Ekéla arde góro wala ókkol

Pencén óre sóñore niyola

Hókdar ekéla ókkol adde hókdar toitta tákóiya ókkol é myGov or zoriya onláin dorhás gorífaribó 1 Julair 2020 or age hítárar pencén ór $10,000 fujjonto lootfaibollá. 

1 Julai 2020 loti 24 Sépthembor 2020 fujjonto, ekéla manúic ókkol é aró $10,000 lootfaitfare. 

Tuñár supar oré sóñore lootfaa ye tuñár supar zoma thiñyat mazé asór félaibó ar óitfare tuñár ainda pencén or hamanit nuksani goríbó. Supar oré soñóre súraibollá dorhás gorár age foicáhorír babote mowara saibollá báfí soó. 

Supar oré soñóre súráibar babote www.ato.gov.au/coronavirus ot aró maalumat faiba, yáto zodi ATO loi tuñár zuban ot hotá hoibólla sailé, Torjoma adde Buzáidoiyar Hédmot (TIS National) oré on 13 14 50 ot koól goró. 

Be-dohóli nái 

Raizzo adde elakar hókúmot ókkol é só mac ólla be-dohóli gorídiya ókkol óre tíyagorái rakíbo. Zomidar ókkol adde kerayadar ókkol óre hímmot diyazar baçí thaim ettefak ókkol goríbólla. Aró maalumat ollá tuñár loi bazá asédé raizzo yáto elakar hókúmot ot cek gorí soó. 

Pencén loiya ókkol ólla homazhom thiñya súrár maf or súurot ókkol 

KOVID-19 ababearam or ekkán notija híssafe foicáhorír bazar ókkol ót becí boro nuksani ókkol óre homaité modot goríbólla boli 2019-20 adde 2020-21 amodonir bosór ókkol ólla ekóun buniyadi pencén ókkol adde hé kisím or toiyari ókkol ór homazhom wafes niyolar zoruriyat oré 50 parcén fujjonto homa giyé. 

Aró beec maalumat ollá gólisoó www.ato.gov.au/drawdown 

Nezám óre héfázot ar insáf ola raká 

Australian ókkol óre KOVID-19 adde zaliyoti ókkol loi nicána bana becá becí barí giyégói. Zodi tuñáre ekzon dúha doiya ye talluk goijjé fáan lagiyé yáto honó eméil, SMS yáto koól or babote tuñáttu andacá lagilé, foóilá cúrut añárár hañsé cek gorí soó. 

Aró beec maalumat ollá gólisoó www.ato.gov.au/scams

Tuñár házána yáto supar or maalumat óre honó kiyé sur goijjé yáto tuñár ejazot sárá estemal goijjé fáan lagilé, tuñáttu: 

  • Tuñár myGov ekóun óre cek goróonsá zodí asédé óile, ar tuñár tofsil ókkol sóiyi asé dé hían óre fakka goróonsá 
  • Tuñár házána foriso ré héfázot goríte tuñár modot goríbólla Client Identity Support Centre oré 1800 467 033 ot talluk goró. 

Honó manúic yáto hazharbar e sóiyi ham nogorér fáan lagilé, tuñúi añáráré zanai difaribá eçé: www.ato.gov.au/tipoff. 

Hókúmóti Tiñya Diya Ókkol adde Hémdot Ókkol

Services Australia ye tuñáre foicáhorir modot gorár kabel óitfare, tuñúi Centrelink thiñya fai noózogói dé óilé údda. Hédmoti morkoz ot tuñáttu zaa noforibó. Zar hédmot te gorár súurot ókkol tuñúi estemal gorífaribá. Tuñúi ekzon gáak boinna asóodé óile, thiñya diya ókkol adde hédmot ókkol ót mazé korunaváires (KOVID-19) ór zoriya tobdili ókkol óiye. Boút zuban ókkol ót aró maalumat olla gólísoó eçé: servicesaustralia.gov.au/covid19