සෞඛ්‍යය

සෞඛ්‍යය තොරතුරු

ඔබට හුස්ම ගැනීමේ අපහසුව වැනි දරුණු රෝග ලක්‍ෂණ ඇතිනම්, හදිසි වෛද්‍ය උපකාර සඳහා කරුණාකර දුරකථන අංක 000 අමතන්න.

කොරෝනා වයිරස් රෝග ලක්‍ෂණ අතර පහත දේ ඇතඃ

  • උණ
  • කැස්ස
  • උගුරේ ආසාදන
  • හුස්ම කෙටිවීම.

වෙනත් රෝග ලක්‍ෂණ අතර, නාසයෙන් සොටු ගැලීම, හිසරදය, මාංශ පේශි හෝ හන්දිපත් රුදාව, ඔක්කාරය, පාචනය, වමනය, ගඳ සුවඳ දැනීම අඩුවීම, රස දැනීමේ වෙනසක්, කෑම අරුචිය සහ විඩාව ඇත.

ඔබට අසනීප නම් සහ ඔබට කොරෝනා වයිරස් වැළඳී ඇති බව සිතයි නම්, වෛද්‍ය උපකාර ලබා ගන්න.

වැඩිදුර විස්තර සඳහා දුරකථන අංක 1800 020 080 ඔස්සේ ජාතික කොරෝනා වයිරස් උපකාර මාර්ගය අමතන්න. ඔබට ඔබගේ භාෂාවෙන් භාෂා පරිවර්තකයෙකුගේ සහාය අවශ්‍ය නම්, කරුණාකර දුරකථන අංක 131 450 අමතන්න.

ඔබ හට ආරක්‍ෂාකාරීව සහ ප්‍රජාවට අවම අවදානම ඇතිවන ආකාරයට සිටීම සඳහා සෞඛ්‍යය දෙපාර්තමේන්තුවේ වෙබ් අඩවිය සතුව ඉංග්‍රීසි  හැර වෙනත් භාෂාවලින් තොරතුරු රාශියක් ඇත.

භාෂාවලින් වැඩිදුර විස්තර  www.sbs.com.au/language/coronavirus වෙබ් අඩවිය වෙත පිවිසීමෙන්ද ලබාගත හැකිය

කෝවිඩ්-19 පරීක්ෂාව සහ ප්රතිකාර 

ඔබට වීසා බලපත්‍රයක් නැති වුවද, නැතිනම් ඔබගේ වීසා තත්වය සම්බන්ධයෙන් අවිනිශ්චිත වුවද, ඔබ විසින් මහජන සෞඛ්‍යය විධානයන් අනුගමනය කල යුතුය. ඔබ අසනීපයෙන් සිටීනම් සහ රෝග ලක්‍ෂණ ඇතිනම්, ඒවා කොතරම් සුළු වුවද, ඔබ විසින් වෛද්‍ය උපකාර ලබාගෙන, කෝවිඩ්-19 සඳහා පරීක්‍ෂා කරවා ගත යුතුය.

ඔබ ආසන්නයේම ඇති කෝවිඩ්-19 ශ්වසන සායන සොයා ගන්න.

ආරක්‍ෂාකාරීව සිටින්න

  • සැමවිටම යහපත් සනීපාරක්‍ෂක ක්‍රම අනුගමනය කරන්න, ඔබගේ අත්, සබන් සහ ජලය භාවිතා කර තත්පර 20 ක් සෝදා ගන්න, ඔබගේ ඇස්, නාසය සහ මුව ඇල්ලීමෙන් වළකින්න.
  • ඔබගේ නිවසින් බැහැරව සිටින විට, අවම වශයෙන් මීටර් 1.5 ක සමාජ දුරස්ථභාවයක් පවත්වා ගන්න.
  • අතට අත දීම, සිප වැළඳ ගැනීම සහ හාදු දීම වැනි ශාරීරිකව කරන පිළිගැනීම්වලින් වළකින්න
  • ඔබ පොදු ප්‍රවාහනය භාවිතා කරයි නම්, අමතරව ප්‍රවේශම් වන්න
  • සෙනඟ සහ විශාල ජන කණ්ඩායම් මඟ හරින්න
  • හොඳින් දැනුවත්ව සිටින්න - විශ්වසනීය නිල තොරතුරු පමණක් භාවිතා කරන්න. කොරෝනා වයිරස් ඕස්ට්‍රේලියා ජංගම දුරකථන ඇප් එක ලබා ගන්න, කොරෝනා වයිරස් ඕස්ට්‍රේලියා වට්ස්ඇප් සේවාවට අනුසන් කරන්න, එසේම නවතම තොරතුරු සඳහා www.australia.gov.au වෙබ් අඩවිය වෙත පිවිසෙන්න.

