ကျန်းမာရေး

လူ့အသက်များကို ကယ်ဆယ်ပြီး သြစတြေးလျနိုင်ငံ၌ ကိုရိုနာဗိုင်းရတ်စ် ပျံ့နှံ့မှု နှေးကွေးသွားစေရန် ကူညီပါ

အိမ်၌ နေပါ

  • သင် အပြင်ထွက်ရန် လိုအပ်သည် မဟုတ်လျှင် အိမ်မှ မထွက်ခွာပါနှင့်။
  • မရှိမဖြစ် လိုအပ်သည်-မဟုတ်သော လုပ်စရာတစ်ခုခုအတွက်လုပ်ရန် သင့်အိမ်မှ ထွက်ခွာသွားခြင်းကို သင် ရှောင်ရှားသင့်သည်။
  • သင့်အိမ်သို့ မိသားစု သို့မဟုတ် မိတ်ဆွေများကို မဖိတ်ခေါ်ပါနှင့်။
  • အောက်ပါတို့လုပ်ရန် မဟုတ်လျှင် သင် အိမ်၌ နေပါ-
    • အလုပ် သွားရန် သို့မဟုတ် ပညာသင်ရန် (အကယ်၍ သင် အိမ်၌ မလုပ်နိုင်လျှင်)
    • စားသောက်ကုန်များကဲ့သို့ မရှိမဖြစ် လိုအပ်သည့် အရာပစ္စည်းများ ဝယ်ခြင်း (နှောင့်နှေးမကြာစေဘဲ အိမ်ပြန်ပါ)
    • အိမ်နီးအနားတွင် ၊ သင်ကိုယ်တိုင် သို့မဟုတ် အခြားသူတစ်ဦးနှင့်အတူ ကိုယ်လက်လေ့ကျင့်ခန်းလုပ်ရန်အတွက် အပြင်သွားခြင်း
    • ဆေးခန်း သွားရောက်ခြင်း သို့မဟုတ် မသာပို့ရန်သွားခြင်း။
  • ဆေးခန်းများ၊ စူပါမားကက်များ၊ ဘဏ်များ၊ ဓါတ်ဆီဆိုင်များ၊ စာတိုက်နှင့် အိမ်စာပို့ ဝန်ဆောင်မှုများကို ဆက်လက် ဖွင့်လှစ်ထားသည်။

ဘေးကင်းလုံခြုံစွာ နေပါ

  • အမြဲအားဖြင့် တစ်ကိုယ်ရေ သန့်စင်ရေး လုပ်ပါ၊ သင့် လက်များကို ဆပ်ပြာနှင့်ရေဖြင့် စက္ကန့် ၂၀ ဆေးကြောပါ၊ ဖုံးအုပ်ပြီးမှချောင်းဆိုးပါ၊ သင့် မျက်လုံးများ၊ နှာခေါင်းများနှင့် ပါးစပ်ကို ကိုင်တွယ်ခြင်းမှ ရှောင်ကြဥ်ပါ။
  • သင့် အိမ်ပြင်ပ ရောက်နေချိန်တွင် လူမှုရေးဆိုင်ရာ ခပ်ခွာခွာနေခြင်းကို အနည်းဆုံး ၁.၅ မီတာအကွာတွင် နေပါ။
  • လက်ဆွဲနှုတ်ဆက်ခြင်း၊ ပွေ့ဖက်ခြင်းနှင့် နမ်းခြင်းကဲ့သို့ ထိတွေ့နှုတ်ဆက်ခြင်းကို ရှောင်ကြဥ်ပါ။
  • ငွေစက္ကူ သုံးမည့်အစား ကတ်ပြားနှင့်ထိ၍ငွေပေးချေနည်းကို သုံးပါ။
  • လူတိတ်ဆိတ်ချိန်များတွင် ခရီးသွားပြီး လူပြည့်ကျပ်မှုများကို ရှောင်ရှားပါ။
  • သတင်းအချက်အလက် သိရှိနေအောင် နေပါ- ယုံကြည်ရသည့် တရားဝင် သတင်းအချက်အလက်ကိုသာ သုံးပါ။ Coronavirus Australia မိုဘိုင်း ဖက်ဖ် (app) ကို ဒေါင်းလုဒ်ဆွဲပါ၊ Coronavirus Australia WhatsApp ဝန်ဆောင်မှုကို စာရင်းဝင်၍အဖွဲ့ဝင်လုပ်ပါ ၎င်းအပြင် နောက်ဆုံးသတင်းအချက်အလက်များအတွက် www.australia.gov.au တွင်ကြည့်ရှုပါ။

