Faʻamatalaga le saʻo ma faʻamatalaga moni e uiga i le Coronavirus (COVID-19)

COVID-19 fa’amatalaga o tui

SESE: O COVID-19 tui e le saogalemu ma na i ai a’afiaga ogaoga i tagata na tuiina i atunu’u mamao.

MONI: Na fa’atagaina e le Therapeutic Goods Administration tui mo le fa’aaogaina i Ausetalia. O tui uma ua fa’ata’ita’ia atoatoa ma le fa’aetete mo le saogalemu ae le’i fa’atagaina mo le fa’aaogaina i Ausetalia. E aofia ai i lenei su’esu’ega ma le fa’aetete o fa’amatalaga o fa’ata’ita’iga fa’afoma’i, mea e gaosi ai, vaila’au, gaosiga ma isi elemeni fa’aaogaina. O fa’amatalaga i le COVID-19 tui e mafai ona maua i luga o le TGA ‘upega tafa’ilagi i le https://www.tga.gov.au/covid-19-vaccines.

Ia fa’aopopo i le su’esu’eina o numera o aofa’iga o COVID-19 tui, o le Therapeutic Goods Administration e va’ava’aia tui mo le saogalemu ina ua mae’a ona sapalaiina atu i Ausetalia. O le Malo Ausetalia latou te va’ava’aia ma le fa’aeteete foi polokalama o tui i atunu’u i fafo, e aofia ai UK, Siamani ma Norway. Tutu fa’atasi, o lenei fa’amatalaga o le a fesoasoani ia fa’amautinoa ai le maua e Ausetalia o COVID-19 tui saogalemu ma aoga lelei.

Afai e te lagona ua e a’afia i se tulaga ogaoga mai le tui, saili se fesoasoani mai se ofisa o le soifua maloloina ma lipoti atu i le TGA (1300 134 237).

SESE: To’atele tagata o le a maliliu mai tulaga ogaoga o le tui nai lo le COVID-19 lava ia.

MONI: O so’o se tui lava e mafai ona maua ai nai a’afiaga. O le a’afiaga autu lava mai tui o le tiga, mumu pe fula le mea na tuiina, se ulu tiga pe o sina fiva ma le lē lava. O le tele o ia tulaga e mafai ona fo’ia i sina fula’au e fa’ate’a ai le tiga ma e le mafua ai se fefe.

Le Therapeutic Goods Administration – Ausetalia fa’atonutonu vaila’au – o le a le fa’amaoniaina se tui e le saogalemu ma aoga lelei. O se tasi o mea e va’ava’ai ma toto’a i ai o a’afiaga ogaoga.

Ua i ai i Ausetalia se tasi o auala o fa’atinoga sili lona fa’amaoniaga i le lalolagi ma o so’o se vaila’au e ono mafua ai a’afiaga le talafeagai e le fa’atagaina i le atunu’u. O le galuega a le TGA e le gata i le fa’amaoniaina. Latou te va’ava’aia ma le toto’a foi i fa’amatalaga o lo’o sau mai atunu’u mamao ma le fa’agasologa iinei. E leai se mea e tu’uavanoa i ai.

Afai e te lagona se a’afiaga mai se tui, saili se fesoasoani mai se ofisa soifua maloloina ma lipoti i le TGA (1300 134 237).

SESE: O lo’o fa’aaoga e le Malo fa’agasolo o tui o se ufiufi e ao mai ai/toe fa’atulaga lou DNA.

MONI: O tui e tuiina i lou tino, latou te le ave’eseina se mea mai lou tino ma latou te le toe fa’atulagaina lou DNA. O nisi o tui fou o le COVID-19 e fa’aaoga se vaega o Messenger RNA (mRNA) e fa’atonu lou tino e faia se tete’e atu fa’asaga i le COVID-19. E le faia e le mRNA se mea i lou DNA.

SESE: O le siama e suia vave e le aoga ai le tui.

MONI: O siama uma e suia. O le tulaga masani o auala fa’anatura o le atia’eina ma e le ‘ese mai ai le COVID-19. Fa’avae i luga o fa’amaoniga, o COVID-19 tui o le a aoga lelei pea fa’asaga i suiga fou.

