ການ​ແບ່ງ​ແຍກ​ເຊື້ອ​ຊາດ​ເປັນ​ສິ່ງ​ທີ່​ຮັບ​ບໍ່​ໄດ້

ຖ້າ​ທ່ານ​ເຫັນຫຼື​ປະ​ສົບ​ພຶດ​ຕິ​ກຳ​ແບ່ງ​ແຍກ​ເຊື້ອ​ຊາດ, ຖືກຮາ​ວີ ຫຼື ຖືກ​ກຽດ​ຊັງ, ຢ່າ​ທົນ​ກັບ​ສິ່ງ​ເຫຼົ່າ​ນີ້; ໃຫ້​ເວົ້າ​ອອກ​ມາ.

ຖ້າ​ທ່ານ​ຕົກ​ເປັນ​ເຫຍື່ອ​ຂອງ​ພຶດ​ຕິ​ກຳ​ແບ່ງ​ແຍກ​ເຊື້ອ​ຊາດ

  • ຖ້າ​ທ່ານ​ຖືກ​ທຳ​ຮ້າຍຫຼື​ຖືກ​ຂູ່​ເຂັນ​ດ້ວຍ​ຄວາມ​ຮຸ​ນ​ແຮງ, ໃຫ້​ແຈ້ງ​ຕຳຫຼວດ.
    • ໃນ​ກໍ​ລະ​ນີ​ສຸກ​ເສີນຫຼື​ໃນ​ສະ​ພາບ​ສ່ຽງ​ຕໍ່​ຊີ​ວິດ, ໃຫ້​ໂທ​ເລກ ສູນ​ສາມ​ໂຕ (000) ແລ້ວ​ຂໍ​ເອົາ​ຕຳຫຼວດ.
    • ຖ້າ​ທ່ານ​ຕ້ອງ​ການ​ຄວາມ​ຊ່ວຍ​ເຫຼືອ​ຈາກ​ຕຳຫຼວດ, ແຕ່ບໍ່​ມີ​ອັນ​ຕະ​ລາຍ​ໃນ​ທັນ​ທີ, ໃຫ້​ໂທ​ຫາ ສາຍ​ຊ່ວຍ​ເຫຼືອ​ຈາກ​ຕຳຫຼວດ (131 444).
  • ຖ້າບໍ່​ມີ​ຄວາມ​ຮຸນ​ແຮງ​ມາ​ກ່ຽວ​ຂ້ອງ, ແລະ​ເປັນ​ການ​ປອດ​ໄພ​ທີ່​ທ່ານ​ຈະ​ກຳ​ທຳ, ທ່ານ​ອາດ​ຈະ​ຢາກຕົກ​ລົງ​ເລື່ອງນີ້​ດ້ວຍ​ຕົວ​ທ່ານ​ເອງ​ໂດຍ​ການຍົກ​ປະ​ເດັນ​ນີ້​ຂຶ້ນ​ມາ​ຖາມ​ກັບ​ບຸກ​ຄົນຫຼື​ກຸ່ມ​ຄົນ​ທີ່​ກ່ຽວ​ຂ້ອງນັ້ນ​ໂດຍ​ຕົງ.
  • ຖ້າ​ການ​ສອບ​ຖາມ​ກັນ​ໂດຍ​ຕົງ​ຍັງ​ບໍ່​ແກ້​ໄຂ​ບັນ​ຫ​າ​ໄດ້, ຫຼື​ທ່ານ​ຮູ້​ສຶກບໍ່​ສ​ະ​ບາຍ​ໃຈ​ໃນ​ການ​ກະ​ທຳ​ດັ່ງ​ນັ້ນ, ທ່ານ​ກໍ​ສາ​ມາດ​ຍື່ນ​ຄຳ​ຮ້ອງ​ຮຽນ​ຂຶ້ນ​ໄປ​ຫາຄະ​ນະ​ກຳ​ມາ​ທິ​ການສິດ​ທິ​ມະ​ນຸດ (AHRC) ​ແຫ່ງ​ ອອ​ສ​ເຕ​ຣ​ເລັຍ​ໄດ້.
    • ເພື່ອ​ຍື່ນ​ຄຳ​ຮ້ອງ​ຮຽນ​ກັບ AHRC, ໃຫ້​ເຂົ້າ​ໄປ​ເບິ່ງ www.humanrights.gov.au/complaints ຫຼື ​ໂທ​ຫາ​ພະ​ແນກ​ສະ​ໜອງ​ຂໍ້​ມູນ​ແຫ່ງ​ຊາດ​ຂອງ AHRC ທີ່​ເລກ​ໂທ 1300 656 419 ຫຼື 02 9284 9888.

