ကိုရိုနာဗိုင်းရတ်စ် (COVID-19) နှင့်ပတ်သက်၍ မှားယွင်းသတင်းများနှင့် အမှန်သတင်းများ

အမှား- သင်သည် ကိုရိုနာဗိုင်းရတ်စ်ကို ဘက်တီးရီးယားပိုးသတ်ဆေးများ သို့မဟုတ် ငှက်ဖျားတိုက်ဖျက် ဆေးများဖြင့် ကုသနိုင်သည်

အမှန်- ကိုရိုနာဗိုင်းရတ်စ်အတွက် မည်သည့် ကာကွယ်ဆေးမျှ သို့မဟုတ် ကုသမှုမျှ မပေါ်သေးပါ။

ကမ္ဘာတစ်ဝန်းရှိ သုတေသနပြုသူများသည် ဗိုင်းရတ်စ်အတွက် ကာကွယ်ဆေးကို ထုတ်လုပ်ရန် အကြီးအကျယ် ကြိုးစားနေကြပါသည် သို့သော် ၎င်းမှာ မည်မျှကြာမည်ကို ကျွန်ုပ်တို့ မသိပါ။ ခန့်မှန်းချက်များမှာ ၁၂ လ သို့မဟုတ် ၁၈ လ အကြား ကြာမည်ဟု ကွဲပြားခြားနားမှုရှိသည်။

သုတေသနပြုသူများသည် အဆစ်အမြက်ရောင်နာရောဂါဆေးများ၊ ငှက်ဖျားတိုက်ဖျက်ဆေးများနှင့် HIV ဆေးဝါးများ အပါအဝင် ကိုရိုနာဗိုင်းရတ်စ်ကို ကုသပေးစေနိုင်မည့် ဆေးဝါးအမျိုးမျိုး အသုံးချပုံကိုလည်း လေ့လာနေလျက်ရှိသည်။  ၎င်းတို့သည် ကိုရိုနာဗိုင်းရတ်စ်ကို ပျောက်အောင်ကုသပေးမည် မဟုတ်သော်လည်း ဗိုင်းရတ်စ် ကူးခံရမည့်လူ အရေအတွက်နှင့် ကူးစက်ခံရသူများ၏ ဆိုးရွားမှုတို့ကို လျှော့ချပေးနိုင်ကောင်း ပေးနိုင်မည်ဖြစ်သည်။  

ထို့ကြောင့် ကိုရိုနာဗိုင်းရတ်စ်အတွက် ကာကွယ်ဆေး သို့မဟုတ် ကုသမှုကို စောင့်ဆိုင်းမနေဘဲ- မြောက်မြားစွာသော အများပြည်သူ ကျန်းမာရေး အရေးယူဆောင်ရွက်ချက်များကို ၎င်းကြောင့် သြစတြေးလျနိုင်ငံက ချမှတ်ခဲ့ကြောင်းမှာ အရေးကြီးပါသည်။

အမှား- ကလေးများသည် ကိုရိုနာဗိုင်းရတ်စ်၏ ‘အကြီးအကျယ် ရောဂါဖြန့်သူများ’ ဖြစ်ကြသည်။

အမှန်- ကလေးများမှာ သာမန်အားဖြင့် ပိုးများနှင့်ပိုးမွှားများ၏ ‘အကြီးအကျယ် ဖြန့်ပေးသူများ’ အဖြစ် လူသိများ ကြသော်လည်း တုပ်ကွေးရောဂါအတွက် သူတို့ အမှန်တကယ်ဖြစ်နိုင်သည်၊ ကိုရိုနာဗိုင်းရတ်စ်နှင့် ပတ်သက်၍ ဤသို့ဖြစ်သည်ဟု မပေါ်ပေါက်သေးပါ။ အနည်းဆုံးအားဖြင့် ဤသို့မဖြစ်သေးပါ။ ဤဗိုင်းရတ်စ် အဓိက ပျံ့နှံ့မှုမှာ ကလေးများမှတစ်ဆင့် ပျံ့နှံ့သည်ဟု ကမ္ဘာရှိ မည်သည့်နေရာကမျှ ပြသသည့် အချက်အလက် မရှိပါ။  ကျွန်ုပ်တို့ ဤသို့ အတည်မပြုသေးပါ။ ၎င်းမှာ ဖြစ်နိုင်သည်။ သို့သော် သက်သေအထောက်အထား အားလုံးမှာ သူတို့သည် ကိုရိုနာဗိုင်းရတ်စ်၏ အကြီးအကျယ် ရောဂါဖြန့်သူများ မဟုတ်ကြပါ။