O lona uiga e ono mana’omia pea e tagata tui lagolago pe mana’omia e toe faia tui – pei mo le fulu. O tui ua fa’atagaina nei e fa’aaoga i Ausetalia ua fa’aalia le aoga lelei i le puipuia o ma’i ogaoga mai le COVID-19.

SESE: O tagata na maua i le COVID-19 ma toe fo’i i le malosi e le mana’omia ona faia tui.

MONI: O le puipuia o se tasi na maua mai le COVID-19 e ’ese’ese lava mai lea tagata i lea tagata. Talu ai o le siama e fou, matou te le iloa pe o le a le umi e aoga ai le tete’e atu lava e le tino ia. Tusa pe na e maua i le COVID-19, e tatau lava ona e faia le COVID-19 tui i  le taimi e mafai ai.

SESE: O le COVID-19 tui e aofia ai software/microchips fa’aaogaina mo va’ava’iga.

MONI: E leai se COVID-19 tui e aofia ai software pe o microchips.

Isi COVID-19 fa’amatalaga sese

SESE: O tamaiti e ‘matua fa’asalalauina’ le COVID-19

MONI: A’o lauiloaina o tamaiti o le ‘matua fa’asalalauina’ o siama ma manu nini’i fa’alaua’itele, e pei o le influenza, o le fa’amaoniga mai nei na fa’ailoa ai e le masani ai ona pipisi atu mai lea tamaititi i lea tamaititi. Fa’amaonia atili, e leai se fa’amaumauga i so’o se mea o le lalolagi o fa’aalia ai o le fa’asalalauina fa’ateleina o lenei siama na maua mai tamaiti laiti. Ae ui ina ono mafai, o fa’amaoniga lata mai ua fa’ailoa ai o tamaiti e le matua fa’asalalauina le siama e mafua ai le COVID-19.

SESE: E le o lava masini fa’afoma’i ma sapalai a Ausetalia (ventilators, ufimata, masini e fai ai su’ega)

MONI: Na matua ausia lelei e Ausetalia le fa’amafolafolaina o le pi’o, o lona uiga ua tatou ‘alo’ese mai le fa’ateleina o le mamafa i luga o a tatou falema’i.

Ua tele a tatou mea e puipuia ai tatou i totonu o Ausetalia, ma le tele o lo’o gaosia i Ausetalia ma tiliva atu i Ausetalia i taimi uma. Mo le fa’ata’ita’iga, o le National Medical Stockpile e tumau pea le fa’ateleina ma na okaina sili atu ma le afa piliona ufimata mo le tilivaina fa’asolosolo i le tausaga atoa lenei 2021.

O le Komiti Faufautua i le Malo Ausetalia, aofia ai le Communicable Diseases Network Australia ma le Public Health Laboratory Network, e fono i taimi uma e toe iloilo ia ta’iala o  COVID-19 mana’oga o su’ega, ia fa’amautinoa ai o su’ega mana’omia lelei e faia e lagolago ai le tali atu a la tatou ofisa soifua maloloina i le COVID-19 fa’ama’i.

SESE: O falemaʻi a Ausetalia e le mafai ona gafatia le faʻateleina o manaʻoga ona o le COVID-19

MONI: O Ausetalia ua matua alualu i luma i le faʻamafolafolaina o le piʻo, o lona uiga ua tatou ʻaloʻese mai le faʻateleina o le mamafa i luga o a tatou falemaʻi. O Ausetalia o loʻo i ai le faʻalapotopotoga o le soifua maloloina sili atu i le lalolagi atoa ua lelei ona faʻatulagaina e faʻafetaui ai manaʻoga faʻaopopo i le taimi o le faʻamaʻi o le COVID-19 pe a manaʻomia. E aofia ai le mafai gafatia ona faʻaopopo moega i le falemaʻi, mea faigaluega faʻafomaʻi, sapalai, ma le aufaigaluega faʻafomaʻi e ala i le faiga faʻapaʻaga i le va o le Malo Ausetalia, malo setete ma teritori ma le vaega tumaʻoti o le soifua maloloina.