ພະ​ລັງຂອງ​ກຸ່ມ​ຜູ້​ຢືນ​ເບິ່ງ

ເມື່ອ​ຄົນໃດ​ເຫັນ​ພຶດ​ຕິ​ກຳ​ແບ່ງ​ແຍກ​ເຊຶ້ອ​ຊາດ​ແລະ​ເວົ້າ​​ຂັດອອ​ກ​ມາ​ຢ່າງບໍ່​ເຫັນ​ພ້ອມ​ກັບ​ເລື່ອງນີ້, ມັນ​ຈະ​ເຮັດ​ຜູ້​ທີ່​ຕົກ​ເປັນ​ເປົ້າ​ຮູ້​ສຶກວ່າ​ມີ​ຄົນ​ຊ່ວຍ​ອູ້ມ​ຊູ, ແລະ​ສາ​ມາດ​ເຮັດ​ໃຫ້​ບຸກ​ຄົນ​ທີ່​ສະ​ແດງການ​ແບ່ງ​ແຍກ​ເຊື້ອ​ຊາດ​ພ​ິ​ຈາ​ລະ​ນາຄວາມ​ປະ​ພຶດ​ຂອງ​ຕົນຄືນ. ຢ່າ​ເອົາ​ຕົວ​ທ່ານ​ເອງ​ເຂົ້​າ​ໄປ​ສ່ຽງ. ແຕ່​ວ່າ ຖ້າ​ມັນ​ປອດ​ໄພ​ທີ່​ຈະ​ເຮັດ, ໃຫ້​ກ່າວ​​ຂັດ​ອອກ​ມາ​ແລະ​ຢືນ​ຄຽງ​ຂ້າງ​ຜູ້​ຕົກ​ເປັນ​ເຫຍື່ອ. ແມ່ນ​ແຕ່​ການ​ທ່າ​ທາງ​ການ​ເຄື່ອນ​ໄຫວ​ແບບ​ທຳ​ມະ​ດາ​ກໍ​ອາດ​ເປັນ​ພະ​ລັງ​ຂຶ້ນ​ມາ​ໄດ້.  

ຖ້າ​ທ່ານ​ເຫັນ​ພຶດ​ຕິ​ກຳ​ທີ່​ແບ່ງ​ແຍກ​ເຊື້ອ​ຊາດ​ ທ່ານ​ອາດ​ຈະ:

  • ເວົ້າ​ຂັດ​ຂຶ້ນ​ມາ — ເວົ້າ​ອອກ​ມາ​ວ່າ​ເປັນນີ້​ການ​ແບ່ງ​ແຍກ​ເຊື້ອ​ຊາດ, ບອກ​ໃຫ້​ຜູ້​ຂົ່ມ​ເຫງ​ຮູ້​ວ່າ​ນີ້​ເປັນ​ສິ່ງ​ທີ່ບໍ່​ຖືກຍອມ​ຮັບ.
  • ໃຫ້​ການ​ອູ້ມ​ຊູ​ແກ່​ຜູ້ຕົ​ກ​ເປັນ​ເຫຍື່ອ — ​ໃຫ້​ຢືນ​ຢູ່​ຄຽງ​ຂ້າງ​ຜູ້​ທີ່​ຕົກ​ເປັນ​ເປົ້າ​ແລະ​ຖາມ​ລາວ​ວ່າ​ລາວ​ໂອ​ເຄ​ບໍ    
  • ເກັບ​ກຳຫຼັກ​ຖານ — ໃຫ້​ອັດ​ເອົາ​ເຫດ​ການ​ໃສ່​ໄວ້ໃນ​ມື​ຖື​ຂອງ​ທ່ານ, ຖ່າຍ​ຮູບ​ຂອງ​ຜູ້ສະ​ແດງ​ການ​ຂົ່ມ​ເຫງ​ຄົນ​ອື່ນ​ແລະ​ລາຍງານ​ຕໍ່​ທາງ​ການ.  