အမှား- သြစတြေးလျနိုင်ငံတွင် ဆေးဝါးကိရိယာနှင့် ဖြန့်ချီပစ္စည်းများ (အသက်ရှူစက်များ၊ နှာခေါင်းစည်းများ၊ စစ်ဆေးရေး ပစ္စည်းများ) လုံလုံလောက်လောက် မရရှိထားနိုင်ပါ။

အမှန်- လူနာများနှင့် ၊ အထူးသဖြင့်၊ ၎င်းတို့အား စောင့်ရှောက်ပေးသည့် ကျန်းမာရေး အလုပ်သမားများအတွက် ရိုးရိုးစင်းစင်း မှာကြားချက်မှာ - ရှိပါသည်၊ သြစတြေးလျနိုင်ငံတွင် ဤ ကမ္ဘာအနှံ့ရောဂါပျံ့နှံ့မှုကို တိုက်ထုတ်ရန် ကိရိယာပစ္စည်း အလုံအလောက် ရှိပါသည်။ သို့သော်လည်း တစ်ကမ္ဘာလုံးဆိုင်ရာ သုံးစွဲမှုမှာ ဖြန့်ချီမှုနှင့် ထုတ်လုပ်မှု စွမ်းအင်ထက် ကျော်လွန်နေသောကြောင့် စစ်ဆေးမှုနှင့်ဆက်နွှယ်သည့် ဖြန့်ချီရေးပစ္စည်းများအပေါ် ဖိစီးမှုတစ်ခု ရှိပါသည်။

ဝန်ထမ်းများအား အာမခံချက်ပေးနိုင်သည်မှာ ကျွန်ုပ်တို့တွင် ကိုယ်ရေးကိုယ်တာ အကာအကွယ်ပေး ကိရိယာပစ္စည်း တစ်ချိန်လုံး ဝင်လာနေလျက်ရှိသည်၊ ဆိုလိုသည်မှာ တစ်နည်းအားဖြင့် လူနာများသည် ဖြစ်နိုင်သမျှ အကောင်းဆုံး စောင့်ရှောက်မှုကို ရနိုင်သည်။ ဥပမာ၊ နိုင်ငံလုံးဆိုင်ရာ ဆေးဝါးပစ္စည်း သိုလှောင်ရုံ (National Medical Stockpile) တွင် နှာခေါင်းစည်း ၁၀ သန်းကျော် ရှိပါသည်။ သြစတြေးလျနိုင်ငံ အစိုးရသည် နောက်ထပ် နှာခေါင်းစည်းများ ရယူထားရန် ဆက်လက် လုပ်ကိုင်နေပါသည်၊ နိုင်ငံလုံးဆိုင်ရာ ဆေးဝါးပစ္စည်း သိုလှောင်ရုံ (National Medical Stockpile) တွင် ကောင်းမွန်စွာ ဆက်လက် သိုလှောင်ထားရန်နှင့် ကမ္ဘာအနှံ့ပျံ့နှံ့မှု ကျော်လွန်စဥ် ကျွန်ုပ်တို့၏ ဆေးဘက်ဆိုင်ရာ အတတ်ပညာရှင်များအား ပံ့ပိုးရန် သြစတြေးလျနိုင်ငံ၌ ကိုယ်ရေးကိုယ်တာ အကာအကွယ်ပေး ကိရိယာပစ္စည်း လုံလုံလောက်လောက် ရှိနေစေရန်အတွက် သေချာအောင်ဖြစ်ပါသည်။ ၎င်းတွင် ပြည်တွင်း ထုတ်လုပ်ရေး လုပ်နိုင်စွမ်းရည်နှင့် စွမ်းအားပမာဏကို တိုးမြှင့်ပေးခြင်းပါဝင်သည်။  