SESE: O le lokaina mo le lua vaiaso o le a taofia ai le salalau o le COVID-19

MONI: O le tuʻuina atu o sa ma vavao mo le lua pe tolu vaiaso ma toe siʻitia ma toe foʻi i o tatou olaga masani o le a le taofia ai le salalau o le COVID-19.

O le toʻatele o tagata e maua i le COVID-19 e naʻo nai faʻailoga pe leai foi ni faʻailoga. O le lamatiaga o le na o le lua-vaiaso lokaina o lona uiga o tagata e le i ai ni faʻailoga o le COVID-19 e ono faʻailoa atu ae le iloa ma aʻafia ai isi tagata i le siama pe a tatalaina mea uma pe a maeʻa le lokaina.

O le auala sili e fesoasoani ai e faʻatelegese le salalau o le COVID-19 o le faʻataʻitaʻi lea o le tumama lelei i le fufuluina o lima ma le mama o le manava, tausisi i le nofo vavamamao mai isi, nofo i le fale ma fai le suʻega pe a e lagona le le malosi lelei, ma fai se ufimata pe a fai o loʻo e i totonu o se nofoaga o fesoʻotaʻiga ma alaalafaga ma e le mafai ona e nofo vavamamao mai isi.

O le a faʻaauau pea ona mataʻituina e le au atamamai o le soifua maloloina le numera o maʻi fou i aso taʻitasi i Ausetalia ma nofoaga o loʻo tupu ai. O le a latou faia ni fautuaga e faʻavae i luga o faʻamaoniga maumaututu mo ni tulafono fou poʻo ni tapulaʻa e ono manaʻomia ona faia. E tatau i tagata uma ona nofo silafia ma iloa aiaiga lata mai o lenei faʻamaʻi e ala i le asiasi i le www.australia.gov.au.

SESE: O le faia o suʻega a tagata uma o le a taofia ai le salalau o le coronavirus

MONI: O le faia o le suʻega e le taofia ai le salalau o le siama.

O se tasi o poutu taua i le puipuia ma le faʻatonutonuina o le COVID-19 e faia tonu i le taimi, faʻapitoa i le faʻaaogaina ma faʻamaonia lelei suʻesuʻega o le faʻailoaina. O suʻega amata mo le faʻailoaina e taua tele i le faʻamautinoaina o aʻafiaga o le faʻamaʻi, faʻalauiloaina o mataupu ma faʻafesoʻotaʻiga ma pulega, ma iʻu ai i le faʻaititia o le faʻasalalauina o le siama.

Ae ui i lea, afai na suʻeina oe ma iloa e te le ʻo maʻi i le COVID-19, o le a le avea lena ma ala o le a le lamatia ai oe, poʻo nisi foʻi. E mafai ona e fai le suʻega ma e te le o maua i le COVID-19 pe a maeʻa ona e aʻafia i le SARS-CoV-2 (o le siama e mafua ai le COVID-19) ae e te leʻi amataina ni faʻailoga. O le mafuaʻaga lena e taua ai tele le faʻataʻitaʻi o le tumama lelei ma le nofo vavamamao mai isi, ma nofo i le fale pe a lagona le le malosi atoʻatoa. O nei gaioiga, faʻatasi ai ma le faia o suʻega, o loʻo fesoasoani e puipuia le faʻasalalauina o le COVID-19 ma isi faʻamaʻi pipisi, e faʻaititia ai le faʻateleina o tulaga manaʻomia i luga o le soifua maloloina a Ausetalia.

O le alualu i luma o le faʻatautaia lelei o le soifua maloloina lautele o le faʻateleina o numera aʻafia ma osofaʻiga mai faʻamaʻi i totonu o se itulagi e manaʻomia le faʻatautaia lelei o suʻega e maua ai le paleni saʻo i le va o le faʻamautuina o le faʻatonutonuina o faʻamaʻi ma le puipuia o le gafataulimaina o fale suʻesuʻe ma nofoaga e fai ai suʻega i tulaga gafatia.