​ຄະ​ນະ​ກຳ​ມາ​ທິ​ການ​ມະ​ນຸດ​ສະ​ຍະ​ທຳ​ແຫ່ງ​ປະ​ເທດອອ​ສ​ເຕ​ຣ​ເລຍ​ໄດ້​ມີ​ຂໍ້​ແນະ​ນຳ​ສຳ​ລັບ​ຜູ້​ທີ່​ຢືນ​ເບິ່ງ, ໃຫ້​ເຂົ້າ​ໄປ​ເອົ​າ​ຂໍ້​ມູນທີ່ https://itstopswithme.humanrights.gov.au/respond-racism

ກ​ານ​ແບ່ງ​ແຍກ​ເຊື້ອ​ຊາດ​ແລະ​ສິດ​ທິ​ຂອງ​ທ່ານ

ຢູ່​ໃນ​ປະ​ເທດອອ​ສ​ເຕ​ຣ​ເລັຍ ເປັນ​ການ​ຜິດ​ກົດ​ໝາຍ​ທີ່​ຈະ​ເຮັດ​ສິ່ງ​ໃດ​ໜຶ່ງ​ໃນ​ທີ່​ສາ​ທາ​ຣະ​ນະ​ທີ່​ກ່ຽວ​ພັນ​ກັບ​ເຊື້ອ​ຊາດ, ສີ​ຜິວ, ສັນ​ຊາດຫຼື​ເຜົ່າ​ພັນ ຂອງ​ບຸກ​ຄົນ​ຜູ້​ໜຶ່ງຫຼື​ກຸ່​ມ​ໜຶ່ງ​ເຊິ່ງ​ມີ​ແນວ​ໂນ້ມ​ວ່າ​ຈະ ຮຸກ​ຮານ, ດູ​ຖູກ, ສ້າງ​ຄວາມ​ອັບ​ອາຍ ຫຼື ຂູ່​ເຂັນ. ຄວາມ​ປະ​ພຶດ​ເຫຼົ່າ​ນີ້​ຖືກຈັດ​ວ່າ​ເປັນ​ການ​ກຽດ​ຊັງ​ເຊື້ອ​ຊາດ​ຜິວ​ພັນ.

​ຕົວ​ຢ່າງ​ຂອງ​ການ​ກຽດ​ຊັງ​ເຊື້ອ​ຊາດ​ ​ອາດ​ລວມ​ມີ:

  • ສົ່ງ​ບົດ​ຄວາມ​ທີ່​ຮຸກ​ຮານ​ເຊື້ອ​ຊາດ​ລົງ​ອິນ​ເຕີ​ແນັດ, ເຊິ່ງ​ລວມ​ເຖິງ ອີ​ຟ​ໍ​ຮຳ, ບລ​ອັກ, ເວັບໄຊ້ເຄືອ​ຂ່າຍໂຊ​ຊຽນ  ແລະ ​​ເວັບໄຊ້​ແບ່ງ​ປັນ​ວິ​ດີ​ໂອ  
  • ຂຽນ​ຄຳ​ເຫັນຫຼື​ລົງ​ຮູບ​ທີ່​ຮຸກ​ຮານ​ເຊື້ອ​ຊາດ ​ໃນ​ໜັງ​ສື​ພິມ, ວາ​ລະ​ສານ ຫຼື ເອ​ກະ​ສານ​ພິມ​ເຜີຍ​ແພ່​ຢ່າ​ງ​ອື່ນ​ເຊັ່ນ ເຈັ້ຍ​ພັບ​ຫຼື​ໃບ​ປິວ
  • ​ກ່າວ​ຄຳ​ປາ​ໄສ​ທີ່​ຮຸກ​ຮານ​ເຊື້ອ​ຊາດ ​ທີ່​ບ​່ອນ​ລະ​ດົມ​ພົນຊຸມ​ນຸມ​ໃນ​ທີ່​ສາ​ທາ​ຣະ​ນະ
  • ການ​ກ່າວ​ອອກ​ຄຳ​ເຫັນ​ທີ່​ຮາ​ວີເຊື້ອ​ຊາດ ​ໃນ​ທີ່​ສາ​ທາ​ຣະ​ນະ, ເຊັ່ນ​ທີ່ ຮ້ານ​ຄ້າ, ບ່ອນ​ເຮັດ​ວຽກ, ສວນ, ເທິງ​ພາ​ຫະ​ນະ​ໂດຍ​ສານ​ສາ​ທາ​ຣະ​ນະ ຫຼື ທີ່​ໂຮງ​ຮຽນ  
  • ການ​ກ່າວ​ອອກ​ຄຳ​ເຫັນ​ທີ່​ຮາ​ວີ​ເຊື້ອ​ຊາດ​ ​ໃນ​ວາ​ລະ​ແຂ່ງ​ຂັນ​ກິ​ລາ ໂດຍ​ນັກ​ກິ​ລາ, ຜູ້​ຊົມ, ຄູ​ຝຶກ ຫຼື ເຈົ້າ​ໜ້າ​ທີ່.  

ກົດ​ໝາຍໄດ້​ແນ​ໃສ່​ຄວາມ​ສົມ​ດູນ​ລະ​ຫວ່າງ​ສິດ​ທິ​ໃນ​ການ​ສື່​ສານ​ຢ່າງ​ເສ​ຣີ (‘ສິ​ດ​ເສ​ຣີ​ພາບ​ໃນ​ການ​ປາກ​ເວົ້າ’) ແລະ​ສິດ​ທິ​ໃນ​ການ​ດຳ​ລົງ​ຊີ​ວິດ​ຢຸ່​ຢ່າງ​ປາ​ສ​ຈາກ​ຄວາມ​ກຽດ​ຊັງ​ເຊື້ອ​ຊາດ​ຜິວ​ພັນ. ບາງ​ພຶດ​ຕິ​ກຳ​ອາດ​ຈະ​ບໍ່​ຖື​ວ່າ​ຜິດ​ກົດ​ໝາຍ ຖ້າ​ຫາກວ່າ​ການ​ກະ​ທຳ​ເຫຼົ່າ​ນັ້ນ​ແມ່ນ​ “ເຮັດ​ຂຶ້ນ​ຢ່າງ​ສົມ​ເຫດ​ສົມ​ຜົນ​ແລະຢ່າງ​ຊື່​ສັດ​ຈິງ​ໃຈ”.

​ການ​ແບ່ງ​ແຍກ​ເຊື້ອ​ຊາດ​ຜິວ​ພັນ​ເກີດ​ຂຶ້ນ​ເມື່ອ​ບຸກ​ຄົນ​ຜູ້​ໜຶ່ງ​ຖືກ​ປະ​ພຶດ​ໃສ່​ແບບ​ຕ່ຳ​ຕ້ອຍກວ່າ​ອີກ​ຄົນ​ໜຶ່ງ​ທີ່​ຢູ່​ໃນ​ສະ​ພາບ​ການ​ຄ້າຍ​ຄື​ກັນ​ຍ້ອນ​ວ່າ​ຂະ​ເຈົ້າ​ມີ​ເຊື້ອ​ຊາດ, ສີ​ຜິວ, ເຊື້ອ​ສາຍ, ສັນ​ຊາດຫຼື​ຊົນ​ເຜົ່າ ຫຼື ການ​ທີ່​ມີ​ຖາ​ນະ​ເປັນ​ຜູ້​ຍົກ​ຍ້າຍ​ຖິ່ນ​ຖານ​ເຂົ້າ​ມາ ເຊັ່ນ​ວ່າ​ຖືກ​ປະ​ຕິ​ເສດບໍ່​​ເຊົ່າ​ເຮືອນ​ໃຫ້​ຄົນ​ຜູ້​ໜຶ່ງ​ຍ້ອນ​ວ່າ​ລາວ​ມີ​ປະ​ຫວັດ​ເປັນ​ຄົນ​ເຊື້ອ​ຊາດ​ໃດ​ໜຶ່ງຫຼື​ສີ​ຜິວ​ໃດ​ໜຶ່ງ.