သြစတြေးလျနိုင်ငံတွင် အသက်ရှူစက်တပ်ဆင်ထားသည့် ဆေးရုံ ကုတင် ၂ ၂၀၀ သာမန်အားဖြင့်ရှိပါသည်။  နာကျင်ကိုက်ခဲမှုနှင့်ပတ်သက်သည့် စက်များနှင့် အခြားသော ကိရိယာပစ္စည်းများကို လွန်ခဲ့သော ခြောက်ပတ်အတွင်း ပြန်လည်စီမံပေးခြင်းအားဖြင့် ယခုသော် ကျွန်ုပ်တို့တွင် 4,400 အသက်ရှူစက်တပ်ဆင်ထားသည့် ကုတင်များရှိပြီး ၎င်းတို့ကို ကျွန်ုပ်တို့ 7,500 ဖြစ်အောင် လုပ်ပေးနေပါသည်။ ဧပြီလ အစဦးပိုင်း၌ အချိန်ပြည့်စောင့်ရှောက်ပေးသည့် လူနာခန်းရှိ အသက်ရှူစက်လိုအပ်နေသော ကိုရိုနာဗိုင်းရတ်စ် ရောဂါရှိသည့် လူနာ အရေအတွက်မှာ ၂၀ ဖြစ်သည်။

ကူးစက်တတ်သော ရောဂါ အလုပ်ကွန်ရက် သြစတြေးလျ (Communicable Diseases Network Australia) သည် စစ်ဆေးရမည့် သတ်မှတ်ချက်များနှင့်ပတ်သက်၍ စိစစ်ရန် နေ့စဥ် အစည်းအဝေး ကျင်းပလျက်ရှိသည်၊ သို့မှသာ မရှိမဖြစ် လိုအပ်သူများကိုသာ စစ်ဆေးမှုကို ဆောင်ရွက်ပေးသည်။

အမှား- ကိုရိုနာဗိုင်းရတ်စ်ကြောင့် ပိုမိုများပြားနေသည့် ကုသမှုတောင်းခံချက်များကို သြစတြေးလျနိုင်ငံ ဆေးရုံများသည် ရင်ဆိုင်နိုင်မည် မဟုတ်ပါ

အမှန်- သြစတြေးလျနိုင်ငံ အများပြည်သူဆေးရုံများနှင့် ပုဂ္ဂလိက ဆေးရုံများသည် ကိုရိုနာဗိုင်းရတ်စ်ကို တွန်းလှန်ရာ၌ ပူးတွဲ၍ အင်အားသုံးစွဲလျက်ရှိသည်။ သြစတြေးလျနိုင်ငံ အစိုးရ၊ ပြည်နယ်နှင့် အုပ်ချုပ်ခံနယ်မြေ အစိုးရများနှင့် ပုဂ္ဂလိက ဆေးရုံ ကဏ္ဍ တို့အကြား သမိုင်းသွင်သည့် ဖက်စပ်လုပ်ကိုင်မှုသည် ကိုရိုနာဗိုင်းရတ်စ်ကို တွန်းလှန်ရန် အပို ကုတင် ၃၄ ၀၀၀ ကုတင်နှင့် ဆေးဖက်ဆိုင်ရာ ဝန်ထမ်း ၁၀၅ ၀၀၀ ယောက် နိုင်ငံလုံးဆိုင်ရာအားဖြင့် ရရှိနိုင်မည်ဖြစ်သည်။

