រសិនបើអ្នកត្រូវការសេវាបកប្រែសរសេរ ឬបកប្រែផ្ទាល់មាត់ សូមទូរសព្ទទៅលេខ 131 450។

ប្រសិនបើអ្នកមានរោគសញ្ញាធ្ងន់ធ្ងរដូចជា ការពិបាកក្នុងការដកដង្ហើម សូមទូរសព្ទលេខ 000 សម្រាប់ជំនួយវេជ្ជសាស្ត្របន្ទាន់។

គេហទំព័ររបស់ក្រសួងសុខាភិបាលមានព័ត៌មានជាច្រើនជាភាសានានា ក្រៅពីភាសាអង់គ្លេស ដើម្បីជួយប្រជាជនឱ្យស្នាក់នៅមានសុវត្ថិភាព និងកាត់បន្ថយហានិភ័យឱ្យបានជាអប្បបរមាដល់សហគមន៍។