Ekéla arde góro wala ókkol

Supar or sóore neelaidiya

Onláin ot laayeki ekéla ókkol é dorhás gorí faribóu myGov ór torfóttu tarár supar or agortú $10,000 loot faibellá  24 Séptembor 2020

Tuáñr supar oré sóore loot foon ot tuáñr supar mizan ot asór gorít fare ar tuáñr sámmor ritháyar amodoni ré asór gorít fare. Supar or joldi neelai diyar dorhás doon ot mazé foóila maali mocuwarar or baabote gour goró.

Supar or sóore neelaidiyar baabote tuwai lo www.ato.gov.au/early-access  ot, yá ATO loi hotá hoibélla tuáñr zuban ot, Torjuma arde Hotá báñgidouya Hédmot (TIS Koumi) 13 14 50 ot.

Honó neelaidiya ókkol nái

Estheíth arde terithóri hókumot or torfóttu neelaidiya óll óre ruká zaibou. Zomidar arde keriyadar ókkol óre boldiyazar muktosor thaim razinoma ókkol ór baabote hotá hoibélla.
 Aró tofsil ókkol ollá tuáñr nizor esthéith yá terithóri hókumot loi cek goró.

Ritháiyar ókkol ólla homashom nisor reith ektiyar ókkol

Homashom waapesi zorurot ekón buniyadi pencén ólla ar ekku dhoilla mal ókkol óre 50% hom gorágiye 2019-20 arde 2020 amodoni bosór ókkol ot ahám gunári homaité modot goríbélla maali markét ót COVID-19 ababiaram or notiza uggwá hísafe.

Aró maalumat ollá, www.ato.gov.au/drawdown óre ziyarot goró.

Jóbkípar Thiañdiya

Jóbkípar thiañ diya ye hasharbar oré bála modot goijjé ziyán COVID-19 loi asór goijjé tarár hamgoroyar hóssa ókkol modot gorí yóre, taáke bicí Autraliar maincé tarár ham rakí faijjé ar lagatar amodoni rakí farer.   

Tuáñr girós é tuáñre zanai dibou zodi tará Jóbkípar dui háfta diyallá dabi goré erada goré tuáñr torfóttu.

Aró maalumat ollá,  www.ato.gov.au/jobkeeper óre ziyarot goró.

Nezám óre héfazot arde borabor raká

Éçe COVID-19 dúkat ahám izafá ar Australíar maincóre nicána banar dé oinno dúka ókkol ói aiccé. Zodi tuáñre dúka douya uggwá yé taaluk goré yá emeil, SMS yá fún koól ór baabote cók táke, añárar loi foóila cek goró.

Zodi tuáñrtu honó din ekin nuaiyé ATO uggwár hotá báttara hákiki né noó, juab nodiyó.   ATO Dúka Hóthláin ot koól goró 1800 008 540 ót yá ziyarot goró www.ato.gov.au/scams ót.

Zodi honíkka yé tuáñr sinno ré sur gorífélaiye yé golot estemal goijjé, añára tuáñre modot goijjóum. Añára maalumat, mocuwara arde modot di tarár téx sinno ókkol óre dunara kaayem goitté modot goríbélla.

Tuñí yó añárare zano www.ato.gov.au/tipoff ot zodi tuñí ekála maásús goró yá hasharbar sóiyi ham nogorér.

Hókumot or thiañ diya arde hédmot óll

Hédmot óll Australía yé tuáñre thiañ foisá loi modot gorít fare tuñí Centrelink thiañ diya uggwá foóila loti  nofailé yó.  Tuáñrtu hédmot senthar uggwát zaibellá zoruri noó.  Tuñí añárar nizor-hedmot ektiyar ókkol estemal gorí faribá.  Tuñí yó sómaji hamgoróya uggwá loot fai faribá.  Zodi tuñí foóila lóti uggwá gaák ó, eçé añárar thiañ diya ókkol ólla añárar bodola ókkol asé ar korona váiras ólla bóuli hédmot óll.  Aró bóut zuban ókkol ór maalumat ollá servicesaustralia.gov.au/covid19 ot zoo.