ပုဂ္ဂလိက ကဏ္ဍသည် အများပြည်သူဆေးရုံလူနာများအား ဆေးရုံ ဝန်ဆောင်မှုများကို ပေးမည်၊ အများပြည်သူဆေးရုံ စနစ်ကို ဖြည့်စွက်ပေးရန် မိမိ၏ ကိရိယာပစ္စည်း၊ ကုတင်များ၊ ဖြန့်ချီပစ္စည်းများနှင့် ဝန်ထမ်းများကို ရရှိနေအောင် လုပ်ပေးနေမည်ဖြစ်ပါသည်။

သူတို့သည် ရေရှည်-အများပြည်သူ ဆေးရုံ နိုင်ငံလုံးဆိုင်ရာ မသန်စွမ်းမှု အာမခံ အစီအစဥ် (National Disability Insurance Scheme) လုပ်ဆောင်သူများနှင့် လူအိုစောင့်ရှောက်ရေး လူနာများနှင့် အထွေထွေ လိုအပ်ချက်များ ရှိသည့်လူနာများ၏ လိုအပ်ချက်များကိုလည်း ဆက်လက်၍ ပံ့ပိုးပေးပါမည်။

သြစတြေးလျနိုင်ငံ ကမ္ဘာ့အဆင့်မှီ ကျန်းမာရေးစနစ်၏ အရင်းအမြစ် အပြည့်အဝကို ကမ္ဘာအနှံ့ ရောဂါပျံ့နှံ့မှု တစ်လျှောက် လိုအပ်သလို လူနာများအား ကုသပေးရန် အဆင်သင့်ရှိနေပြီး အာရုံစိုက်နေကြောင်း သေချစေမည်ဖြစ်သည်။

အမှား- နှစ်ပတ် ပိတ်ပင်မှုသည် ကိုရိုနာဗိုင်းရတ်စ် ကူးစက်ပျံ့နှံ့မှုကို တားဆီးပေးမည်

အမှန်- နှစ်ပတ် သို့မဟုတ် သုံးပတ် ကန့်သတ်ချက်များ ချမှတ်ခြင်း နှင့် ယင်းနောက် ကန့်သတ်ချက်များကို ဖယ်ရှားပေးပြီး ကျွန်ုပ်တို့၏ ပုံမှန် နေထိုင်ရေးအတိုင်း ပြန်နေထိုင်ခြင်းသည် ကိုရိုနာဗိုင်းရတ်စ် ကူးစက်ပျံ့နှံ့မှုကို တားဆီးပေးမည် မဟုတ်ပါ။

နှစ်ပတ်တည်းသာ ပိတ်ပင်မှု၏ အန္တရာယ်မှာ ကိုရိုနာဗိုင်းရတ်စ်သည် မိမိ၏ ဆိုးသွမ်းလှသည့် ဦးခေါင်းကို ခေါင်းထောင်လာလိမ့်မည်ဖြစ်သည်၊ ယခင်ထက် ပိုမို ပြင်းထန်စွာ ဖြစ်ကောင်း ဖြစ်နိုင်သည်။

အခြားနိုင်ငံများ လုပ်ထားသကဲ့သို့ အလုံးစုံ အလုံပိတ်ပင်မှု ကျွန်ုပ်တို့ မည်သည့်အတွက်ကြောင့် မချမှတ်ကြောင်း အချို့လူများက မေးမြန်းခဲ့သည်။ ဤမေးခွန်းအတွက် အဖြေမှာ အီတလီ၊ စပိန်နှင့် အီရန်ကဲ့သို့ နိုင်ငံများနှင့်မတူဘဲ၊ ထို့ပြင် ကူးစက်မှု စတင်ခဲ့သည့်နေရာဖြစ်သည့် တရုတ်ပြည်ရှိ ဝူဟန်ကဲ့သို့ မြို့များနှင့်မတူဘဲ ကျွန်ုပ်တို့သည် ပိုမို၍ သာလွန်နေသေး၍ ဖြစ်သည်။

