Shëndetësia

Informacione shëndetësore

Nëse keni simptoma serioze si vështirësi në frymëmarrje, ju lutemi telefononi në 000 për ndihmë urgjente mjekësore.

Simptomat e koronavirusit përfshijnë:

  • ethe
  • kollitje
  • dhimbje të fytit
  • gulçim.

Simptoma të tjera mund të përfshijnë hundë që rrjedhin, dhimbje koke, dhimbje të muskujve ose të nyjeve, të përzier, diarre, të vjella, humbje të ndjenjës së erës, ndryshim i ndjenjës së shijes, humbjen e oreksit dhe lodhje.

Nëse jeni të sëmurë dhe mendoni se mund të keni koronavirus, kërkoni ndihmë mjekësore.

Ju mund të thirrni Linjën Kombëtare për ndihmë për koronavirus në 1800 020 080 për më shumë informacione. Nëse keni nevojë për ndihmën e një përkthyesi në gjuhën tuaj, ju lutem thirrni 131 450.

Faqja e internetit e Departamentit të Shëndetësisë ka një sërë informacionesh në dispozicion në gjuhë të tjera përveç anglishtes për të ndihmuar njerëzit të qëndrojnë të sigurt dhe të minimizojnë rreziqet për komunitetin.

Më shumë për resurset gjuhësore mund të gjeni në www.sbs.com.au/language/coronavirus

Testimi dhe trajtimi për COVID-19

Edhe nëse nuk keni vizë, ose nuk jeni të sigurt për statusin tuaj të vizës, duhet të ndiqni udhëzimet e shëndetit publik. Nëse jeni të sëmurë dhe keni simptoma, pavarësisht se sa të buta janë, duhet të kërkoni kujdes mjekësor dhe të testoheni për COVID-19.

Gjeni klinikën respiratore për COVID-19­­­­ më të afërt për ju.

Qëndro i sigurt

  • Gjithmonë praktikoni higjienë të mirë, lani duart për 20 sekonda me sapun dhe ujë, mbuloni kollitjet tuaja, mos prekni sytë, hundën dhe gojën.
  • Mbajeni distancën sociale prej të paktën 1.5 metra kur jeni jashtë shtëpisë tuaj.
  • Shmangni përshëndetjet fizike të tilla si shtrëngimi i duarve, përqafimet dhe puthjet.
  • Praktikoni kujdes shtesë nëse jeni duke përdorur transportin publik.
  • Shmangni turmat dhe tubimet e mëdha publike.
  • Qëndroni të informuar mirë - përdorni vetëm informacione zyrtare të besuara. Shkarkoni aplikacionin e telefonisë celulare Coronavirus Australia, regjistrohuni në shërbimin Coronavirus Australia WhatsApp , dhe vizitoni www.australia.gov.au për informacione më të reja.

Linja për mbështetje për personat e moshuar për COVID-19

Linja për mbështetje për personat e moshuar për COVID-19 informon, mbështet dhe lidh Australianët e moshuar.

Disa njerëz të moshuar janë të prekshëm ndaj COVID-19 por që janë më pak të lidhur me internetin dhe kanë nevojë për mënyra për qasje në informacione për rrethanat e tyre. Linja për mbështetje për personat e moshuar për COVID-19 ofron informacione dhe mbështetje.

Australianët e moshuar, familjet e tyre, miqtë dhe kujdestarët mund të bëjnë një telefonatë falas në 1800 171 866 nëse ata:

  • dëshirojnë të bisedojnë me dikë në lidhje me kufizimet për COVID-19 dhe ndikimin e saj mbi ata
  • ndjehen të vetmuar ose shqetësohen për një të dashur
  • kujdesen për dikë dhe kanë nevojë për disa informacione ose dikush për të folur me ata
  • kanë nevojë për ndihmë ose këshilla për ndryshimin e shërbimeve të kujdesit për të moshuarit që ata janë duke marrë
  • kanë nevojë për ndihmë për të pasur qasje në shërbime të reja të kujdesit ose furnizime esenciale të tilla siç është blerja
  • shqetësohen për veten, një mik apo anëtar i familjes që jeton me demencë
  • dëshirojnë të bëjnë një termin për kontroll të njëhershme ose të rregullt të shëndetin e tyre, ose për dikë tjetër

Australianët e moshuar, të afërmit e tyre, kujdestarët, miqtë apo mbështetësit mund të telefonojnë në 1800 171 866 nga 8.30am - 6pm AEST gjatë ditëve të punës për informacionet apo shërbimet që atyre mund t'i nevojiten.

Fleta informuese