အဆက်အသွယ်ရှိနေရင်း နေပါ

  • ဖုန်း သို့မဟုတ် အွန်လိုင်းဖြင့် မိသားစု နှင့် မိတ်ဆွေများကို စစ်ဆေးပါ။
  • စားသောက်ကုန်ပစ္စည်းများနှင့် မရှိမဖြစ် လိုအပ်သည့်အရာပစ္စည်းများကို အိုမင်းသောဆွေမျိုးများနှင့် ထိခိုက်လွယ်သောလူများထံ ပို့ပေးပါ။ ၎င်းတို့ကို တံခါးပေါက်အဝတွင် ထားရစ်ပါ။
  • အဓိကကျသော စေတနာ့ဝန်ထမ်း အဖွဲ့အစည်းများနှင့် ကုသိုလ်ဖြစ်အဖွဲ့အစည်းများသည် ဝန်ဆောင်မှုများကို အလိုအပ်ဆုံးသူများအတွက် ဆောင်ရွက်ပေးနိုင်သည်။

ကျန်းမာရေး သတင်းအချက်အလက်များ

ကိုရိုနာဗိုင်းရတ်စ်၏ ရောဂါလက္ခဏာများမှာ-

  • အဖျားတက်ခြင်း
  • ချောင်းဆိုးခြင်း
  • လည်ချောင်းနာခြင်း
  • ပင်ပန်းနွှမ်းနယ်ခြင်း
  • အသက်ရှုကျပ်ခြင်း

အကယ်၍ သင် နေထိုင်မကောင်းဖြစ်ပြီး သင် ကိုရိုနာဗိုင်းရတ်စ် ရှိနိုင်ကြောင်း ထင်မြင်လျှင် ဆေးဘက်ဆိုင်ရာ အကူအညီရှာပါ။

သင် နိုင်ငံလုံးဆိုင်ရာ ကိုရိုနာဗိုင်းရတ်စ် တိုက်ရိုက်ဖုန်းလိုင်း (National Coronavirus Helpline) ကို သတင်းအချက်အလက်များအတွက် ခေါ်နိုင်သည်။ အကယ်၍ သင် ဘာသာပြန်ဆိုခြင်း သို့မဟုတ် စကားပြန်ခြင်း ဝန်ဆောင်မှုကို လိုအပ်လျှင် ဖုန်း 131 450 ကို ခေါ်ပါ။

အကယ်၍ သင့်တွင် အသက်ရှူရန်အခက်အခဲ ကဲ့သို့ ပြင်းထန်သည့် လက္ခဏာများရှိလျှင် အရေးပေါ် ဆေးဘက်ဆိုင်ရာ အကူအညီအတွက် ဖုန်း 000 ကိုခေါ်ပါ။

ကျန်းမာရေး ဌာန၏ ဝက်ဘ်ဆိုက်တွင် လူများ ဘေးကင်းလုံခြုံစွာ နေရန်နှင့် လူမှုအသိုင်းအဝိုင်းသို့ အန္တရာယ် အနည်းဆုံး လျှော့ချပေးစေရန်အတွက် အထောက်အကူပြုစေရန် အင်္ဂလိပ်ဘာသာမှလွဲ၍ အခြားဘာသာစကားများဖြင့် အမျိုးမျိုးသော သတင်းအချက်အလက်များ ရရှိနိုင်ပါသည်။

အချက်အလက်