အဆိုပါနိုင်ငံရှိ ကျန်းမာရေး ကျွမ်းကျင်သူများ ဘာဖြစ်ပွားနေသည်ကို သိရှိခဲ့သည့်အချိန်၌ ကိုရိုနာဗိုင်းရတ်စ်သည် ထိန်းမရ သိမ်းမရ ဖြစ်ခဲ့ပြီး တောမီးလောင်မှုကဲ့သို့ လောင်ကျွမ်းပျံ့နှံ့နေလျက်ရှိသည်။ ဤအတွက်ကြောင့် ဤနိုင်ငံများရှိ ဆေးရုံများတွင် ရောဂါ၏ အလွန်ဆိုးသွမ်းသည့်ပုံစံများရှိသည့် လူများဖြင့် ရင်ဆိုင်ရန် ခက်ခဲနေကြသည်။

သြစတြေးလျနိုင်ငံ၌ ကျွန်ုပ်တို့၏ ကျန်းမာရေး ကျွမ်းကျင်သူများသည် နေ့စဥ် ကူးစက်ခံရသူ အသစ် အရေအတွက်နှင့် မည်သည့်နေရာ၌ ကူးစက်မှု ဖြစ်ပွားကြောင်းတို့ကို ဆက်လက်၍ စောင့်ကြည့်မည်ဖြစ်သည်။  ယင်းနောက် သူတို့သည် သက်သေအထောက်အထားအပေါ် အခြေခံပြီး စည်းမျဥ်းအသစ်တစ်ခုခု သို့မဟုတ် ကန့်သတ်ချက် အသစ်တစ်ခုခု ချမှတ်ရန် လိုအပ်မှုကို အကြံပြုချက်များ လုပ်ပေးမည်ဖြစ်သည်။ လက်ရှိ ကန့်သတ်ချက်များအပေါ် လူတိုင်းအနေဖြင့် နောက်ဆုံးသတင်းကို www.australia.gov.au တွင်ကြည့်ရှုခြင်းဖြင့် သိရှိထားသင့်သည်။

အမှား- လူတိုင်းအား စစ်ဆေးခြင်းသည် ကိုရိုနာဗိုင်းရတ်စ် ကူးစက်ပျံ့နှံ့ခြင်းကို တားဆီးမည်

အမှန်- စစ်ဆေးခြင်းသည် ဗိုင်းရတ်စ် ကူးစက်ပျံ့နှံ့မှုကို တားဆီးမည် မဟုတ်ပါ။  

မည်သည့် ဗိုင်းရတ်စ်မဆိုကဲ့သို့ COVID-19 သည် လူတစ်ဦးမှ အခြားသူတစ်ဦးသို့ ပျံ့နှံ့ပါသည်။ အကယ်၍ သင် နေထိုင်မကောင်းလျှင် တစ်ချိန်လုံး လူမှုရေးဆိုင်ရာ ခပ်ခွာခွာနေခြင်း၊ နှင့် အိမ်၌ အထိတွေ့မဲ့ အထီးကျန်နေခြင်းသည် ဗိုင်းရတ်စ် ကူးစက်ပျံ့နှံမှုကို တားဆီးနိုင်သည်။

