صحت

صحت کے بارے میں معلومات

اگر آپ کو خطرناک علامات پیش ہوں جیسے سانس لینے میں مشکل ہو تو براہ مہربانی فوری طبی مدد کے لیے 000 پر کال کریں۔

کرونا وائرس کی علامات میں یہ شامل ہیں:

  • بخار
  • کھانسی
  • گلے میں درد یا خراش
  • سانس لینے میں مشکل۔

دوسری علامات میں ناک بہنا، سر میں درد، پٹھوں یا جوڑوں میں درد، متلی، دست، الٹیاں، سونگھنے کی حسّ ختم ہو جانا، چکھنے کی حسّ بدل جانا، بھوک نہ لگنا اور تھکن شامل ہو سکتی ہیں۔

اگر آپ بیمار ہیں اور آپ کے خیال میں آپ کو کرونا وائرس ہو سکتا ہے تو طبی مدد حاصل کریں۔

مزید معلومات کے لیے آپ 080 020 1800 پر نیشنل کرونا وائرس ہیلپ لائن کو فون کر سکتے ہیں۔ اگر آپ کو تحریری یا زبانی ترجمے کی خدمات کی ضرورت ہے تو 450 131 پر فون کریں۔

ڈیپارٹمنٹ آف ہیلتھ کی ویب سائیٹ پر انگلش کے علاوہ دوسری زبانوں میں بہت سی معلومات موجود ہیں جو لوگوں کو محفوظ رہنے اور کمیونٹی کے لیے خطرات کم رکھنے میں مدد دیتی ہیں۔

زبانوں میں مزید وسائل یہاں مل سکتے ہیں مختلف www.sbs.com.au/language/coronavirus

COVID-19 کا ٹیسٹ اور علاج

چاہے آپ کے پاس ویزا نہ ہو یا آپ اپنے ویزے کی حیثیت کے بارے میں ٹھیک سے نہ جانتے ہوں، آپ کو عوامی صحت کے لیے ہدایات پر عمل کرنا ہو گا۔ اگر آپ کی طبیعت خراب ہو اور آپ کو علامات پیش ہوں، چاہے کتنی ہی ہلکی علامات ہوں، تو آپ کو طبی مدد حاصل کرنی چاہیے اور اپنا COVID-19 ٹیسٹ کروانا چاہیے۔

اپنے قریبی COVID-19 ریسپیریٹری (نظام تنفّس) کے کلینک کا پتہ دیکھیں۔

محفوظ رہیں

  • ہمیشہ اچھا حفظان صحت برقرار رکھیں، اپنے ہاتھ صابن اور پانی سے 20 سیکنڈ تک دھوئیں، کھانستے ہوئے منہ ڈھکیں، اپنی آنکھوں، ناک اور منہ کو چھونے سے گریز کریں۔
  • جب آپ اپنے گھر سے باہر ہوں تو دوسرے لوگوں سے کم از کم 1.5میٹر کا فاصلہ رکھیں۔
  • لوگوں سے سلام دعا کے جسمانی طریقے استعمال نہ کریں یعنی ہاتھ ملانے، گلے ملنے اور چومنے سے گریز کریں۔
  • اگر آپ پبلک ٹرانسپورٹ استعمال کر رہے ہوں تو زیادہ احتیاط کریں۔
  • مجمعوں اور ایسے پروگراموں سے گریز کریں جہاں زیادہ لوگ ہوں۔
  • بخوبی آگاہ رہیں – صرف قابل اعتماد سرکاری معلومات استعمال کریں۔ Coronavirus Australia موبائل فون ایپ ڈاؤن لوڈ کریں، کرونا وائرس آسٹریلیا WhatsApp سروس سبسکرائب کریں اور تازہ ترین معلومات کے لیے www.australia.gov.au دیکھیں۔

معمّر افراد کے لیے COVID-19 امدادی لائن (Older Persons COVID-19 Support Line)

معمّر افراد کے لیے COVID-19 امدادی لائن آسٹریلیا کے معمّر لوگوں کو معلومات، مدد اور رابطے مہیا کرتی ہے۔

کچھ معمّر افراد کے لیے COVID-19 کا خطرہ زیادہ ہے لیکن وہ انٹرنیٹ سے کم منسلک ہوتے ہیں اور انہیں اپنے حالات کے لیے معلومات حاصل کرنے کے طریقوں کی ضرورت ہے۔ معمّر افراد کے لیے COVID-19 امدادی لائن معلومات اور مدد فراہم کرتی ہے۔

معمّر آسٹریلین، ان کے خاندان، دوست اور نگہداشت کرنے والے ان صورتوں میں 866 171 1800 پر مفت فون کر سکتے ہیں کہ:

  • وہ COVID-19 کی پابندیوں اور اپنے اوپر ان کے اثرات کے بارے میں کسی سے بات چاہتے ہوں
  • تنہا محسوس کر رہے ہوں یا اپنے کسی پیارے کے بارے میں فکرمند ہوں
  • کسی کی نگہداشت کرتے ہوں اور انہیں معلومات کی یا کسی سے بات کرنے کی ضرورت ہو
  • انہیں معمّر افراد کی نگہداشت کی جو خدمات مل رہی ہوں، وہ خدمات بدلنے کے لیے انہیں مشورے یا مدد کی ضرورت ہو
  • انہیں نئی نگہداشتی خدمات حاصل کرنے یا بنیادی ضرورتوں جیسے خریداری کے لیے مدد کی ضرورت ہو
  • وہ اپنے بارے میں، کسی دوست یا ڈیمینشیا کے ساتھ جینے والے اپنے خاندان کے فرد بارے میں فکرمند ہوں
  • وہ اپنے لیے یا کسی اور کے لیے یہ انتظام کروانا چاہتے ہوں کہ کوئی ایک بار ان کی خیریت معلوم کرے یا باقاعدگی سے خیریت معلوم کی جائے۔

معمّر افراد، ان کے رشتہ دار، نگہداشت کرنے والے، دوست یا معاون کسی بھی قسم کی معلومات یا خدمات کی ضرورت ہونے پر، ہفتے کے عام دنوں میں صبح 8.30 بجے سے شام 6 بجے تک (آسٹریلین ایسٹرن سٹینڈرڈ ٹائم) 866 171 1800 پر فون کر سکتے ہیں۔

معلوماتی پرچے