වයසින් වැඩි අය සඳහාවූ කෝවිඩ්-19 උපකාරක දුරකථන මාර්ගය

වයසින් වැඩි කෝවිඩ්-19 උපකාරක දුරකථන මාර්ගය මගින් වයසින් වැඩි ඕස්ට්‍රේලියානු පුරවැසියන්ව දැනුවත් කිරීම, ඔවුනට උපකාර කිරීම සහ ඔවුන්ව සම්බන්ධ කර තැබීම සිදු කෙරේ.

සමහර වයසින් වැඩි අය කෝවිඩ්-19 රෝගයට ගොදුරු විය හැකි නමුදු ඉන්ටර්නෙට් හා අඩු සම්බන්ධතාවයක් ඇති අතර සිය තත්වයන්ට අනුව තොරතුරුවලට ප්‍රවේශවීමට වෙනත් ආකාර අවශ්‍යවේ. වයසින් වැඩි කෝවිඩ්-19 උපකාරක දුරකථන මාර්ගය මගින් තොරතුරු සහ උපකාර ලබාදේ.

වයසින් වැඩි ඕස්ට්‍රේලියානුවන්, ඔවුන්ගේ පවුල්, මිතුරන් සහ ඔවුන්ව රැකබලා ගන්නා අය විසින් පහත අවස්ථාවල දුරකථන අංක 1800 171 866  වෙත නොමිළේ කථා කල හැකියඃ

  • කෝවිඩ්-19 සීමාවන් සහ ඒවා ඔවුනට බලපාන ආකාරය සම්බන්ධයෙන් යම්කිසි අයෙකු සමඟ කථා කිරීමට අවශ්‍ය නම්
  • තනිකම දැනෙන්නේ නම් හෝ තමාට හිතවත් අයෙකු සම්බන්ධයෙන් කනස්සල්ලෙන් සිටීනම්
  • යම් අයෙකුව රැකබලා ගන්නේ නම් සහ යම් තොරතුරක් අවශ්‍ය නම් හෝ යම් අයෙකුට කථා කිරීමට අවශ්‍ය නම්
  • ඔවුනට ලැබෙන වයෝවෘද්ධ සේවා වෙනස් කර ගැනීම සම්බන්ධ උපකාර හෝ උපදෙස්
  • නව රැකවරණ සේවා ලබා ගැනීම හෝ අත්‍යාවශ්‍ය සැපයුම් සඳහා සාප්පු යාම වැනි උපකාර අවශ්‍යවීම
  • ඩිමෙන්ෂියා ඇති අයෙකු තමා ගැන, හෝ එවැනි අයෙකුගේ මිතුරෙකු හෝ එකට ජීවත්වන පවුලේ අයෙකු හට කනස්සල්ලක් ඇතිවිට
  • තමා හෝ වෙනත් අයෙකු සම්බන්ධයෙන් වරක් පමණක් හෝ නිතිපතා සිදු කරන සුබසිද්ධිය සම්බන්ධ සොයා බැලීමක් පිළියෙල කර ගැනීමට අවශ්‍යවීම.

වයසින් වැඩි ඕස්ට්‍රේලියානු පුරවැසියන්, ඔවුන්ගේ නෑයන්, රැකවරණකරුවන්, මිතුරන් හෝ උපකාර කරන අය හට අවශ්‍ය කිසියම් තොරතුරක් හෝ සේවා ලබා ගැනීමට අවශ්‍යනම්, සතියේ දිනවල පෙ.ව. 8.30 සිට ප.ව. 6 දක්වා දුරකථන අංක  1800 171 866  ඇමතිය හැකිය.

තොරතුරු පත්‍රිකාව