ရောဂါလက္ခဏာများ ပြသနေသည့် တစ်စုံတစ်ယောက်တွင် COVID-19 ရှိမရှိ အတည်ပြုရန် စစ်ဆေးခြင်းသည် ရောဂါပျံ့နှံ့မှုကို ရှာဖွေရန်နှင့် ကူးစက်မှုကို လျှော့ချစေရန် ကျွန်ုပ်တို့အား အထောက်အကူပြုပါသည်။ အကယ်၍ ကျွန်ုပ်တို့သည် တစ်စုံတစ်ယောက်၌ ရောဂါရှိကြောင်းသိလျှင် အဆိုပါ ပုဂ္ဂိုလ်သည် မိမိကိုယ်တိုင် အထိတွေ့မဲ့ အထီးကျန်နေနိုင်ပြီး ကျွန်ုပ်တို့အနေဖြင့် မည်သူတို့က သူ့နှင့်အထိအတွေ့ရှိခဲ့ကြောင်း ရှာဖွေနိုင်ကာ နောက်ထပ် ရောဂါပျံ့နှံ့မှု အန္တရာယ်ကို လျှော့ချနိုင်မည်ဖြစ်ပါသည်။

သို့သော်လည်း COVID-19 အပေါ် စစ်ဆေးမှု ရောဂါမရှိကြောင်း အဖြေသည် သင့်အနေဖြင့် သင်ကိုယ်တိုင် အန္တရာယ် မရှိကြောင်း သို့မဟုတ် အခြားသူများအပေါ် အန္တရာယ် မရှိကြောင်း မဆိုလိုပါ။ သင်သည် COVID-19 ကို အထိအတွေ့ရှိပြီးဖြစ်သော်လည်း ရောဂါလက္ခဏာ မပေါ်ပေါက်မီ စစ်ဆေးမှု ရောဂါမရှိကြောင်း အဖြေ ရနိုင်သည်။ သင်သည် ရောဂါမရှိကြောင်း စစ်ဆေးမှုအဖြေ ယနေ့ ရနိုင်ပြီး နောက်တစ်နေ့တွင် COVID-19 ကူးစက်ခံရနိုင်သည်။ ထို့အတွက်ကြောင့် ကောင်းမွန်သော တစ်ကိုယ်ရေးသန့်စင်ရေးကို လုပ်ရန်နှင့် လူမှုရေးဆိုင်ရာ ခပ်ခွာခွာနေခြင်းလုပ်ရန်နှင့် မရှိမဖြစ် လိုအပ်သည့် ကိစ္စအတွက် အပြင်ထွက်သည်မှတစ်ပါး အိမ်၌နေရန်တို့မှာ အလွန်အရေးကြီးပါသည်။ ၎င်းသည် COVID-19 သာမကဘဲ အခြား ရောဂါများကိုလည်း ရောဂါပျံ့နှံ့မှုကို တားဆီးပေးရန် အထောက်အကူပြုနေပါသည်၊ ကျွန်ုပ်တို့ ကျန်းမာရေး ဝန်ဆောင်မှုများအပေါ် ဖိစီးမှုကို လျှော့ချပေးနေပါသည်။