ກ​ານ​ແບ່ງ​ແຍກ​ເຊື້ອ​ຊາດ​ອາດ​ເກີດ​ຂຶ້ນ​ໄດ້​ເຊັ່ນ​ກັນ​ເມື່ອ​ມີການ​ອອກ​ກົດ​ລະ​ບຽບຫຼື​ນະ​ໂຍ​ບາຍ​ທີ່​ຄື​ກັນ​ສຳ​ລັບ​ທຸກ​ຄົນ​ແຕ່​ວ່າ​ມີ​ຜົນ​ກະ​ທົບ​ອອກ​ໃນ​ດ້ານບໍ່​ຍຸ​ຕິ​ທຳ​ຕໍ່​ກຸ່ມ​ຄົນ​ທີ່​ມີ​ປະ​ຫວັດ​ເຊື້ອ​ຊາດ/ຊົນ​ເຜົ່າ​ໃດ​ໜຶ່ງ.

ຖ້າ​ທ່ານ​ປະ​ສົບ​ເຫດການ​ແບ່ງ​ແຍກຫຼື​ກຽດ​ຊັງ​ເຊື້ອ​ຊາດ ທ່ານ​ສາ​ມາດ​ຍື່ນ​ຄຳ​ຮ້ອງ​ຮຽນ​ຂຶ້ນ​ໄປ​ຫາ​ຄະ​ນະ​ກຳ​ມາ​ທິ​ການ​ສ​ິດ​ທິມະ​ນຸດແຫ່ງ​ປະ​ເທດອອ​ສ​ເຕ​ຣ​ເລັຍ​ໄດ້. ຂັ້ນ​ຕອນ​ການ​ຍື່ນ​ຄຳ​ຮ້ອງ​ຮຽນ​ນັ້ນ​ເປັນ​ແບບງ່າຍໆ, ຟ​ຣີ ແລະ ບໍ່​ເຄັ່ງ​ຄັດ.

ເພື່ອຍື່ນ​ຄຳ​ຮ້ອງ​ຮຽນກັບ​ຄະ​ນະ​ກຳ​ມາ​ທິ​ການ​​ສ​ິດ​ທິມະ​ນຸດ ​ແຫ່ງປະ​ເທດອອ​ສ​ເຕ​ຣ​ເລັຍ, ຈົ່ງ​ເຂົ້າ​ໄປ​ເບິ່ງ ທີ່ www.humanrights.gov.au/complaints  

ບໍລິການຂໍ້ມູນແຫ່ງຊາດ

ບໍລິການຂໍ້ມູນຂ່າວສານແຫ່ງຊາດຂອງຄະນະ ກຳມາທິການສິດທິມະນຸດແຫ່ງອອສເຕຣເລັຍ(NIS) ໃຫ້ຂໍ້ມູນແລະການສົ່ງຕໍ່ ສຳລັບບຸກຄົນ, ອົງການຈັດຕັ້ງ ແລະ ຜູ້ຈ້າງງານກ່ຽວກັບບັນຫາສິດທິມະນຸດ ແລະ ການ ຈຳແນກຕ່າງໆ. ບໍລິການນີ້ແມ່ນບໍ່ເສັຍຄ່າແລະເປັນຄວາມລັບ.

