Hazharbar ókkol ólla 

JobKeeper Thiañdiya  

Hókumot or JobKeeper Thiañdiya accíl dé uggwá tooitta thiañdiya hazharbar ókkol ólla zeçé ahám asór goijjé COVID-19 ór dueara.

Laayeki hamola ókkol, ekí taajer ókkol ar oinno entiti ókkol é dorhás gorífaritó JobKeeper thiañdiya óokol gosí faibellá tarár laayeki hamola ókkol ólla. Yián óre girós ór hañsé diya zaito derigorí fottí mac ót ATO'r zoriya.

Hazharbar ókkol é JobKeeper Thiañdiya enróul gorífaritó ATO'r torfóttu  Business Portal, ót ATO online services myGov estemal gorí zodi hítára ekí taajer ó, yá uggwá rejisthar goijjá tex ór torfóttu óile yá BAS ején óttu.

JobKeeper thiñya ókkol ór maalumat ollá www.ato.gov.au/JobKeeper ot zoo.

Nogot thiñya sola fakka gorá bill ókkol arde mozzuri ókkol dibellá 

Laayeki hazharbar arde fáaidalla-noó-de (NFP) tonzim ókkol ziyán é soñijja raké tará $20,000 ottú $100,000 gosí faibou nogot sola tez muth hísafe tarár ek-maccyá adde tin-maccyá hórkot or boyanama ókkol Marec 2020 loti Sépthembor 2020 fujjonto tulí diyoré. 

Aró tuai lo: 

Cíkouya ókkol arde cíkka louya ókkol  

Hókumot e Australíar mahéri hamfóus ór zari goijjá torki ókkol ólla hémayot gorér ar laayeki hazharbar oré modot gorér cíkoya ókkol arde cíkkalouya ókkol óre dóri rakíbélla rakíbélla 50 fís mozzuri báñgidi diyóre $21,000 foijjonto.  

Aró tuai lo: 

Baikka arde Horzo óll 

Uggwá noya Korona váiras SNE Geranthi Eskím ór maáni óilde tuñí mozíd udár ókkol híssa loiyar udár douyar torfóttu loot fait faribá aiyérde mac ókkol ót hémayot goríbélla.  

Hókumot e 50 fís geránthi uggwá dibou SME krosdouya ókkol ólla noya gair héfazoti udár ólla hamor kepithel ollá estemal gorá zaibellá.  

Hókumot e yó maf uggwá der udáijja zimma ókkol ór torfóttu udár douya ókkol ólla zeçé baikka der moujud aséde gura hazharbar gaák ókkol ólla.  

Mafdiya yián só mác ólla ar honó kredít ólla lagaza hazharbar or moksót ókkol ólla, éçe noya kredit, krédit hót bará ókkol arde kredit lorasora ókkol arde dubara bodola ókkol cámil asé. 

Elaka ókkol arde sekthar ókkol óre hémayot gorá 

Hókumot e $1 bilion séth gorí raikké komunithi ókkol, zaga ókkol arde harhána ókkol óre modot gorí bélla sóbse ahám gorí Korona váiras fóila asór goijjéde yían ólla.  Fánd iín fóilar cómot faa zaibou rikábari loi modot goitté modot gorí bélla.  Yíar baade yó, Hókumot e añárar éiyar lain harhána ré modot gorér $715 milión foijjonto pékeij uggwár torfóttu.

Hazharbar ókkol óre boldibollá JobMaker Plan toitta todbir ókkol

Korunaváires wobabearam (KOVID-19) ór asór óttú hazharbar ókkol óre modot goríbólla, Hókúmot é hoekkán todbir ókkol óre haz ot anér.

Ei todbir ókkol óiye dé théx ot reayot gorá ókkol, homaidiya ókkol, ar théx or thaim ot cómbótti ókkol hóossa gorá ókkol óre dabi gorá loi talluk raké. Iín é 2020–21 adde 2021–22 maali bosór ókkol ót KOVID-19 or ektesadi nuksani ókkol ót hazharbar ókkol óre bol dibo.

Todbir ókkol iín ót cáamel asé:

  • JobMaker Soori Rakár Kredhíth
  • Furafui toitta hóssa ókkol
  • Gunáani wafes aná
  • Hazharbar ot arang lagar fisáli táká – baráiya hóossá dórá
  • Cómótti joldi homai dórá
  • Gura hazharbari edara ókkol baróon