အမှား- စစ်ဆေးရေး ပစ္စည်းများသည် မတိကျပါ

အမှန်- COVID-19 အတွက် လက်ရှိ စစ်ဆေးနေခြင်းသည် နယူးကလီး အက်စစ် တိုးမြှင့်ပေးခြင်း (nucleic acid amplification (Polymerase chain reaction (PCR))) ဟုခေါ်သော အရာကို အသုံးပြုသည်၊ ၎င်းသည် အလွန် တိကျပါသည်။ စစ်ဆေးမှုတွင် ကျန်းမာရေး အတတ်ပညာရှင်တစ်ဦးက လူ၏ လည်ချောင်းနှင့် နှာခေါင်းမှ နမူနာအစအရည်ကို ယူဆောင်ခြင်းဖြစ်သည်။ လက်ရှိ၌ အားလုံးသော စစ်ဆေးရေးသုံး ပစ္စည်းများကို နိုင်ငံခြားတွင် ထုတ်လုပ်ပါသည်၊ အများဆုံးအားဖြင့် ဥရောပနှင့် အာရှတွင်ဖြစ်ပါသည်။ ပြည်နယ်များနှင့် အုပ်ချုပ်ခံနယ်မြေများ တစ်ဝန်းနှင့်အတွင်းတွင် စစ်ဆေးရေးသုံးပစ္စည်းများ ဖြန့်ချီသူ မျိုးစုံ နှင့် ဓါတ်ခွဲခန်းများသည် အမျိုးမျိုးသော ပစ္စည်းများကို အသုံးပြုသော်လည်း အရေးကြီးသည့်အချက်မှာ သူတို့သည် အတူတူဖြစ်သော စစ်ဆေးရေးဆိုင်ရာ နည်းပညာများကို သုံးကြပါသည်။ သို့သော်လည်း တစ်ကမ္ဘာလုံးဆိုင်ရာ သုံးစွဲမှုမှာ ဖြန့်ချီမှုနှင့် ထုတ်လုပ်မှု စွမ်းအင်ထက် ကျော်လွန်နေသောကြောင့် စစ်ဆေးမှုနှင့်ဆက်နွှယ်သည့် ဖြန့်ချီရေးပစ္စည်းများအပေါ် ဖိစီးမှုတစ်ခု ရှိပါသည်။ ရောဂါကာကွယ်- ပဋိပစ္စည်း စစ်ဆေးခြင်းများ (antibody test) သည် ရောဂါဖော်ထုတ်မှုအတွက် တိကျမှု မရှိပါ ထို့ကြောင့် အဆိုပါကိစ္စအတွက် ၎င်းကို မတိုက်တွန်းပါ။

ကိုရိုနာဗိုင်းရတ်စ်အတွက် စစ်ဆေးရန် စွမ်းဆောင်ရည်နှင့် စွမ်းအားပမာဏကို သြစတြေးလျနိုင်ငံအနေဖြင့် ထိန်းထားရန်သေချာအောင် စစ်ဆေးမှုဆိုင်ရာ ဖြန့်ချီပစ္စည်းများ ရရှိရန်နှင့် ဖြန့်ချီပစ္စည်း ရရှိရေး နောက်တစ်နည်း အလားအလာကို စူးစမ်းရန် အလို့ငှါ သြစတြေးလျနိုင်ငံ အစိုးရသည် အများပြည်သူ ကျန်းမာရေး ဓါတ်ခွဲခန်း အလုပ်ကွန်ခြာတစ်လျှောက်ရှိ ဓါတ်ခွဲခန်းများနှင့် ဖြန့်ချီသူများတို့နှင့်အတူ နီးနီးကပ်ကပ် လုပ်ကိုင်ပေးလျက်ရှိပါသည်။

သြစတြေးလျနိုင်ငံ အစိုးရ၏ COVID-19 အပေါ် တုံ့ပြန်မှုတွင် အဓိက ဖွံ့ဖြိုးမှုအခြေအနေအကြောင်း သိရှိနေရန် ဤဝက်ဘ်ဆိုက်ကို ပုံမှန် ကြည့်ရှုပါ။

SBS တွင်လည်း သင့်ဘာသာစကားဖြင့် COVID-19 နှင့်ပတ်သက်သည့် သတင်းအချက်အလက် အမျိုးမျိုးရှိပါသည်။ အစိုးရ သတင်းအချက်အလက်များကို ဘာသာပြန်ဆိုရန် မိုဘိုင်း အက်ဖ်နှင့် ဘရော့က်ဆာ အက်စ်တင်းရှင်းများ (browser extensions) ကိုလည်း သင် အသုံးပြုနိုင်ပါသည်။ သင့် လိုအပ်ချက်များနှင့်ကိုက်ညီမည့် တစ်ခုကို ရှာပါ။

ထပ်ဆင့်အပို သတင်းအချက်အလက်များကို အင်္ဂလိပ်ဘာသာစကားဖြင့် ရယူရန် www.australia.gov.au တွင်ကြည့်ရှုပါ။