ສຳ​ລັບ​ບຸກ​ຄົນ​​ແລະ​ຄອບ​ຄົວ

ຫ້າມບໍ່​ໃຫ້​ມີ​ການ​ໄລ່​ທີ່

ການ​ໄລ່​ທີ່​ຈະ​ຕ້ອງ​ໂຈະ​ໄວ້​ເປັນ​ເວ​ລາ​ຫົກ​ເດືອນ​ຕາມ​ນະ​ໂຍ​ບາຍ​ຂອງ​ລັດ​ຖະ​ບ​ານ​ປະ​ຈຳ​ລັດ​ແລະ​ເຂດ​ປົກ​ຄອງ​ພິ​ເສດ. ເຈົ້າ​ຂອງ​ເຮືອນ​ແລະ​ຜູ້​ເຊົ່າ​ຖືກ​ສົ່ງ​ເສີມ​ໃຫ້​ເຈ​ລະ​ຈາ​ກັນ​ເລື່ອງ​​ຂໍ້ສັນ​ຍາ​​ປີກ​ຍ່ອຍກັນ​ໃນ​ລະ​ຍະ​ສັ້ນ. ໃຫ້​ສອບ​ຖາມ​ກັບ​ລັດ​ຖະ​ບານ​ປະ​ຈຳ​ລັດ​ແລະ​ເຂດ​ປົກ​ຄອງ​ພິ​ເສດ​ຂອງ​ທ່ານ ເພື່ອ​ຂໍ​ລາຍ​ລະ​ອຽດ​ເພີ່ມ​ເຕີມ.

​ທາງ​ເລືອກອັດ​ຕາການ​ເບີກ​ສຳ​ລັບ​ຜູ້​ອອກ​ກິນ​ບຳ​ນານ

ເງື່ອນ​ໄຂ​ຂັ້ນ​ຕ່ຳ​ສຸດ​​ໃນ​ການ​ເບີກ​ສຳ​ລັບ​ຜູ້​ກິນເງິນ​ບຳ​ນານຈາກ​ເງິນ​ຊຸບ​ເປີ ຫຼື ລະ​ບົບ​ຄ້າຍ​ຄື​ກັນ ໄດ້​ຖືກຫຼຸດ​ລົງ​ 50% ​ສຳ​ລັບ​ປີ​ລາຍ​ໄດ້ 2019-20 ແລະ 2020-21 ​ເພື່ອຊ່ວຍ​ບັນ​ເທົາ​ການ​ເສັຍ​ດຸນ​ຢ່າງ​ໃຫຍ່ຫຼວງ​ຂອງ​ຕະຫຼາດ​ການ​ເງິນ​ເຊິ່ງ​ເກີດ​ຂຶ້ນຍ້ອ​ນ​ການ​ແພ່​ລະ​ບາດ​ຂອງ COVID-19.

ສຳ​ລັບ​ລາຍ​ລະ​ອຽດ​ເພີ່ມ​ເຕີມ​, ໃຫ້​ເຂົ້າ​ໄປ​ເບິ່ງ​ທີ່ www.ato.gov.au/drawdown

ການຈ່າຍເງິນ​ JobKeeper

ເງິນເບັ້ຍ​ລ້ຽງ JobKeeper ​ຂອງ​ລັດ​ຖະ​ບານນັ້ນ​​ແມ່ນ​ເງິນ​ອຸດ​ໜູນ​ຊົ່ວ​ຄາວ​ສຳ​ລັບ​ທຸ​ລະ​ກິດ​ທີ່​ຖື​ກ​ກະ​ທົບ​ຢ່າງ​ໃຫຍ່ຫຼວງ​ຈາກ​ໂຄ​ໂຣ​ນາ​ໄວ​ຣັ​ສ (COVID-19).

