Здравје

Здравствени информации

Симптомите на коронавирусот вклучуваат:

  • треска

  • кашлање

  • болки во грлото

  • изнемоштеност

  • отежнато дишење

Ако сте болни и мислите дека можеби имате коронавирус, побарајте медицинска помош.

За информации може да се јавите на дежурната национална линија за коронавирусот. Ако ви треба помош од преведувач за македонски јазик, ве молиме јавете се на 131 450.

Ако имате сериозни симптоми, како што е тешко дишење, јавете се на 000 за итна медицинска помош.

На интернет страницата на Министерството за здравје има низа информации на неанглиски јазици, за да се помогне луѓето да останат безбедни и да се намали на минимум ризикот за заедницата.

Повеќе материјали на јазици може да се најдат на www.sbs.com.au/language/coronavirus.   

Тестирање и лекување од КОВИД-19

Дури и ако немате виза или не сте сигурни за вашиот визен статус, мора да ги спроведувате јавните здравствени налози. Ако не се чувствувате добро, побарајте медицинска помош и тестирајте се за КОВИД-19.

Државите и териториите нудат бесплатно тестирање и лекување од КОВИД-19.

ОСТАНЕТЕ БЕЗБЕДНИ

  • Секогаш внимавајте на хигиена, мијте ги рацете 20 секунди со сапун и вода, покривајте ги устата и носот кога кашлате или кивате, одбегнувајте да ги допирате очите, носот и устата.

  • Одржувајте социјално растојание од 1,5 метар кога сте надвор од дома.

  • Одбегнувајте физичко поздравување како што се ракување, прегрнување и бакнување.

  • Наместо со пари, плаќајте со допир со банковна картичка (tap and go).

  • Патувајте кога е тивко и одбегнувајте места со многу луѓе.

  • Бидете добро информирани – користете само веродостојни официјални информации. Преземете ја апликацијата за мобилни телефони на Coronavirus Australia, претплатете се на сервисот WhatsApp на Coronavirus Australia, и посетете www.australia.gov.au за најнови информации.

Линија за поддршка на постари лица во врска со КОВИД-19

Линијата за поддршка на постари лица во врска со КОВИД-19 ги информира, поддржува и поврзува постарите Австралијанци.

Некои постари лица се ранливи во однос на КОВИД-19, но помалку користат интернет и имаат потреба од информации за нивната положба. Линијата за поддршка на постари лица во врска со КОВИД-19 дава информации и поддршка.

Постарите Австралијанци, нивните семејства, пријатели и негуватели може да се јават на БЕСПЛАТНИОТ БРОЈ 1800 171 866 ако:

  • сакаат да разговараат со некого за рестрикциите поради КОВИД-19 и влијание на рестрикциите на нив
  • се чувствуваат осамени или се загрижени за некого кого сакаат
  • негуваат некого и им требаат информации или разговор со некого
  • им треба помош или совети за промена на услугите на нега на стари лица што ги добиваат
  • им треба помош да добијат нови услуги на нега или основни услуги како што е купувањето
  • се загрижени за себе, за некој пријател или за член на семејството кој има деменција
  • сакаат да организираат еднократна или редовна проверка на добросостојбата – нивна или на некој друг.

Постарите Австралијанци, нивните роднини, негуватели, пријатели или поддржувачи може:

  • да се јават на 1800 171 866
  • од 8.30 наутро до 6 навечер по австралиско источно стандардно време, во работни денови
  • за сите информации или услуги што им се потребни.

Информативни листови