ສຳ​ລັບ​ທຸ​ລະ​ກິດ

​ນະໂຍບາຍການ​ຈ່າຍ​ເງິນ​ຮັກສາວຽກໄວ້ (Jobkeeper)

ການຈ່າຍເງິນ Jobkeeper ຂອງລັດຖະບານນັ້ນແມ່ນເງິນອຸດໜູນຊົ່ວຄາວ ສຳລັບທຸລະກິດທີ່ໄດ້ຮັບຜົນກະທົບຢ່າງຫຼວງຫຼາຍຈາກໂຣກໂຄໂຣນາໄວຣັສ (COVID-19).

ບັນດານາຍຈ້າງ, ​ຂາຍຄົນດຽວ ແລະ ນິຕິບຸກຄົນ ອື່ນໆ ທີ່ມີສິດໄດ້ຮັບ​ໄດ້ສາມາດຍື່ນຂໍ ເພື່ອໄດ້ຮັບການຈ່າຍເງິນ JobKeeper ສຳລັບ​ບັນ​ດາພະນັກງານທີ່ມີສິດໄດ້ຮັບຂອງພວກເຂົາ. ເບັ້ຍ​ລ້ຽງ​ດັ່ງ​ກ່າວ​ ໄດ້​ຖືກຈ່າຍຍ້ອນຫຼັງ​ໃຫ້​ນາຍ​ຈ້າງ​ຫຼັງ​ຈາກ​ທີ່​ນາຍ​ຈ້າງ​ໄດ້ຈ່າຍ​ເງິນ​ອອກ​ໄປ​ແລ້ວ​​ທຸກໆ​ເດືອນ ​ໂດຍ ATO.

ບັນດາທຸລະກິດ​ໄດ້ສາມາດລົງທະບຽນ ສຳລັບການຈ່າຍເງິນ JobKeeper ໂດຍຜ່ານ ATO's Business Portal, ໃນບໍລິການອອນໄລນ໌ ATO ໂດຍໃຊ້ myGov ຖ້າ​ວ່າ​ເຂົາ​ເຈົ້າໄດ້ແມ່ນ​ທຸ​ລະ​ກິດ​ທີ່​ເປັນ​ເຈົ້າ​ຂອງ​ແຕ່​ພຽງ​ຜູ້​ດຽວ, ຫຼື ຫຼື​ຜ່ານ​ເອ​ເຢັ່ນ​ດ້ານ​ພາ​ສີ ຫຼື ເອ​ເຢັ່ນ BAS ທີ່​ລົງ​ທະ​ບຽນ.

ສຳລັບຂໍ້ມູນກ່ຽວກັບເງິນ​ເບັ້ຍ​ລ້ຽງ JobKeeper ຈົ່ງ ເຂົ້າໄປທີ່ www.ato.gov.au/JobKeeper.

ຮັບ​ປະ​ກັນ​ການ​ໝູນ​ເງິນ​ສົດ​ເພື່ອ​ຈ່າຍ​ຄ່າ​ບິ​ລ​ແລະ​ເງິນ​ເດືອນ

ທຸລະກິດທີ່ມີສິດໄດ້ຮັບແລະອົງການບໍ່ຫວັງຜົນກຳໄລ (NFP) ທີ່ຈ້າງພະນັກງານຈະໄດ້ຮັບປະລິມານກະແສເງິນສົດໃນລະຫວ່າງ $20,000 ເຖິງ $100,000 ໂດຍການຍື່ນໃບລາຍງານກິດຈະກຳເປັນ​ລາຍ​ເດືອນ​ແລະ​ລາຍ​ໄຕ​ຣ​ມາດຂອງພວກເຂົາ ຈາກ ເດືອນ​ມີ​ນາ 2020 ເຖິງ​ເດືອນກັນຍາ 2020.

ຊອກຮູ້ເພີ່ມເຕີມ:

​ກຸ່ມ​ນັກ​ຮຽນຝຶ​ກວຽກ​ແລະ​ກຸ່ມຝຶກ​ງານ

ລັດ​ຖະ​ບານ​ສົ່ງ​ເສີມ​ການ​ພັດ​ທະ​ນາ​ຢ່າງ​ຕໍ່​ເນື່ອງ​ຂອງ​ລະ​ບົບ​ແຮງ​ງານ​ທີ່​ມີ​ທັກ​ສະ​ຂອງອອ​ສ​ເຕ​ຣ​ເລັຍ​ແລະ​ຊ່ວຍ​ທຸ​ລະ​ກິດ​ທີ່​ມີ​ສິດ​ໄດ້​ຮັບ​ການ​ຊ່ວຍ​ເຫຼືອນີ້​ໃຫ້​ສາ​ມາດ​ຮັກ​ສາ​ກຸ່ມ​ນັກ​ຮຽນ​ຝຶກວຽກ​ແລະ​ພວ​ກ​ຝຶກ​ງານ​ໄວ້​ໃຫ້​ໄດ້ ໂດຍ​ການ​ຊ່ວຍ 50 ເປີ​ເຊັນ​ຂອງ​ເງິນ​ເດືອນ ເປັນ​ຈຳ​ນວນສູງ​ສຸດ​ຮອດ $21,000.

​​ທ່ານ​ສາ​ມາດເຂົ້າ​ໄປ​ເອົາ​ຂໍ້​ມູນ​ເພີ່ມ​ເຕີມ​ໄດ້​ທີ່:

ສິນ​ເຊື່ອແລະ​ເງິນ​ກູ້

ພາຍ​ໃຕ້​ໂຄງ​ການ​ຮັບ​ປະ​ກັນ SME ໄວ​ຣັ​ສ​ໂຄ​ໂຣ​ນາ​ແບບ​ໃໝ່ ທ່ານ​ອາດ​ຈະ​ສາ​ມາດ​ຂໍ​ຢືມ​ເງິນ​ໄດ້​ເພີ່ມ​ຈາກແຫຼ່ງ​ທີ່​​ອອກ​​ເງິນກູ້​ເພື່ອ​ຊ່ວຍ​ເຫຼືອ​ອູ້ມ​ຊູ​ທ່ານ​ໃນ​ລະ​ຍະຫຼາຍໆ​ເດືອນ​ທີ່​ຈະ​ມາ​ເຖິງນີ້.

ລັດ​ຖະ​ບານ​ຈະຄ້ຳ​ປະ​ກັນ​ 50 ເປີ​ເຊັນ​ໃຫ້​ກັບ​ແຫຼ່ງ​ອອກ​ເງິນ​ກູ້ SME ສຳ​ລັບ​ເງິນ​ກູ້​​ໃໝ່ແບບບໍ່​ຮັບ​ປະ​ກັນ​ເພື່ອ​ນຳ​ເອົາ​ມາ​ໃຊ້​ເປັນ​ເງິນ​ທຶນ​ໃນ​ການດຳ​ເນີນ​ກິດ​ຈະ​ການ.

ນອກນີ້ ລັດ​ຖະ​ບານ​ຍັງ​ຈະ​ສະ​ໜອງ​ໃຫ້​ມີການ​ຍົກ​ເວັ້ນ​ຈາກພັນ​ທະ​ການ​ອອກ​ເງິນ​ກູ້​ທີ່​ຕ້ອງ​ຮັບ​ຜິດ​ຊອບ ສຳ​ລັບ​ຜູ້​ອອກ​ເງິນ​ກູ້​ທີ່​ອອກ​ບັດ​ສິນ​ເຊື່ອ​ໃຫ້​ແກ່​ລູກ​ຄ້າ​ທີ່​ດຳ​ເນີນທຸ​ລະ​ກິດ​ນ້ອຍ​ໃນ​ປັດ​ຈຸ​ບັນ.

ການ​ຍົກ​ເວັ້ນ​ນີ້​ຈະ​ມີ​ຜົນ​ຫົກ​ເດືອນ​ແລະ​ຈະ​ສາ​ມາດ​ນຳ​ໃຊ້​ໄດ້​ກັບ​ການ​ອອກ​ສິນ​ເຊື່ອ​ໃດ​ໆ​ເພື່ອ​ຈຸດ​ປະ​ສົງ​ໃນ​ການ​ດຳ​ເນີນ​ທຸ​ລະ​ກິດ, ລວມ​ເຖິງ​ການ​ອອກ​ສິນ​ເຊື່ອ​ໃໝ່, ການ​ເພີ່ມວົງ​ເງິນ​ຈຳ​ກັດ​ສິນ​ເຊື່ອ​ແລະ​ການ​ປ່ຽນແປງ​ປະ​ເພດ​ແລະປັບ​ປ່ຽນ​ໂຄງ​ສ້າງ​ຂອງ​ສິນ​ເຊື່ອ.

ການ​ອູ້ມ​ຊູ​ຂົງ​ເຂດ​ແລະ​ຂະ​ແໜງ​ຕ່າງໆ

ລັດ​ຖະ​ບານ​ໄດ້ຮັກ​ສາ​ເງິນ​ຈຳ​ນວນ​ $1 ພັນ​ລ້ານ​ໄວ້​ຕ່າງ​ຫາກ​ເພື່ອ​ອູ້ມ​ຊູ​ບັນ​ດາ​ຊຸມ​ຊົນ, ຂົງ​ເຂດ ແລະ ອຸດ​ສາ​ຫະ​ກຳ ​ທີ່​ຖືກກະ​ທົບ​ຢ່າງ​ໜັກ​ທີ່​ສຸດ​ຈາກ​ການ​ລະ​ບາດ​ຂອງ​ໄວ​ຣັ​ສ​ໂຄ​ໂຣ​ນາ. ເງິນ​ອຸ​ປະ​ຖຳ​ເຫຼົ່າ​ນີ້​ຈະ​ມີ​ໄວ້​ໃຫ້​ເພື່ອ​ຊ່ວຍ​ເຫຼືອ​ໃນ​ລະ​ຫວ່າງ​ການ​ແພ່​ລະ​ບາດ​ແລະ​ເພື່ອ​ຊ່ວຍ​ໃນ​ການ​ຟື້ນ​ຟູ. ນອກ​ຈາກນີ້, ລັດ​ຖະ​ບານ​ກໍ​ໄດ້​ຊ່ວຍ​ອຸດ​ສາ​ຫະ​ກຳ​ການ​ບິນ​ໂດຍ​ຜ່ານ​ການ​ຊ່ວຍ​ເຫຼືອ​ເປັນ​ຊຸດ​ລາຍ​ການ ​ເຖິງ $715 ລ້ານ.

ມາດ​ຕະ​ການ​ຊົ່ວ​ຄາວ​ດ້ານແຜນ​ການ​ສ້າງວຽກ​ງານ (JobMaker Plan) ​ເພື່ອ​ອູ້ມ​ຊູ​ທຸ​ລະ​ກິດ

ໂດຍ​ຖື​ວ່າ​ເປັນ​ພາກ​ສ່ວນ​ໜຶ່ງ​ຂອງ​ງົບ​ປະ​ມານປີ 2020–21, ​ລັດ​ຖະ​ບາ​ນ​ກຳ​ລັງ​ນຳ​ໃຊ້​ມາດ​ຕະ​ການຫຼາຍ​ຢ່າງ​ເພື່ອ​ຊ່ວຍ​ທຸ​ລະ​ກິດ​ໃຫ້​ຟື້ນ​ຟູ​ຈາກ​ຜົນ​ກະ​ທົບ​ຂອງ​ການ​ລະ​ບາດ​ຂອງ​ໂຄ​ໂຣ​ນາ​ໄວ​ຣັ​ສ (COVID-19).

ມາດ​ຕະ​ການ​ເຫຼົ່າ​ນີ້​ແມ່ນ​ກ່ຽວ​ຂ້ອງ​ກັບ​ການ​ຂໍຫຼຸດ​ພາ​ສີ, ຫຼຸດ​ຜ່ອນຄ່າ​ໃຊ້​ຈ່າຍ, ແລະ​​ຕີ​ລາ​ຄາຫຼຸດ​ມູນ​ຄ່າ​ຂອງ​ຊັບ​ສິນ​ໃນ​ເວ​ລາ​ຈ່າຍ​ພາ​ສີ. ສິ່ງ​ເຫຼົ່າ​ນີ້​ຈະ​ຊ່ວຍ​ອູ້ມ​ຊູ​ທຸ​ລະ​ກິດ​ໃຫ້​ຂ້າມ​ຜ່ານ​ຊ່ວງ​ທີ່​ມີ​ຜົນ​ກະ​ທົບ​ດ້ານ​ເສດ​ຖະ​ກິດ​ເນື່ອງ​ຈາກ COVID-19 ສຳ​ລັບ ປີ​ງົບ​ປະ​ມານ 2020–21 ແລະ 2021–22.

ມາດ​ຕະ​ການ​ເຫຼົ່າ​ນີ້​ລວມ​ເຖິງ:

  • ໂຄງ​ການ​ສົ່ງ​ເສີມ​ສ້າງວຽກ​ງານ​ຊາວ​ໜຸ່ມ (JobMaker Hiring Credit)
  • ການ​ຂໍຫຼຸດ​ມູນ​ຄ່າ​ຊັບ​ສິນ​ແບບ​ເຕັມ​ສ່ວນ (Temporary full expensing)
  • ການ​ແຈ້ງຫຼຸບ​ທຶນ​ໂດຍ​ຂໍ​ເງິນ​ພາ​ສີ​ຄືນ​ຈາກ​ປີ​ກ່ອນ (Loss carry back)
  • ການ​ສະ​ໜັບ​ສະ​ໜູນ​ການ​ລົ​ງ​ທຶນ​ໃນ​ການເຮັດ​ທຸ​ລະ​ກິດ – ​​ເລັ່ງແຈ້ງຫຼຸດ​ມູນ​ຄ່າຊັບ​ສິນ (Backing business investment – accelerated depreciation
  • ການ​ຂໍຫຼຸດ​ມູນ​ຄ່າ​ຊັບ​ສິນ​ເປັນ​ເງິນກ້ອນ (Instant asset write-off)
  • ເພີ່ມ​ຈຳ​ນວນ​ເງິນ​ຕ່ຳ​ສຸດ​ຂອງ​ທຸ​ລະ​ກິດ​ນ້ອຍ (Increasing the small business entity turnover threshold)