ບັນ​ດາ​ນາຍ​ຈ້າງ​ທີ່​ຕົກ​ເຂົ້າ​ເງື່ອນ​ໄຂ, ​ຜູ້​ຄ້າຂາຍ​ທີ່​ເປັນ​ເຈົ້າ​ຂອງ​ແຕ່​ພຽງ​ຜູ້​ດຽວ ແລະ ນິ​ຕິ​ບຸກ​ຄົນ​ອື່ນໆ ​ໄດ້ສາ​ມາດ​ຍື່ນ​ຂໍ​ເອົາ​ເງິນ​ເບັ້ຍ​ລ້ຽງ JobKeeper ໃຫ້​ບັນ​ດາ​ພະ​ນັກ​ງານ​ທີ່​ມີ​ສິດ​ຂອງ​ຕົນ​ໄດ້. ເບັ້ຍ​ລ້ຽງ​ດັ່ງ​ກ່າວ​ ໄດ້​ຖືກຈ່າຍຍ້ອນຫຼັງ​ໃຫ້​ນາຍ​ຈ້າງ​ຫຼັງ​ຈາກ​ທີ່​ນາຍ​ຈ້າງ​ໄດ້ຈ່າຍ​ເງິນ​ອອກ​ໄປ​ແລ້ວ​​ທຸກໆ​ເດືອນ ​ໂດຍ ATO.

ບັນ​ດາ​ທຸ​ລະ​ກິດ​ໄດ້​ສາ​ມາດ​ລົງ​ທະ​ບຽນ​ຂໍເບັ້ຍ​ລ້ຽງ JobKeeper ໄດ້​ໂດຍ​ຜ່ານ​ປະ​ຕູ​ສະ​ເພາະ​ຂອງ​ເວັບ​ໄຊ້​ທຸ​ລະ​ກິດ​ຂອງ ATO, ເຂົ້າ​ບໍ​ລິ​ການ​ທາງ​ອອນ​ລາຍ​ນ໌​ຂອງ ATO ໂດຍ​ໃຊ້ myGov ຖ້າ​​ເຂົາ​ເຈົ້າ​ໄດ້​ແມ່ນ​ທຸ​ລະ​ກິດ​ທີ່​ເປັນ​ເຈົ້າ​ຂອງ​ແຕ່​ພຽງ​ຜູ້​ດຽວ, ຫຼື​ຜ່ານ​ເອ​ເຢັ່ນ​ດ້ານ​ພາ​ສີ ຫຼື ເອ​ເຢັ່ນ BAS ທີ່​ລົງ​ທະ​ບຽນ.

ສຳ​ລັບ​ຂໍ້​ມູນ ກ່ຽວ​ກັບ​ເ​ງິນເບັ້ຍ​ລ້ຽງ JobKeeper ຂໍ​ໃຫ້​ເຂົ້າ​ໄປ​ເບິ່ງ​ທີ່ www.ato.gov.au/JobKeeper.

ໂຄງ​ການ ສົ່ງ​ເສີ​ມ​ສ້າງວຽກ​ງານຊາວ​ໜຸ່ມ (JobMaker Hiring Credit)

ແມ່ນ​ນະ​ໂຍ​ບາຍ​ລິ​ເລີ່ມ​ເພື່ອ​ໃຫ້​ທຸ​ລະ​ກິດ​ຈ້າງ​ພະ​ນັກ​ງານ​ຊາວ​ໜຸ່ມ​ອາ​ຍຸ 16-35 ປີ​ທີ່​ຊອກວຽກໃຫ້ຫຼາຍຂຶ້ນ​ຕື່ມ.

ນາຍ​ຈ້າງ​ທີ່​ຕົກ​ເຂົ້າເງື່ອນ​ໄຂ​ສາ​ມາດໄດ້​ຮັບ​ເບັ້ຍ​ລ້ຽງ​ JobMaker Hiring Credit ​ສຳ​ລັບ​ພະ​ນັກ​ງານ​ແຕ່​ລະ​ຄົນ​ທີ່​ຕົກ​ເຂົ້າ​ເງື່ອນ​ໄຂ ທີ່​ທາງ​ທຸ​ລະ​ກິດ​ໄດ້​ຈ້າງ​ເຮັດ​ວຽກ​ໃນ​ລະ​ຫວ່າງ ວັນ​ທີ 7 ຕຸ​ລາ 2020 ຫາ ວັນ​ທີ 6 ຕຸ​ລາ 2021.