O le faʻasalalau faʻalauaʻiteleina o suʻega o tagata Ausetalia e le ʻo i ai ni faʻailoga (asymptomatic) e matua le fautuaina. O lenei auala o le faia o suʻega e le o se suʻesuʻega lelei pe o se tulaga e faʻalelei ai le tau e faʻailoa ai faʻamaʻi pepesi. O le Malo Ausetalia e amanaʻiaina le ono i ai se matafaioi mo suʻega o tagata e leai ni faʻailoga i vaega faʻapitoa mo le faʻatonutonuina o faʻamaʻi ma le vaʻavaʻaia o mafuaʻaga. O nei vaega faʻapitoa e aofia ai nofoaga o osofaʻiga pepesi, le faitau aofaʻi o tagata e maualuga atu aʻafiaga o le feaveaʻi i nofoaga maualalalo, o le faitau aofaʻi o tagata e sili atu le ono aʻafia, ma i latou o loʻo i ai i tulaga sili ona maualuga le aʻafia ma o loʻo lamatia mai faʻamaʻi ogaoga pe a aʻafia.

O loʻo faʻaauau pea le fautuaina e le Malo o Ausetalia auala e faia ai suʻega, e aofia ai ma polokalame e suʻe ai fale faigaluega mo tagata e leai ni faʻailoga, ia atiaʻe i feutanaʻiga ma pulega talafeagai o le soifua maloloina lautele ma faʻatonu o fale suʻesuʻe. O le mea lea ia mautinoa ai o loʻo faʻaaogaina auala talafeagai ma aoga. Mo nisi faʻamatalaga e uiga i le tulaga o le Malo Ausetalia e tusa i suʻega faʻalauaʻitele o tagata e leai ni faʻailoga, faʻamolemole vaʻai i le Matagaluega o le Soifua Maloloina ʻupega tafaʻilagi.

SESE: Pusa o suʻega e le saʻo

MONI: I Ausetalia, o le COVID-19 suʻega e matua saʻo lava. O metotia uma e faʻaaogaina i suʻega i Ausetalia ua maeʻa ona faʻamaonia lelei. O loʻo faʻaauau pea ona vaʻavaʻaia lelei e le Therapeutic Goods Administration (TGA) ma e ala i le faʻamalosia o le auai i polokalame lelei ua atiaʻe faʻapitoa mo le SARS-CoV-2 (o le siama e mafua ai le COVID-19).

I Ausetalia, o le fale suʻesuʻe e faʻavae i le polymerase chain reaction (PCR) o le suʻega faʻaauro na faʻaaogaina e suʻesuʻe ai siama ogaoga o le SARS-CoV-2 inifeti i lou tino, ma manaʻomia ai le aoina o se sipesimeni o le manava e faʻatautaia ai le suʻega. O suʻega PCR e maʻaleʻale tele ma maitauina ai ia tamaʻi vaega ia e faʻapitoa i le SARS-CoV-2 i se sipesimeni o le manava.

Soʻo se suʻega faʻatekinolosi fou i Ausetalia e manaʻomia suʻesuʻega ma le faʻaeteete e le TGA e mautinoa ai le tulaga lelei ma le faʻatuatuaina o iʻuga ma mafai ai ona faʻatulafonoina sapalai. Mo faʻamatalaga lata mai o loʻo aofia ai suʻega COVID-19 i luga o le Australia Register of Therapeutic Goods, faʻamolemole asiasi i le TGA ʻupega tafaʻilagi i le: www.tga.gov.au/covid-19-test-kits-included-artg-legal-supply-australia.

SESE: Coronavirus o se mea pepelo

MONI: O le COVID-19 e mafua mai i le coronavirus (SARS-CoV-2), o se vaega o se aiga tele o siama e mafai ona oʻo atu ai i aʻafiaga o le manava i tagata uma ma manu. O nei faʻamaʻi e mafai ona amata mai i le fulu masani e oʻo atu lava i isi maʻi tuga. O le COVID-19 e salalau i le va o tagata e ala i mataua toʻulu ma ala atu i luga o fola palapala.