NIS ສາມາດ:

  • ໃຫ້ຂໍ້ມູນກ່ຽວກັບສິດທິແລະຄວາມຮັບຜິດຊອບຂອງທ່ານພາຍໃຕ້ສິດທິມະນຸດຂອງລັດຖະບານກາງແລະກົດໝາຍ ຕ້ານການຈຳແນກ
  • ປຶກສາຫາລືວ່າທ່ານສາມາດຮ້ອງທຸກຕໍ່ຄະນະ ກຳມະການ ຫຼືວ່າກົດໝາຍ ອາດຈະນຳໃຊ້ກັບສະຖານະການຂອງທ່ານໄດ້ແນວໃດ
  • ໃຫ້ຂໍ້ມູນແກ່ທ່ານກ່ຽວກັບວິທີການຮ້ອງຮຽນ, ຕອບສະ ໜອງ ຕໍ່ ຄຳຮ້ອງທຸກ ຫຼື ການຈັດການກັບບັນຫາການ ຈຳ ແນກໂດຍສະເພາະ
  • ສົ່ງທ່ານໄປຫາອົງກອນອື່ນທີ່ອາດຈະຊ່ວຍທ່ານໄດ້

ກະລຸນາຮັບຊາບວ່າ NIS ບໍ່ສາມາດໃຫ້ຄຳແນະນຳ ດ້ານກົດ ໝາຍ.

ທ່ານສາມາດຕິດຕໍ່ NIS ໂດຍ:

ບໍລິການແປເອກກະສານ ແລະ ແປພາສາ

ບໍລິການແປເອກກະສານ ແລະ ແປພາສາ (TIS National) ແມ່ນການບໍລິການແປພາສາ ສຳລັບຄົນທີ່ບໍ່ເວົ້າພາສາອັງກິດ. ການບໍລິການແຫ່ງຊາດສ່ວນໃຫຍ່ຂອງ TIS ແມ່ນບໍ່ເສັຍຄ່າສຳລັບຜູ້ທີ່ບໍ່ແມ່ນຄົນເວົ້າພາສາອັງກິດ.

ການໃຫ້ ຄຳ ປຶກສາຫາລື ແລະ ຄວາມຢູ່ດີ ຂອງ ສຸຂະພາບຈິດ

ບໍລິການສະໜັບສະໜູນ ໃໝ່ 24/7 ທີ່ຖືກອອກແບບໂດຍສະເພາະເພື່ອຊ່ວຍເຫຼືອປະຊາຊົນໂດຍຜ່ານການລະບາດຂອງ ໂຣກ COVID-19 ແມ່ນມີໃຫ້ແກ່ຊາວອອສເຕຣລຽນທຸກຄົນໂດຍບໍ່ຄິດຄ່າໃດໆ.

ບໍລິການສະໜັບ ສະໜູນນີ້ ສາມາດເຂົ້າເບິ່ງໄດ້ໂດຍຜ່ານເວບໄຊຕ໌ https://coronavirus.be beyondblue.org.au/

ສຳ ລັບວິກິດການສ່ວນຕົວແລະການບໍລິການສະ ໜັບສະໜູນ ສຸຂະພາບຈິດ ທ່ານສາມາດຕິດຕໍ່ Beyond Blue ໄດ້ທີ່ໝາຍເລກ 1800 512 348 ຫຼື Lifeline ຕາມໝາຍເລກ 13 11 14 ທຸກເວລາ.
Kids Helpline ແມ່ນບໍລິການຟຣີ ສຳລັບຊາວ ໜຸ່ມ ອາຍຸ 5-25 ປີ. ເດັກນ້ອຍ, ວັຍລຸ້ນ ແລະ ຜູ້ໃຫຍ່ວັຍໜຸ່ມ ສາມາດໂທຫາໝາຍເລກ 1800 551 800 ໄດ້ທຸກເວລາ.