ໃຫ້​ເຂົ້າ​ໄປ​ເບິ່ງ www.ato.gov.au/jobmakerhiringcredit ສຳ​ລັບ​ຂໍ້​ມູນ​ເພີ່ມ​ເຕີມ

ຮັກ​ສາ​ລະ​ບົບ​ໃຫ້​ປອດ​ໄພ​ແລະ​ຍຸ​ຕິ​ທຳ

​ໃຫ້​ລະ​ມັດ​ລະ​ວັງ​ການ​ຕົວະ​ຕົ້ມ​ທີ່​ພະ​ຍາ​ຍາມ​ຍົວະ​​ໃຫ້ທ່ານ​ຈ່າຍ​ເງິນຫຼື​​ເປີດເຜີຍ​ຂໍ້​ມູນ​ສ່ວນ​ຕົວ​ຂອງ​ທ່ານ.

ຕາມ​ປົກ​ກະ​ຕິ ນັກ​ຕົວະ​ຕົ້ມ​ຈະ​ປອມ​ຕົວ​ວ່າ​ໂຕ​ເອງ​ມາ​ຈາກ​ອົງ​ການ​ຕ່າງໆ​ທີ່​ໄວ້​ໃຈ​ໄດ້, ເຊັ່ນ​ຫ້ອງ​ການ​ພາ​ສີ​ແຫ່ງ​ຊາດ (ATO). ຖ້າ​ທ່ານຮູ້​ສຶກບໍ່​ໝັ້ນ​ໃຈ​ວ່າ​ນັ້ນ​ເປັນ​ການ​ພົວ​ພັນ​ຈາກ ATO ​ທີ່​ແທ້​ຈິງຫຼືບໍ່​ນັ້ນ, ຢ່າ​ຕອບ​ຄືນ​ໄປ. ທ່ານ​ສາ​ມາດ​ໂທ​ລະ​ສັບ​ຫາສາຍ​ດ່ວນ​ຕ້ານ​ການ​ຕົວະ​ຕົ້ມ​ຂອງ ATO ທີ່​ເລກ​ໂທ 1800 008 540 ຫຼື​ເຂົ້າ​ໄປ​ທີ່ www.ato.gov.au/scams ສຳ​ລັບ​ຂໍ້​ມູນ​ເພີ່ມ​ເຕີມ.

ການຈ່າຍເງິນ ແລະ ການບໍລິການຕ່າງໆ ຂອງລັດຖະບານ

Services Australia ອາດຈະຊ່ວຍທ່ານໄດ້ທາງດ້ານການເງິນເຖິງແມ່ນວ່າທ່ານບໍ່ໄດ້ຮັບການຈ່າຍເງິນ Centrelink ແລ້ວກໍຕາມ. ທ່ານບໍ່ຈຳເປັນຕ້ອງໄປສູນບໍລິການ. ທ່ານສາມາດໃຊ້ຕົວເລືອກການບໍລິການດ້ວຍຕົນເອງຂອງພວກເຮົາ. ນອກຈາກນີ້ ທ່ານຍັງສາມາດເຂົ້າຫາພະນັກງານສັງຄົມສົງເຄາະໄດ້. ຖ້າທ່ານເປັນລູກຄ້າຢູ່ແລ້ວ, ມີການປ່ຽນແປງກ່ຽວກັບການຈ່າຍເງິນແລະການບໍລິການຂອງພວກເຮົາຍ້ອນການຕິດເຊື້ອໄວຣັສ coronavirus (COVID-19). ສຳລັບຂໍ້ມູນເພີ່ມເຕີມໃນຫລາຍພາສາໃຫ້ໄປທີ່ servicesaustralia.gov.au/covid19

ເຈັ້ຍຂໍ້ມູນຄວາມຈິງ