I Ausetalia, o le Victorian Infectious Diseases Reference Laboratory (VIDRL) i le Peter Doherty Institute for Infection and Immunity, o le fale suʻesuʻe muamua i fafo atu o Saina na vavaeʻeseina le SARS-CoV-2. VIDRL na tufatufaina lenei siama faʻapitoa ma isi fale suʻesuʻe Ausetalia, le World Health Organization ma isi atunuʻu, ina ia mafai ai le atinaʻeina, faʻamaoniaina ma faʻamautu le faʻamaonia o suʻesuʻega faʻailoa mo le COVID-19.

Ua laki Ausetalia e lagolagoina e se fesoʻotaʻiga o tomai lautele ma falesuʻesuʻe tumaʻoti e i ai le avanoa mafai ma agavaʻa talafeagai e iloa ai ma faʻamaonia le SARS-CoV-2. O le agavaʻa o nei fale suʻesuʻe i le faʻateleina o le mafai gafatia o suʻesuʻega ua taua tele i le manuia o Ausetalia i le faʻamafolafolaina o le piʻo ma ʻaloʻese ai mai le ogaoga o faʻamaʻi pipisi na vaaia i isi atunuʻu. O faʻamatalaga i le numera o tagata e maua i le COVID-19 ma le aofaʻi o tagata maliliu mai le faʻamaʻi ua aoina i Ausetalia ma le lalolagi atoa. O faʻamatalaga e lomia faʻasalalau i aso uma e le Matagaluega o le Soifua Maloloina a Ausetalia.

SESE: O ufimata e leai se aoga ma / pe e le sefe.

MONI: O ufimata, pe a faʻaaogaina ma isi puipuiga e pei o le tumama lelei, nofo vavamamao mai isi, ma le nofo i le fale ma faia le suʻega pe a le malosi lelei, e fesoasoani e faʻatelegese ai le salalau o le COVID-19.

Pei o le tele o siama o le manava, SARS-CoV-2 (o le siama e mafua ai le COVID-19) e tele ina faʻasosolo e siama-o loʻo i ai ni mataua, lea e gaosia pe a tautala se tagata ua aʻafia, tale pe mafatua. O le faʻasalalau e mafai foi ona tupu e ala i luga o fola palapala. E mafai ona faʻaaoga se ufimata e se tagata e i ai le inifeti pipisi o le manava, e aofia ai ma le COVID-19, pe i ai pe leai foi ni faʻailoga, e puipuia ai isi e ala i le faʻaititia o le sosolo o mataua inifeti o le manava. O ufimata e faʻaaogaina e le aufaigaluega soifua maloloina ma le au tausi maʻi e puipuia ai latou pe a le mafai ona latou tausia le nofo vavamamao mai se tagata ua maua i le inifeti o le manava, e aofia ai le COVID-19.

O le faʻaaogaina o se ufimata e naʻo se sitepu e tasi i le faʻagesegese o le salalau o le COVID-19 ma e le o se mea e suitulaga mo isi lapataʻiga. E taua le faʻaauau pea ona faʻataʻitaʻi le mama lelei o lima ma le manava, nofo vavamamao mai isi, ma nofo i le fale ma fai le suʻega pe a le maua le malosi.

E leai se faʻamaoniga o le faʻaaogaina o se ufimata e le sefe pe oʻo atu ai i faʻafitauli e pei o le leai o se okesene. O tagata tausi soifua maloloina ua faʻaaogaina ni ufimata mo ni vaitaimi faʻaumiumi mo le tele o tausaga e aunoa ma nei faʻafitauli.

 

O loʻo avanoa lenei ʻupega tafaʻilagi i taimi uma ina ia nofo silafia tagata uma i uiga taua o lenei faʻamaʻi ma le tali atu a le Malo o Ausetalia i le COVID-19.

SBS e maua ai foʻi le tele o faʻamatalaga i le COVID-19 i lau lava gagana. E mafai foʻi ona faʻaaoga telefoni feaveaʻi apps e silafia ai faʻamatalaga mai le malo. Saili pe faʻaaoga soʻo se vaega e fetaui ma ou manaʻoga.

Mo nisi faʻamatalaga faʻaopoopo i le gagana Igilisi, asiasi i le www.australia.gov.au.