توکمپالنه (نژاد پالنه / ریسیزم) د منلو وړ نده

که تاسو نژادي تبعیض، ځورونه یا کرکه وویني یا يي تجربه کړئ، مه یی زغمي، خپل غږ پورته کړي.

که تاسو د توکمپالني چلند قرباني یاست

  • که چیرې پر تاسو برید یا له تاوتریخوالي سره مخ یاست، له پولیسو سره اړیکه ونیسئ.
    • په بیړني یا ژوند ته ګواښونکي حالت کې، دری ځلې صفر (000) ته زنګ ووهئ او د پولیسو غوښتنه وکړئ.
    • که تاسو د پولیسو مرستې ته اړتیا ولرئ، مګر کوم عاجل خطر شتون نلري، د پولیسو د مرستې شمیره (444 131) ته زنګ ووهي.
  • که چیرې تاوتریخوالی پکې دخیل نه وي، او که دا کار خوندي وي، نو تاسو ممکن دی وضعیت ته په خپله اقدام وکړي او د هغه شخص یا د ښکیل خلکو سره خبري پری وکړي.
  • که مستقیم اړیکه وضعیت حل نکړي، یا تاسو د دي کار په کولو د راحتي احساس نه کوئ، تاسو کولی شئ د استرالیا د بشري حقوقو کمیسیون (Australian Human Rights Commission (AHRC)) ته شکایت وکړئ.

د لیدونکیو (ناظرینو) قوت

کله چې خلک د توکمپالنې شاهد وي او د دې پر وړاندې غږ پورته کړي، دا د په نښه شوي شخص سړه د ملاتړ احساس ورکوي، او کولی شي چي د توکمپالنې شخص په خپل چلند کي غور وکړي. خپل ځان په خطر کې مه اچوي. مګر که چیرې دا کار خوندي وي، غږ پورته کړئ او د قرباني شخص سره ودریږئ. حتی یو ساده اشاره کیداي شی پیاوړې وي.

که تاسو د توکمپالني چلند وویني تاسو کولی شئ:

  • غږ پورته کړي - او ووایی چي دا توکمپالنه ده، او مرتکب شخص پوه کړی چې دا د منلو وړ نده
  • د قرباني ملاتړ وکړئ - د هغه چا سره ودریږئ چې هدف ګرځیدلی وي او له دوی څخه وپوښتئ چې ایا دوی ښه دي
  • شواهد واخلئ - پیښه په خپل تلیفون کې ثبت کړئ، د مرتکب عکس واخلئ او چارواکو ته یې راپور ورکړئ

د استرالیا د بشري حقوقو کمیسیون د لیدونکیو لپاره لارښوونې لري، د  https://itstopswithme.humanrights.gov.au/respond-racism څخه لیدنه وکړي

نژادي تبعیض او ستاسو حقوق

په استرالیا کې دا د قانون خلاف دي چې د یو شخص یا ډلې د ګروپ، رنګ، قومي یا توکمي اصل پراساس په عام ځاي کي یو څه وکړي چې احتمال د سپکاوي، توهین، شرمول یا ویرول ولري. دا ډول چلند د توکمیز نفرت په توګه طبقه بندي کیږي.

د توکميز کرکې مثال کې شامل دي:

  • په انټرنټ کې توکمیز توهينونکي مواد، په شمول د ایفورومز، بلاګونه، د ټولنیزې شبکې سایټونه او ویډیو شریکولو سایټونه
  • په ورځپانه، مجله یا نورو خپرونو کې د توکمیز توهین کونکي نظرونه یا عکسونه لکه په بروشر یا کتابګی کي
  • په عامه جلسه کې توکميز توهینونکي ویناوي
  • په عامه ځای کې توکميز ناوړه تبلیغات، لکه په دوکان، د کار ځای، پارک، عامه ترانسپورت یا ښوونځي کې
  • د سپورت په لوبو کي د لوبغاړو، نندارچیانو، مربیانو یا چارواکو لخوا توکمیز ناوړه تبلیغات.

قانون موخه لري چې په آزاده توګه د خبرو کولو حق ("د بیان آزادي") او د توکمیز نفرت څخه پاک ژوند کولو حق ترمینځ توازن رامینځته کړي. ځینې ​​کړنې ممکن د قانون خلاف نه وي که دوی "په منطقي او ښه باور سره" ترسره شي.

