کاروباروں کے لیے

جاب کیپر کی مدّت میں توسیع

جاب کیپر ادائیگی، جو شروع میں 27 ستمبر 2020 تک کے لیے تھی، اب اہل کاروباروں (اپنا کام کرنے والے افراد سمیت) اور بلا منافع کام کرنے والے اداروں کے لیے 28 مارچ 2021 تک دستیاب رہے گی۔

آئندہ تبدیلیوں کا خلاصہ دیکھنے کے لیے یہاں جائیں treasury.gov.au/coronavirus/jobkeeper/extension۔

JobKeeper ادائيگی

حکومت کی طرف سے JobKeeper ادائيگی ان کاروباروں کے لیے ایک عارضی سبسڈی ہے جو کرونا وائرس (COVID-19) کی وجہ سے زیادہ متاثر ہوئے ہیں۔

اہل آجر، سول ٹریڈر (اپنا کاروبار کرنے والے افراد) اور دوسرے ادارے اپنے اہل ملازمین کو جاب کیپر ادائیگیاں دلانے کے لیے درخواست دے سکتے ہیں۔ یہ ادائيگی آجر کو ہر مہینے ATOکی طرف سے اس کے بعد ملے گی کہ وہ ملازم کو یہ رقم دے چکا ہو۔

جاب کیپر ادائیگی کے لیے کاروبار ATO کے بزنس پورٹل کے ذریعے، سول ٹریڈر myGov میں ATOکی آن لائن خدمات کے ذریعے یا رجسٹرڈ ٹیکس ایجنٹ یا BAS ایجنٹ کے ذریعے اپنا نام لکھوا سکتے ہیں۔

ATOکی طرف سے موجودہ جاب کیپر معاونت اور مدد کے بارے میں معلومات کے لیے www.ato.gov.au/JobKeeper دیکھیں۔

بل اور اجرتیں ادا کر پانے کے لیے رقوم کی آمد (کیش فلو) جاری رکھنے کو یقینی بنانا

جو اہل کاروبار اور بلامنافع کام کرنے والے (نان پرافٹ NFP,) ادارے عملہ رکھتے ہوں، انہیں ستمبر 2020 تک ہر مہینے یا ہر سہ ماہی کی ایکٹیویٹی سٹیٹمنٹ داخل کرنے پر$20,000  سے $100,000  کے درمیان کیش فلو بوسٹ رقوم ملیں گی۔

یہاں مزید تفصیل دیکھیں:

زیر تربیت کارکن (اپرنٹس اور ٹرینی)

حکومت آسٹریلیا کی ہنرمند افرادی قوت کی مسلسل ترقی کو سہارا دے رہی ہے اور اہل کاروباروں کو اپنے زیر تربیت اپرنٹس اور ٹرینی کارکنوں کو اپنے پاس رکھنے کی خاطر، اجرتوں کے لیے 50 فیصد سبسڈی پیش کر رہی ہے جس کی زیادہ سے زیادہ رقم $21,000 ہے۔

مزید معلومات یہاں دیکھیں:

کریڈٹ اور قرضے

ایک نئی کرونا وائرس SME گارنٹی سکیم کا مطلب یہ ہے کہ شاید آپ اس سکیم میں شریک قرض دینے والے اداروں سے اضافی قرضے حاصل کر سکیں تاکہ آپ کو آنے والے مہینوں میں سہارا مل سکے۔

حکومت SME قرض دینے والوں کو نئے غیر محفوظ شدہ (بلا ضمانت) قرضوں کے لیے 50 فیصد تک کی ضمانت دے گی تاکہ انہیں ورکنگ کیپیٹل (روزمرہ کاروبار کے لیے دستیاب سرمایہ) کے طور پر استعمال کیا جائے۔

حکومت موجودہ چھوٹے کاروباروں والے صارفین کو قرض دینے والے اداروں کے لیے ذمہ دارانہ طور پر قرض دینے کے فرائض سے استثناء بھی فراہم کر رہی ہے۔

یہ استثناء چھ مہینوں کے لیے ہے اور یہ کاروباری مقاصد سے کسی بھی کریڈٹ کے لیے واجب ہو گا جس میں نیا کریڈٹ، کریڈٹ کی حد میں اضافے اور کریڈٹ کے مختلف طریقے اور نئے سٹرکچر بھی شامل ہیں۔

ریجنوں اور سیکٹروں کو سہارا دینا

حکومت نے کرونا وائرس کی وبا سے زیادہ متاثر ہونے والی کمیونٹیوں، ریجنوں اور شعبوں کے لیے 1 بلین ڈالر کی رقم مختص کی ہے۔ یہ رقم وبا کے  دوران مدد اور بحالی کے لیے مدد کی خاطر دستیاب رہے گی۔ اس کے ساتھ ساتھ حکومت ہمارے ہوائی سفر کے شعبے کو بھی 715 ملین ڈالر تک کے پیکیج کے ذریعے مدد دے رہی ہے۔

اپنے کاروبار میں سرمایہ کاری کرنا

ان کاروباروں کے لیے اثاثوں کی قیمت کو فوری طور پر کاٹنے (instant asset write-off)  کی حد کو $30,000  سے بڑھا کے$150,000  کر دیا گیا ہے جن کا مجموعی سالانہ ٹرن اوور 500 ملین ڈالر سے کم ہے۔

چاہے آپ اپنے ویئر ہاؤس کے لیے نئے آلات یا استعمال شدہ ٹریکٹر خرید رہے ہوں، آپ کے کاروبار کو 31 دسمبر 2020 تک instant asset write-off کی اضافی اور وسیع حد سے فائدہ پہنچ سکتا ہے۔

اہل کاروباروں کے لیے اثاثوں کی قدر میں تیزی سے کمی کی بنیاد پر رقوم منہا کرنا (accelerated depreciation deductions) بھی ممکن ہو گا جو وہ 15 ماہ تک سرمایہ کاری کی ترغیب دینے والے اقدام کے ذریعے کر سکیں گے۔

یہاں مزید تفصیل دیکھیں:

اثاثوں کی قیمت کو فوری طور پر کاٹنے کے اہل کاروبار

کاروباروں میں سرمایہ کاری کو سہارا دینا – اثاثوں کی قدر میں تیزی سے کمی

یہ بھی دیکھیں: