ວີ່ຊ່າ ແລະ ພົມແດນ

ຈຳ​ກັດ​ການ​ເດີນ​ທາງ

ໄດ້​ມີ​ການ​ອອກ​ກົດ​ລະ​ບຽບ​ຫ້າມ​ເດີນ​ທາງ​ເພື່ອ​ປ້ອງ​ກັນ​ບໍ່​ໃຫ້ ​ຜູ້​ທີ່ບໍ່​ແມ່ນ​ຄົນ​ສັນ​ຊາດອອ​ສ​ເຕ​ຣ​ລຽນ​ແລະ​ຜູ້​ທີ່ບໍ່​ມີ​ສິດ​ຢູ່​ຢ່າງ​ຖາ​ວອນ​ເຂົ້າ​ມາ​ປະ​ເທດອອ​ສ​ເຕ​ຣ​ເລັຍ.

ບຸກ​ຄົນ​ທີ່​ຖືກ​ຍົກ​ເວັ້ນ​ຈາກ​ກົດ​ລະ​ບຽບ​ການ​ຫ້າມ​ເດີນ​ທາງ​ລວມ​ມີ ​ຄົນ​ໃນ​ຄອບ​ຄົວໃກ້​ຊິດ​ໂດຍ​ກົງ​ຂອງ​ຄົນ​ສັນ​ຊາດ​ອອ​ສ​ເຕ​ຣ​ລຽນ ແລະ ຜູ້​ທີ່​ມີ​ສິດ​ຢູ່​ໄດ້​ຖາ​ວອນ ຄົນ​ກຸ່ມ​ດັ່ງ​ກ່າວ​ລວມ​ມີ ຜົວ​ເມັຍ, ລູກ​ໆພາຍ​ໃຕ້​ອຸ​ປະ​ກາ​ລະ, ​ຜູ້​ດູ​ແລ​ເດັກ​ທີ່​ຖືກ​ຕ້ອງ​ຕາມ​ກົດ​ໝາຍ ແລະ ຜູ້​ທີ່​ມີ​ຖາ​ນະ​ຢູ່​ຮ່ວມ​ກັນສັນ​ຜົວ​ເມັຍ. ຫຼັງ​ຈາກ​ມາ​ຮອດອອ​ສ​ເຕ​ຣ​ເລັຍ​ແລ້ວ, ຜູ້​ເດີນ​ທາງ​ທຸກ​ຄົນ​ຕ້ອງ​ຖືກ​ກັກ​ບໍ​ລິ​ເວນ​ຈົນ​ຄົບ​ເວ​ລາ 14 ມື້.  

ຂໍ້​ມູນ​ສຳ​ລັບ​ຜູ້​ຖື​ວິີຊ່າ​ຊົ່ວ​ຄາວ

ຜູ້​ຖື​ວີ​ຊ່າ​ທຸກ​ຄົນ​ທີ່​ມີ​ຈຸດ​ປະ​ສົງ​ຢາກ​ຢູ່​ໃນ​ອອ​ສ​ເຕ​ຣ​ເລັຍ​ຕໍ່ ​ເກີນ​ຈາກ​ກຳ​ນົດ​ວີ​ຊ່າ​ອັນ​ປັດ​ຈຸ​ບັນ​ຂອງ​ຕົນ ຕ້ອງ​ໄດ້​ຍື່ນ​ຂໍ​ຕໍ່​ວີ​ຊ່າ. ຜູ້​ຖື​ວີ​ຊ່າ​ດັ່ງ​ກ່າວ​ຕ້ອງ​ຄົ້ນ​ຄວ້​າ​ເບິ່ງ​ທາງ​ເລືອກ​ຕ່າງໆ​ຂອງວີ​ຊ່າ​ເພື່ອ​ຈະ​ໄດ້​ຂໍ​ເອົາ​ວີ​ຊ່າ​ທີ່​ມີເງື່ອນ​ໄຂ​ທີ່​ສອດ​ຄ່ອງ​ກັບ​ສະ​ພາບ​ການ​ຂອງ​ຕົນ​ແລະ​ໃຫ້​ສອບ​ຖາມ​ເບິ່ງວ່າ​ຕົນ​ມີ​ສິດ​ທີ່​ຈະ​ຍື່ນ​ຂໍ​ວີ​ຊ່າ​ແບບ​ດັ່ງ​ກ່າວນັ້ນ​​ບໍ.
ຖ້າ​ທ່ານ​ຕ້ອງ​ການ​ຊາບ​ຂໍ້​ມູນ​ຕື່ມ​ກ່ຽວ​ກັບ​ການ​ຈຳ​ກັດ​ການ​ເດີນ​ທາງ​ແລະ​ການ​ຂໍ​ວີ​ຊ່າ, ຂໍ​ໃຫ້​ເຂົ້າ​ໄປ​ເບິ່ງ​ທີ່ covid19.homeaffairs.gov.au