نژادي تبعیض هغه وخت پیښیږي کله چې یو شخص د بل وګړي په پرتله په ورته حالت کې ورسره لږ مناسب چلند وشي ځکه چې د هغوی نسل، رنګ، نژاد، ملي یا توکمیز اصل یا د کډوال حیثیت، لکه یو کس ته د کور کرایه ورکول ردوي ځکه چې دا د یو ځانګړي توکمیز شالید یا د پوستکی رنګ څخه دي.

نژادي تبعیض داسي هم پیښیږي کله چې یوه قاعده یا پالیسي شتون ولري چې د هرچا لپاره یو شان وي مګر د یو ځانګړي نسل، رنګ، نژاد، ملي یا توکمیز نسل یا د کډوالۍ حیثیت په خلکو غیر عادلانه اغیزه لري، لکه د شرکت په وینا چې کارمندان یې باید د کار په ځای کي خولۍ یا د سر پوښاک په سر نه کړي، کوم چې احتمال لري د ځینې توکميز یا توکمیزو شالید لرونکو خلکو باندې غیر عادلانه اغیزه ولري.

که تاسو توکميز تبعیض یا نفرت تجربه کړئ نو تاسو کولی شئ د استرالیا د بشري حقوقو کمیسیون ته شکایت وکړئ. د شکایت پروسه ساده ، وړیا او انعطاف پذیره ده.

د استرالیا د بشري حقوقو کمیسیون سره شکایت ثبتولو لپاره www.humanrights.gov.au/complaints ته مراجعه وکړئ.

د ملی مالوماتو خدمت

د استرالیا د بشري حقوقو کمیسیون د ملي مالوماتو خدمت (National Information Service (NIS)) د افرادو، سازمانونو او کارګمارونکو لپاره د بشري حقوقو او تبعیض مسئلو په اړه مالومات او راجع کول چمتو کوي. دا خدمت وړیا او محرم دي.

NIS کولي شي:

  • تاسو ته د فدرالي بشري حقوقو او تبعیض قانون لاندې ستاسو د حقوقو او مسؤلیتونو په اړه معلومات درکوي
  • ستاسو سره خبري وکړئ چې ایا تاسو ممکن کمیسیون ته شکایت وکړي یا دا چې قانون ستاسو په وضعیت کې څنګه پلي کیدی شي
  • تاسو ته د شکایت کولو د څرنګوالي په اړه مالومات درکوي، شکایت ته ځواب ووایی یا د مشخصوتبعیضي مسئلو سره معامله کول وي
  • بل سازمان ته مو راجع کوئ چي ممکن ستاسو سره مرستې وکړي شي.

لطفآ په یاد ولرئ چې NIS د قانوني مشورې چمتو کولو توان نلري.

تاسو کولي شئ د NIS سره له دې لارې اړیکه ونیسئ:

د ژباړنې او ترجمې خدمت

د ژباړنې او ترجمې خدمت (Translating and Interpreting Service (TIS National)) د هغو خلکو لپاره د ژباړنې خدمت دي چې په انګلیسي خبرې نه کوي. د TIS ملي خدمتونه تر ډیري برخي غیر انګلیسي ژبیو ته وړیا دي.

مشوره او د روانی روغتیا هوساینه

یو نوي 24/7 د ملاتړ خدمت په ځانګړي ډول د خلکو سره د مرستي لپاره د COVID-19 وبا په وخت ټولو استرالیایانو ته وړیا چمتو شوي دي.

د ملاتړ خدمت ته د ویبپاڼي https://coronavirus.beyondblue.org.au/ له لاری لاسرسی درلودلي شي

د شخصي بحران او رواني روغتیايي ملاتړي خدماتو لپاره تاسي کولي شئ Beyond Blue ته په 348 512 1800 او د Lifeline ته په 14 11 13 سره هر وخت کي اړیکه ونیسي.

د ماشومانو د مرسته کرښه د 5 کلني څخه تر 25 کلني پوري وړیا خدمت دي. کوچنیان، تنکئ ځوانان او ځوانان کولي شي په 800 551 1800 هر وخت ورته زنګ ووهي.