Ekála ókkol arde górwala ókkol

Honó neelaidiya ókkol nái

Estheíth arde terithóri hókumot or torfóttu neelaidiya óll óre ruká zaibou. Zomidar arde keriyadar ókkol óre boldiyazar muktosor thaim razinoma ókkol ór baabote hotá hoibélla.

Aró tofsil ókkol ollá tuáñr nizor esthéith yá terithóri hókumot loi cek goró.

Ritháiyar ókkol ólla homashom nisor reith ektiyar ókkol

Homashom waapesi zorurot ekón buniyadi pencén ólla ar ekku dhoilla mal ókkol óre 50% hom gorágiye 2019-20 arde 2020 amodoni bosór ókkol ot ahám gunári homaité modot goríbélla maali markét ót COVID-19 ababiaram or notiza uggwá hísafe.

Aró maalumat ollá, www.ato.gov.au/drawdown óre ziyarot goró.

JobKeeper Thiñyadiya

Hókúmot or JobKeerper Thiñyadiya accíl dé Korunaváires (KOVID-19) loi becí nuksani óiye dé hazharbar ókkol ólla ekkán toitta tuládiya.

Hókdar girós ókkol, ekéla códóor ókkol, ar oinn edara ókkol é hítárar soijja ókkol ólla JobKeeper thiñya faibar dorhás gorífaritó. Ham or girós ókkol óre hín fotti ek mac or akhérit ATO’r zoriya adai gorázaito.

ATO’r Business Portal ottú hazharbar ókkol é JobKeeper Thiñyadiya allá nam leká difaritó, zodi hítára ekéla códóor óitó myGov estemal gorí ATO onláin hédmot ókkol  ot mazé, yáto oggwá doftór goijjá théx yá BAS ején ór hañsé.

JobKeeper thiñyar babote maalumat ollá, eçé zoo www.ato.gov.au/JobKeeper.

JobMaker Soñori Rakár Kredhíth

JobMaker Soñori Rakár Kredhíth monsuba óiye dé hazharbar ókkol é 16-35 bosórjja juwan ham tuwoiya ókkol óre abará ham ot rakíbar ekkán boldiyar modot.

Hókdar girós ókkol é hítára ham ot rakéde fotti ekzon hókdar abará soijjar wasté JobMaker Hiring Credit thiñya ókkol óre 7 Okthubor 2020 adde 7 Okthubor 2021 or bútóre  lootfaibo.

www.ato.gov.au/jobmakerhiringcredit gólísoó aró maalumat ollá.

Nezám óre héfazot arde insáfola raká

Dúhabazi ókkol óre hóbóddar, ziín é tuñúi thiñya dibollá yáto tuñár zaati maalumat diyaibólla boli tuñáre bóñor dibar kucíc goré.

Dúhabaz ókkol é táitai biccáci tonzim ókkol ottu hói sónna dóre, zeén neki Australian Taxation Office (ATO). ATO or mamela gorá sóiyi né náki noó zodi tuñúi yekini noóile, juab nodiyó. ATO Dúhabazi Joldilain 1800 008 540 ré koól gorífaribá, yáto maalumat ollá gólísó www.ato.gov.au/scams.

Hókumot or thiañ diya arde hédmot óll

Hédmot óll Australía yé tuáñre thiañ foisá loi modot gorít fare tuñí Centrelink thiañ diya uggwá foóila loti  nofailé yó.  Tuáñrtu hédmot senthar uggwát zaibellá zoruri noó.  Tuñí añárar nizor-hedmot ektiyar ókkol estemal gorí faribá.  Tuñí yó sómaji hamgoróya uggwá loot fai faribá.  Zodi tuñí foóila lóti uggwá gaák ó, eçé añárar thiañ diya ókkol ólla añárar bodola ókkol asé ar korona váiras ólla bóuli hédmot óll.  Aró bóut zuban ókkol ór maalumat ollá servicesaustralia.gov.au/covid19 ot zoo.