Saħħa

Salva l-ħajjiet u għin fit-tnaqqis tal-firxa tal-coronavirus fl-Awstralja

OQGĦOD ID-DAR

  • Tħallix darek għajr meta jkollok bżonn tagħmel dan.

  • Għandek tevita tħalli darek għal kwalunkwe attività mhux essenzjali.

  • Tistidinx membri tal-familja jew ħbieb darek.

  • Oqgħod id-dar għajr jekk int:  

    • qed tmur ix-xogħol jew qed teduka ruħek (jekk ma tistax tagħmel hekk mid-dar)

    • qed tagħmel ix-xirja għall-affarijiet tal-bżonn bħal ngħidu aħna prodotti tal-merċa (mur lura d-dar mingħajr telf ta’ żmien)

    • qed toħroġ biex tagħmel eżerċizzju personali viċin ta’ fejn toqgħod, waħdek jew ma’ persuna waħda oħra

    • ikollok tmur għal xi appuntament mediku jew żjarat ta’ kompassjoni.

  • Servizzi mediċi, supermarkits, banek, pompi tal-petrol u servizzi tal-posta u tat-’ twassil id-dar ser jibqgħu miftuħa.

EVITA L-PERIKLU

  • Dejjem ipprattika iġjene effettiva, aħsel idejk għal 20 sekonda bis-sapun u l-ilma, għatti ħalqek meta tisgħol, ara li ma tmissx għajnejk, imnieħrek u ħalqek.
  • Żomm id-distanza soċjali tal-anqas 1.5 metri meta tkun barra darek.
  • Evita li tagħti awguri fejn ikollok tmiss lil dak li jkun bħal meta tieħu bl-idejn xi ħadd, tgħanniq u bews.
  • Uża s-sistema tat-taptap il-kard tiegħek u daqshekk (tap and go) minflok flus kontanti.
  • Ivvjaġġa meta jkun hemm inqas nies u evita l-folol.
  • Żomm ruħek aġġornata tajjeb- uża biss tagħrif uffiċjali li tista’ torbot fuqu. Niżżel l-app tal-mowbajl tal-Coronavirus Australia, issieħeb fis-servizz Coronavirus Australia WhatsApp, u żur www.australia.gov.au għall-aħħar tagħrif.

TINQATAX GĦALIK WAĦDEK

  • Żomm kuntatt mal-familja u l-ħbieb tiegħek permezz tat-telefown jew onlajn.
  • Wassal ix-xirja u affarijiet essenzjali lill-qraba akbar fl-età u persuni vulnerabbli. Ħallihom ħdejn il-bieb ta’ barra.
  • Organizzazzjonijiet importanti tal-voluntiera u organizzazzjonijiet tal-karità jistgħu jipprovdu servizzi lill-persuni li għadhom bżonnhom l-aktar.

Tagħrif dwar is-Saħħa

Is-Sintomi tal-coronavirus jinkludu:

  • deni
  • sogħla
  • uġigħ fil-griżmejn
  • għejja
  • qtugħ ta’ nifs

Jekk int marid u taħseb li jista' jkollok il-coronavirus, fittex l-għajnuna medika.

Tista’ ċċempel lin-Linja Nazzjonali Telefonika tal-Għajnuna tal-Coronavirus għal tagħrif. Jekk għandek bżonn is-servizzi tat-traduzzjoni jew l-interpretar, ċempel 131 450.

Jekk għandek sintomi serji bħal meta issibha bi tqila biex tieħu n-nifs, ċempel 000 għall-għajnuna medika urġenti.

Il-websajt tad-Dipartiment tas-Saħħa fiha firxa ta’ tagħrif disponibbli fil-lingwi barra l-Ingliż biex jgħinu lill-persuni jevitaw il-periklu u nnaqqsu r-riskji lill-komunità.